Mark Zuckerberg's Facebook

Facebook නිර්මාතෘ සකර්බර්ග් ෆේස්බුක් යෑම නතර කරයි.

සති 2කට වරක් එක පොතක් කියවන්න සකර්බර්ග්ගෙන් තීරණයක්

2015 වර්ෂයේදී මගේ අභියෝගය වන්නේ සෑම සති දෙකකට වරක්ම අලුත් පොතක් කියවීම. විවිධ සංස්කෘතීන්, විවිධ විශ්වාසයන්, විවිධ මිනිස් හැසිරීම් සහ තාක්ෂණයට අදාළ පොත් කියවන්න මම බලාපොරොත්තු වෙනවා. වසර ආරම්භයේදී විවිධ ෆෙස්බුක් එකමුතු (ට්පධභන ඛ්ධථථභදඪබඪඥඵ) රැසක් මට අභියෝග රැසක් එවලා තිබුණා. ඔවුන් සියලු දෙනාටම ගොඩක් ස්තුතියි. එහෙත් මම 2015දී පොත් කියවීමේ අභියෝගය භාරගත්තා. මම හිතනවා පොත් කියවීම ඔස්සේ ඕනෑම කෙනෙක් තුළ ඇතුළත බුද්ධියක් නිර්මාණය වෙනවා. අද ගොඩක් මාධ්‍යයන් මතුපිටින් ඔබට පෙන්වන දේවලට වඩා බොහෝ දේ ඔබට ලබාදෙන්න හොඳ පොත් සමත් වෙනවා. ඒ නිසා මම මේ වසර පොත් කියවන්න වෙන් කරනවා. මම කියවන හොඳ පොත් පිළිබඳ තොරතුරු ඒ කඥචප ධට ඕධධඬඵ නම් පිටුවට යොමු කරනවා. ඔබට එයින් අදහසක් ගන්න පුළුවන්. ඔබ ඇත්තටම පොත් කියවන්න කැමැති නම් විතරක් එම පිටුවට කැමැත්ත ප්‍රකාශ කරන්න." 2015 ජනවාරි මස 02 වැනි දින මාර්ක් සකර්බර්ග් ඔහුගේ ෆෙස්බුක් පිටුවේ යොදා තිබුණු සටහන. ඔහු 2015 වසර ආරම්භ කළේ සෑම සති දෙකකට වරක්ම පොතක් කියවීමේ අභියෝගය සමඟින්. ඔහු එම අභියෝගය සැබෑවක් කරමින් මේ වනවිට පොත් අටක් කියවා තිබෙනවා. එම කෘතීන් එක හුස්මට කියවිය හැකි නව කතා නොවීමත් තවත් විශේෂත්වයක්. අයිස් වතුර නානවාට වඩා එය කෙතරම් වෙනස් අභියෝගයක්ද? ඔහුගේ එම සටහනට 133,599ක් කැමැත්ත ප්‍රකාශ කරලා තිබුණු අතර 7,022ක් එය හුවමාරු කරගෙන තිබුණා. ෆෝර්බ්ස් 2014 වර්ගීකරණය අනුව මාර්ක් සකර්බර්ග් ලොව බලවත්ම මිනිසුන්ගේ ලැයිස්තුවේ 22 වැනි තැන ඉන්නවා.

එසේම ලොව ළාබාලම බලවතුන් අතර ඔහු පළමුවැනියා. එපමණක් නොව ලොව ධනවතුන්ගේ ලැයිස්තුවේ ඔහු පසුවන්නේ 16 වැනි ස්ථානයේ. වයස අවුරුදු 30 වෙන්නත් කලින් ලොව බලවත් මෙන්ම ධනවත් පුද්ගලයෙක් වුණු මාර්ක් සකර්බර්ග්ට තවත් පොත් කියවලා රැස්කරගන්න තියෙන දැනුම මොකද්ද? සෑම සති දෙකකට වරක්ම මොකක් හරි පාටියකට සෙට් වෙන්නේ නැතිව ඔහු පොත් කියවන්න හේතුව මොකද්ද? සැබෑ අධ්‍යාපනය යනු එයයි. මෙම ලිපිය ඔස්සේ මම ඔබට කියන්නේ සැබෑ අධ්‍යාපනය පිළිබඳ කතාව. මාර්ක් සකර්බර්ග් ගැන මව්බිම ජ්ඊ ඔස්සේ අපි ගොඩක් දේ කතා කරලා තියෙනවා. එසේම මා පසුගිය වසරේ ප්‍රකාශ කළ මහ මොළකාරයෝ කෘතියේ ඔහු පිළිබඳ තවත් තොරතුරු ගැඹුරින් ඇතුළත් වෙනවා. එම නිසා මාර්ක්ගේ අලගිය තැන් මුලගිය තැන් ගොඩක් ලියන්න මම බලාපොරොත්තු වෙන්නේ නැහැ.

මාර්ක්ට පරිගණක විද්‍යාව සහ මනෝවිද්‍යාව හැදෑරීමට 2002 වසරේදී ලොව විශිෂ්ටතම සරසවියක් ලෙස නම් දරා තියෙන හාවර්ඩ් සරසවියට ඇතුළුවීමේ අවස්ථාව හිමි වෙනවා. ලොව පුරා උන්මාදයක් බවට පත්වෙලා තිබෙන ෆෙස්බුක් වෙබ් අඩවිය නිර්මාණය කළේ මාර්ක් ඇතුළු යහළුවන් පිරිසක්. ඛ්++ සහ ර්ථීඩ්ර්ථී කියන පරිගණක භාෂාවලින් ලියැවුණ ෆේස්බුක් සමාජ සම්බන්ධතා වෙබ් අඩවිය මාර්ක් සකර්බර්ගේ ජීවිතයේ පිටු අලුතෙන් ලියන්න තරම් සමත්කමක් දැක්වූවා. මෙන්න මේ නිසාම ලෝක ප්‍රකට ටයිම්ස් සඟරාව 2010 වසරේදී වසරේ මිනිසා (ඊඩඥ ර්ථීඥපඵධද ධට බඩඥ කඥචප) ලෙස මාර්ක් සකර්බර්ග් නම් කරනවා. ඒ වෙනකොට සකර්බර්ග්ට යාන්තම් වයස විසිහය සම්පූර්ණ වුණා විතරයි. ඇත්තටම ෆේස්බුක් ඔස්සේ ප්‍රකෝටිපතියෙක් දක්වා ගිය ගමන ලෙහෙසි පහසු එකක් වුණේ නැහැ. නඩු පිට නඩුවලට විවිධ හේතු නිසා මුහුණ දෙන්න සකර්බර්ග්ට සිදුවුණා. ඉතාම කෙටි කාලයකදී මාර්ක් ලෝකයේ බොහෝ දෙනෙක් කතාබහට ලක්කළ ව්‍යාපාරිකයෙක් වුණා. ඒ නිසාම ඇකඩමි සම්මාන අටක් දිනාගත් ඊඩඥ ඉධජඪචත ව්ඥබඹධපඬ සිනමාපටය නිර්මාණය වෙන්නේ සකර්බර්ග්ගේ ජීවන කතාව ඇතුළත් කර ලියූ බෙන් මෙස්රිච්ගේ ඊඩඥ ඒජජඪඤඥදබචත ඕඪතතඪධදචඪපඥඵ කෘතිය ඔස්සේ.

ජීවත්වෙන්න ඉගෙන ගන්නවාද? රස්සාවක් කරන්න ඉගෙන ගන්නවාද?
මාර්ක් පුංචි කාලේ ඉඳලාම ඉගෙන ගත්තේ ලෝකයට අලුත් දෙයක් දෙන්න. ඇත්තටම බොහෝ තරුණ තරුණියන් අද ඉගෙන ගන්නේ රස්සාවක් හොයා ගන්න. රස්සාව ලැබුණු ගමන්ම ඔවුන් පොතක් පතක් දිහා ඇහැක් ඇරලා බලන්නේ නැහැ. අපේ රටේ පවතින මුල් බැසගත් සමාජ ආර්ථික ප්‍රශ්න අපේ රටේ කොල්ලෝ කෙල්ලෝ එහෙම හිතන්න පොලඹවන්න ප්‍රධාන හේතුවක්ය.

අනෙක් අතට ඔවුන් බොහෝ දෙනෙක් අධ්‍යයනය කරන්නේ කිසියම් විභාගයක් සමත්වෙන්න පමණයි. පාඩම් කරන්න ඕන විභාග සමත් වෙන්න. ඒ ශ්‍රී ලාංකික යෞවන යෞවනියන් තුළ තියෙන මුල් බැසගත් වැරැදි මතයක්. සැබැවින්ම පාඩම් කරන්න ඕන ජීවන පාඩම්වලට සාර්ථකව මුහුණ දෙන්න මිසක විභාග සමත් වෙන්න නෙවෙයි. මන්දයත් ජීවිතය තුළ එකම විභාගය දෙපාරක් කරන්න ඔබට අවස්ථාව ලැබෙන්නේ නැහැ. අන්න ඒ නිසා ජීවිතය කියන විභාගය ඉහළින් සමත් වෙන්න හරි තීරණ හරි අවස්ථාවේ ගත යුතුයි. තවදුරටත් ඔවුන් පොත් කියවීම පාසල් ශිෂ්‍යයන්ට සහ සරසවි සිසු සිසුවියන්ට උරුම කාර්යක් පමණක් බවට සලකනවා.

එසේම පාසල් සමයේදී ඉගෙනීම අත්හැරපු බොහෝ පිරිසක් හිතන්නේ පොත් කියවීම තමන්ට නුසුදුසු දෙයක් කියලා. තමන් තවදුරටත් ඉගෙන ගන්න නුසුදුස්සෙක් බවට ඔවුන්ම වැරැදි මතයක් සිතට තදින්ම ඇතුළුකර ගන්නවා. මාර්ක් සකර්බර්ග් 2002 ලොව අංක එකේ සරසවියකට ඇතුළු වුණත් ඔහු 2004දී උපාධිය අතහැරලා තමන්ගේම ව්‍යාපාරයක් පටන් ගන්න හිතනවා. මෙයින් කියැවෙන්නේ නැහැ ඔහු ඉගෙනීම අත්හැරිය බව. ඔහු එදා ගත්තේ ඉගෙනීම පිළිබඳ තීරණයක් නෙවෙයි. ඇත්තටම ඔහු එදා ගත්තේ ඉගෙන ගන්න තැන සහ ඉගෙන ගන්න විධිය පිළිබඳ තීරණයක් පමණයි. ඔහු සැබෑ ඉගෙනීම පටන් ගත්තේ සරසවියෙන් එළියට බැස්සාට පසුව. ඔහු ඉන්පසුව අඛණ්ඩව ස්වයං අධ්‍යයනයක යෙදුණා. ඔහු වෙනදාට වඩා ඉගෙන ගන්න හිතුවා. වෙනදාට වඩා අලුත් දේවල් ගැන නිතරම සොයලා බැලුවා. එම නිසා තමයි ඔහු නිර්මාණය කළ ෆේස්බුක්වලට ඇබ්බැහි වුණු තරුණ පිරිස් සැබෑ පොත් අමතක කරලා මුහුණු පොතේ අනවශ්‍ය ලෙස කාලය ගතකරද්දී මහා ධනපතියෙක් වුණු ඔහු තාමත් පොත් කියවන්න හිතන්නේ.
බඩගිනිව ඉන්න... මෝඩව ඉන්න... (ඉබචර

ඩ්භදඨපර, ඉබචර ජ්ධධතඪඵඩ) ඒ මාර්ක් වැනි තරුණ පිරිසට ආදර්ශයක් වුණු පෙර පරපුරේ පරිගණක වීරයා ස්ටිව් ජොබ්ස්ගේ සදාතනික ආදර්ශ පාඨය. ඔබට බඩගිනි දැනෙන තරමට ඔබට තව තවත් හම්බ කරන්න හිතෙනවා. ඒ වගේම ඔබ මෝඩයි කියලා දැනෙන තරමට ඔබට තව තවත් ඉගෙන ගන්න හිතෙනවා. කෙනෙක්ට එහෙම හිතෙන්නේ නැත්නම් ඒක ඔහුගේ හෝ ඇයගේ අවාසනාවක් වෙනවා. එම නිසා කවදාවත් අධ්‍යයනය අතහරින්න එපා. සමස්ත ජීවිතයම මහා සරසවියක්. සාමාන්‍ය පෙළ හෝ උසස් පෙළ අසමත් වීම ඔබගේ අධ්‍යයන නවත්වන්න කිසිම හේතුවක් නෙවෙයි. එසේම ආචාර්ය උපාධියක් රැගෙන හොඳ රැකියාවක් හිමිවීමත් ඔබගේ අධ්‍යයනය නවත්වන්න කිසිම හේතුවක් නෙවෙයි. එම කරුණු දෙකම තවත් ඉගෙන ගන්න හේතු වෙනවා.

අද ඉගෙනීම විභාගයකට කොටු කළ සමාජයක් බිහිවෙලා තිබෙන නිසා වත්මනේදී බොහෝ දෙනා නවකතා කියවීමෙන් පමණක් සැනසෙනවා. පොත් කියවන පිරිසගෙන්ද 80%ක් පමණ පිරිස හොයන්නේ එක හුස්මට කියවන්න පුළුවන් පොත් පමණයි. එය තේරුම් ගන්න ලේඛකයන්ද ලියන්න තනන්නේ එක හුස්මට කියවන්න පුළුවන් පොත් පමණයි. බොහෝ මුද්‍රිත සහ විද්‍යුත් මාධ්‍යයන් තුළද ඉදිරිපත් කරන්නේ ඇස පිනවන දසුන් මිසක මොළයේ මලකඩ ඉවත් කරන අදහස් නොවෙයි. එහෙත් තවමත් ලොව දියුණු රටවල පිරිස් ඉතා ආශාවෙන් පර්යේෂණ කෘතීන් හොය හොයා කියනවා.

ර්චතජධථඥ ට්තචඤඥඹඥතත, අධඡඥපබ ට්පඥඥද වැනි පර්යේෂණ ලේඛකයන් සුපිරි තරු බවට පත්වුණේ අන්න ඒ නිසයි. මාර්ක් සකර්බර්ග්ද 2015 වසරේ මේ වනවිට කියවලා තියෙන බොහෝ පොත් ඉතා උසස් පර්යේෂණ කෘතිවීම විශේෂයි. එසේම එම කෘතීන් විවිධ ක්ෂේත්‍රයන් පිළිබඳ වීම තවත් විශේෂයක්. ඔවුන්ගේ දියුණුවේ බොහෝ දෙනෙක්ට හඳුනාගන්න නොහැකි කොටස නිර්මාණය වුණේද දියුණු රටවල මිනිස්සු නිරන්තර අධ්‍යයනයට දක්වන කැමැත්ත නිසා බව පැහැදිලිව දක්වන්න පුළුවන්. අපේ රටේ සාක්ෂරතාවේ ඉහළ බව අපේ රටේ මිනිස්සු ස්වයං අධ්‍යයනයකට දක්වන සැබෑ කැමැත්ත හෝ ඉගෙනීමට දක්වන සැබෑ උනන්දුව පෙන්වන දර්ශක නෙවෙයි.

සැබෑ ඉගෙනීම ජීවිතය තුළම තිබෙන කොටසක් මිසක එය ඊට පිටතින් තිබෙන අසාමාන්‍ය දෙයක් නෙවෙයි. මාර්ක් සකර්බර්ග් මේ වනවිට කියවා ඇති පොත් අට පහත දැක්වෙනවා. ඔහු එම කෘතීන් සමඟ බැඳී සිටින බව ඔහු දක්වන අදහස්වලින් මනාව ඔප්පු වෙනවා. ඔහුගේ සැලැස්ම වසර පුරාම සෑම සති දෙකකට වරක්ම එක පොතක් කියවීම. ඉතිං ඔබ වසරකට පොත් කීයක් කියවනවා ද? ඔබ වසරක් තුළ ජ්චජඥඡධධඬ තුළ කොපමණ වෙලා රැඳී ඉන්නවාද? තේරීම ඔබගේ අතේ. ඔබගේ ජීවිතයේ සහ ඔබට ලැබුණු කාලයේ වටිනාකම දන්නේ ඔබ පමණයි.
(mawbima.lk)

Read More »

Ayomi Shanika New Born Baby

අයෝමි ශානිකා (සුදු නංගී) අලුත උපන් බබා එක්ක ගත්ත Photos මෙන්න

අයෝමී ශානිකා එහෙමත් නැත්නම් සුදු නංගී කීවම අපි කවුරුත් දන්න ඇය පසුගිය වසරක විවාහ දිවියට එළඹුණා. ආදරේ පිරුණු අයෝමිගේ පවුල් ජීවිතේ ලස්සන කරන්න අලුත් අමුත්තෙක් ආවා කියලා අපිට ආරංචි වුනා. ඒ ගැන අහන්න වගේම මේ දවස්වල අයෝමිගේ ජීවිතේ වෙනස් වුනු හැටි දැනගන්නත් අපි ඇයට කතා කළා.අයෝමි නම් කියන්නේ ඇයගේ ජීවිතයට ලැබුණු වටිනාම තෑග්ග තමයිලු අලුත උපන් පුංචි පැටියා. අයෝමිට හම්බවෙලා තියෙන්නේ පුතෙක් කියලත් ඇය අපිත් එක්ක කීවා. එයාගේ නම තමයි අබිරු. පහතින් තියෙන්නේ සුදු නංගිගේ අලුත් පැටියාගේ ඡායාරූප එකතුවක්...

Read More »

Will Sri Lankan President dissolve parliament ?

පාර්ලිමේන්තුව ලබන සතියේ විසුරුවයි ද?

මැතිවරණ ක්‍රමය වෙනස් කරන නීති සම්පාදනයකින් තොරව පාර්ලිමේන්තුව විසුරුවන්නට ඉඩ තිබෙන බව ආරංචි මාර්ග පවසයි.

ඒ අනුව මීළඟ මහ මැතිවරණය ද බොහෝ දුරට වර්තමාන මැතිවරණ ක්‍රම‍ය යටතේ ම පැවැත්වීමට ඉඩ තිබේ.

එය අපරාධයක් බව අමුතුවෙන් කිව යුතු නො වේ.

එහෙත්, විශේෂයෙන් ම මහින්ද රාජපක්ෂවාදී කඩාකප්පල්කාරී බලවේගය සමග කුමන හෝ සම්මුතියකට පැමිණීම පහසු නැති බව 19වන ආණ්ඩුක්‍රම ව්‍යවස්ථා සංශෝධනය විසින් පෙන්වා දෙන ලදී. කලක් පාර්ලිමේන්තු ප්‍රජාතන්ත්‍රවාදය ශක්තිමත් කිරීම වෙනුවෙන් පෙනී සිටි දිනේෂ් ගුණවර්ධනගේ හැසිරීම මෙයට කදිම නිදසුනකි. 19වන ආණ්ඩුක්‍රම ව්‍යවස්ථා සංශෝධනයේදී ඔහුට අවශ්‍ය වුණේ ජනාධිපතිවරයාට ඕනෑම වෙලාවක පාර්ලිමේන්තුව විසුරුවීමට අවශ්‍ය බලය ලබා දෙන්නටයි. ඔහුගේ චර්යාව තේරුම් ගත හැකි එක ම පදනම කඩාකප්පල්කාරිත්වයයි.

මහින්ද රාජපක්ෂ කල්ලියේ බලපෑම හමුවේ ශ්‍රීලනිපයේ නිමල් සිරිපාල, අනුර යාපා, සුසිල් ප්‍රේම ජයන්ත වැනි අයගේ හැසිරීම ද තේරුම් ගැනීම තරමක් දුෂ්කර ය. ඔවුන් කෙතරම් දුරට ජනාධිපති මෛත්‍රීපාල සමග එකට සිටිනවා ද යන්න ද අපැහැදිලි ය. 19වන ආණ්ඩුක්‍රම ව්‍යවස්ථා සංශෝධනයේදී ඔවුන් සංශෝධන ගෙනාවේ ජනාධිපතිවරයාගේ උවමනාවට ද, නැතිනම් ජනාධිපතිවරයාට ඔවුන් සම්බන්ධයෙන් පූර්ණ පාලනයක් නැති නිසා ද යන්න අපැහැදිලි ය.

මෙම තත්වය හමුවේ 20වන ආණ්ඩුක්‍රම ව්‍යවස්ථා සංශෝධනයට ද 19වන ආණ්ඩුක්‍රම ව්‍යවස්ථා සංශෝධනයට අත් වූ තත්වය ම අත් වීමට බොහෝ දුරට ඉඩ තිබේ. සංශෝධනය විකෘති වී අනාගතයට තවත් ප්‍රශ්න රැසක් නිර්මානය කරන සංශෝධනයක් බවට පත් වීමට ඉඩ තිබේ.

එසේම, රාජපක්ෂ කල්ලියේ උපායමාර්ගය වී තිබෙන අරාජිකත්වයක් නිර්මානය කිරීමේ උවමනාවට ද ඉඩ දිය යුතු නැත.

එබැවින් අලුත් ජනවරමක් වෙනුවෙන් මහ මැතිවරණයක් පැවැත්වීම යුක්තියුක්ත ක්‍රියාවකි.

ශ්‍රීලනිපය දෙකට කැඩීම අනිවාර්ය තත්වයකි. තමන්ට එරෙහිව ඇති චෝදනා විමර්ශනය කිරීම වළක්වා ගැනීම සඳහා රාජපක්ෂ කල්ලිය බලය වෙනුවෙන් උපරිම උත්සාහය දරනු ඇත. ජනාධිපති මෛත්‍රීපාල සමග සිටින ඇතැම් බලවේග පවා නැවත මහින්ද රාජපක්ෂ පසුපස යන්නට ඉඩ තිබේ. එවැනි පසුබිමක් තුළ ශ්‍රීලනිප මෛත්‍රී පාර්ශ්වයට අත් වන ඉරණම ගැටලු සහගත ය. කෙසේ වෙතත්, රාජපක්ෂ කල්ලිය සමග වැඩ කිරීමට වඩා ජනාධිපතිවරයාට පහසු වන්නේ එජාපය සමග වැඩ කිරීමයි.

එහෙත්, ශ්‍රීලනිප මෛත්‍රී පාර්ශ්වය හා එජාපය අතර මැතිවරණ සම්මුතියක් නිර්මානය වුවහොත්, මහින්ද කල්ලිය නිතැතින් ම දෙවන බලවේගය බවට පත් වන්නට ඉඩ තිබේ.

කුමන තත්වයක් යටතේ වුව ද, අලුත් ජනවරමක් වෙනුවෙන් මහ මැතිවරණයක් පැවැත්වීම අත්‍යවශ්‍ය ය.

මහ මැතිවරණයකදී රටට යහපත් ප්‍රතිඵලයක් අත් කර ගැනීම සඳහා පුරවැසි බලවේග කුමක් කළ යුතු ද යන්න ගැන සංවාදයක් ආරම්භ කළ යුතු ය.

w3lanka.com

Read More »

Parents Protest Asking For Their Daughter

රාජිතගේ පුතාගෙන් දුව ඉල්ලා දෙමාපියන් උද්ඝෝෂණයක්

අමාත්‍ය රාජිතගේ පුතු පැහැරගත් දැරියගේ මාපියන් මානව හිමිකම් කොමිසමට

අමාත්‍ය රාජිත සේනාරත්න මහතාගේ පුත්‍රයෙකු විසින් පැහැරගත් බව පැවසෙන දැරියගේ මාපියන් අද ශ්‍රී ලංකා මානව හිමිකම් කොමිෂන් සභාවට පැමි‚යා.ඒ අදාළ සිද්ධිය සම්බන්ධයෙන් ජාතික ළමා ආරක්ෂක අධිකාරිය නිසි පරිදි විමර්ශන සිදු නොකිරීමෙන් තමන්ගේ මානව අයිතිවාසිකම් උල්ලංඝණය වී ඇති බවට පැමි‚ලි කිරීම සදහායි.

අමාත්‍ය රාජිත සේනාරත්නගේ පුත්‍රයෙකු විසින් පැහැරගත් බව කියන දැරියගේ දෙමව්පියන් ඊයේ (30) ජාතික ළමා ආරක්ෂක අධිකාරියට එරෙහිව මානව හිමිකම් කොමිසම වෙත පැමි‚ල්ලක් සිදුකළා. ඒ, මෙම සිද්ධිය සම්බන්ධයෙන් එම අධිකාරියට පැමි‚ලි කර දින 40 කට ආසන්න කාලයක් ගතවූවත්, නිසි ක්‍රියාමාර්ගයක් ගෙන නොමැති බව පවසමින්. ඒ අනුව පැමි‚ල්ලේ වගඋත්තරකරුවන් ලෙස එම අධිකාරියේ සභාපතිවරිය, එහි උප සභාපතිවරයා සහ එහි පිහිටුවා ඇති විශේෂ පොලිස් විමර්ශන ඒකකයේ ස්ථානාධිපතිවරයා නම් කර තිඛෙනවා.

මේ අතර, අදාළ දැරියගේ මව, පියා ඇතුළු තවත් බොහෝ පිරිසක් ඊයේ ජාතික ළමා ආරක්ෂක අධිකාරිය ඉදිරිපිට උද්ඝෝෂණයක නිරත වුණා. ඊට ස්වාමීන් වහන්සේ කිහිප නමක්ද එක්ව සිටියහ.

අමාත්‍ය රාජිත සේනාරත්නගේ පුත්‍රයෙකු වන එක්සත් සේනාරත්න එවක 16 හැවිරිදි වියේ පසුවූ දිනිති ආලෝකා රණසිංහ දැරිය පැහැරගෙන තිබුණේ පසුගිය වසරේ පෙබරවාරි මස 24 වනදායී.

Read More »

Piyumi botheju's politician lover

පියුමිගේ දේශපාලන පෙම්වතා හෙළිවෙයි

ජනප‍්‍රිය ටෙලි නාට්‍ය නිළි පියුමි බොතේජු කාලයක පටන් දේශපාලඥයෙකු සමඟ පෙම් සබඳතාවයක් පවත්වාගෙන යන බවට නොයෙකුත් සමාජ ජාල වෙබ් අඩවි මගින් ප්‍රචාරය කරන්නට විය.
කෙසේ වෙතත් අදාළ දේශපාලන පෙම්වතා කවුරුන්දැයි යන්න   නිසියාකාරයෙන් හෙළිදරව් නොවීය.
කෙසේ වෙතත් මේ වන විට පියුමී බොතේජුගේ දේශපාලන පෙම්වතා සම්බන්ධයෙන් ඉඟි පළ වෙමින් පවතී.
ඔහු කඩුවෙල නගර සභාවේ එක්සත් ජනතා නිදහස් සන්ධාන මන්තී‍්‍රවරයෙකු බව අනාවරණය වෙමින් පවතිනවා.
කොහොම වුණත් ළඟදී මේ පෙම්වතුන් දෙදෙනා එක වහලක් යටට පැමිණෙන්න කටයුතු සුදානම් කරමින් පවතින බවද අපට දැනගන්නට ලැබෙනවා.

(adaderana.lk)

Read More »

Cutlery Trouble in President - Farmers Meeting

ගොවියන්ට හැඳි ගෑරුප්පු වලින් ලන්ච් එක දුන් කාගිල්ස් උත්සවයේදී ජනපති හැඳි ගෑරුප්පු අතහරී

ජනපති මෛත්‍රිපාලගේ ප්‍රධානත්වයෙන් පසුගියදා බණ්ඩාරනායක සම්මන්ත්‍රණ ශාලාවේ පැවැති කාගීල්ස් සරුබිම ගොවි පුරවැසි සම්මාන උත්සවයට ලංකාව පුරා සිටින ගොවි ගෙවිලියන් රැසක් සහභාගී වුණා.
මෙම සම්මාන ප්‍රදනෝත්සවයේදී වගාබිම් ප්‍රජා නායකයින් 18 දෙනෙකු සඳහා ජනාධිපතිවරයා අතින් සම්මාන ලැබුණා. පැමිණි සියල්ලන්ට එදින දිවා ආහාරයද කාගිල්ස් සමාගම අනුග්‍රහයෙන් පිළියෙල කර තිබුණ අතර බුෆේ ක්‍රමයට ආහාර ඛෙදාගන්නට පහසුකම් සලසා තිබුණා. ජනාධිපතිවරයා පැමිණ සිටි පිරිස සමඟ ගොස් දිවා ආහාරය සඳහා එක්ව තිබුනේ පෝලිමේ ගොස් ආහාර ඛෙදා ගනිමිනි.
පැමිණි අයට කන්නට තිබුනේ ඉහළ පන්නයේ හෝටලයක කන්නට දෙන ආකාරයටයි. සංවිධායකයන්ගේ නොදන්නාකම හෝ සමාගමේ තත්වය ආරක්ෂා කිරීමේ අරමුණ නිසා ගොවි ගෙවිලියන්ට පවා ආහාර ගැනීමට තබා තිබුණේ හැදි ගෑරුප්පුය. එය ඔවුන්ට නුහුරු වූයෙන් එම අවස්ථාවේ ඇතැමුන් උඩබිම බැලු අතර අයෙක් වටපිට බලා සිටියේ හැඳි ගෑරුප්පු වලින් කන්නේ කෙසේද යන්න නොදන්නා ආකාරයටයි.

සමහරු නොසන්සුන්ව කුමක් කරමුදැයි එකිනෙකා හා කථා කර තිබුණා.
මෙය දුටු ජනාධිපතිවරයා හැන්ද සහ ගෑරුප්පුව පසෙක දමා අත සෝදාගෙන ආහාර ගැනීමට පටන් ගත්බව වාර්තා වුණා. එය දුටු ගොවි ගෙවිලියෝද ජනාධිපතිවරයා අනුව යමින් හැ`දි ගෑරුප්පු පසෙක දමා අතින් කෑමට පටන් ගත් බව පසුව වාර්තා වුණා.

එම වෙනස නිසා කෑම ඛෙදන්නට සිටි සේවකයින් අත් සොදාගන්නට අවශ්‍ය බඳුන් එක් එක් මේස සඳහා අලූතින් ගෙන්වා තැබුවා.

Read More »

The largest Buddhist settlement in the world

ලොව විශාලම බෞද්ධ ජනපදය මෙන්න

ලොව විශාලතම බෞද්ධ ජනපදය පිහිටා ඇත්තේ චීනයේය. චීනයේ ලෝරන්ගා නිම්නයේ පිහිටා ඇති මෙම බෞද්ධජනපදය බුදු දහම ඉගැන්වීම සඳහා අධ්‍යාපන ඇකඩමියක් ලෙස ලොව ප්‍රකට වී තිබේ. 1980 දී පමණ කාලයේදී ආරම්භ වූ මෙම බෞද්ධ ජනපදයේ ටිබෙට්‌ බුද්ධාගම උගන්වනු ලැබේ. මේවනවිට මෙම ජනපදයෙහි හතළිස්‌ දහසක්‌ පමණ භික්‍ෂුන් මෙන්ම මෙහෙණින් වහන්සේලා ද වාසය කරති.
මෙහි භික්‍ෂුන් හා මෙහෙණින් වහන්සේලා වෙන වෙනම ලීයෙන් තැනූ නිවාසවල වාසය කරති. මෙම බෞද්ධ ජනපදයේ රූපවාහිනි තහනම් අතර I Phone තබා ගැනීමටනිදහස ලබාදී තිබේ. මෙහි සිටින බොහෝ බෞද්ධ භික්ෂුන් සතුව ඇපල් අයි ෆෝන් 4ස් වර්ගයේ දුරකථන ඇති බවද ඩේලි මේල් වෙබ් අඩවිය විසින් වාර්තා කොට තිබුණි.


(nethfm.com)

Read More »

Lankan Parliament Passes Landmark 19th Constitutional Amendment Bill

තුනෙන් දෙකෙන් 19 සම්මතයි. මැතිසබය ඉතිහාසය යළි ලියයි

19 වැනි ව්‍යවස්ථා සංශෝධනයට පක්ෂව ඡන්ද 215 ලැබිණි. විපක්ෂව ඡන්ද 1ක් ලැබිණි.

ශ්‍රී ලංකා නිදහස් පක්ෂය, එක්සත් ජාතික පක්ෂය, දෙමළ ජාතික සන්ධානය, ජනතා විමුක්ති පෙරමුණ, ජාතික හෙළ උරුමයේ රතන හිමි හා පාඨලී චම්පික රණවක, සන්ධාන හවුල්කරුවන් වන විමල් වීරවංශ, ලංකා සමසමාජ පක්ෂය, වාසුදේව නානායක්කාර මහතාගේ පක්ෂය පනතට පක්ෂව ඡන්දය දුන්නේය.
හිටපු ජනපති පුත් නාමල් රාජපක්ෂද පක්ෂව ඡන්දය දුන්නේය. එහෙත් බැසිල් රාජපක්ෂ ඡන්දය දීමට පැමිණ නොසිටියේය. ශ්‍රී ලංකා නිදහස් පක්ෂයේ සරත් වීරසේකර විරුද්ධ විය. පෙරටුගාමී සමාජවාදී පක්ෂයේ අජිත් කුමාර ඡන්දය දීමෙන් වැළකී සිටියේය.
lankadeepa.lk

Read More »

Sujeewa senasinghe releases a container from port

ඇල්ලු කන්ටේනරයක් මුදාගන්න යහපාලන ඇමති රේගුවට කඩා පනී!

අධිකරණ නියෝජ්‍ය ඇමති සුජීව සේනසිංහ කොළඹ වරායේ රේගුවට දේශපාලන බලපෑම් කල බව එහි බලධරයෝ කියති.

ඩබුයි සිට මෙරටට ව්‍යාපාරිකයෙකු බදු රහිතව ගෙන්වන ලද තඹ කූරු කන්ටේනරයක් නිදහස් කරගැනීමට ඔහු මැදිහත් වී තිබේ. කෙසේ වෙත් සේනසිංහ මහතා එම චෝදනා ඉවතලයි.

රේගුව පවසන්නේ සේනසිංහ මහතා පැමිණ තඹ කන්ටේනරය මුදා හරින ලෙස බලපෑම් කල මුත් රේගුව එය ප්‍රතික්ෂේප කළ බවයි.

මෙම තඹ කූරු වලින් කන්ටේනර් 18 ක් විකුණා ඇති බවත් ඉන් රජයට රුපියල් දස කෝටියක් පාඩු වූ බවද රේගුව කියයි.

Read More »

Ong on ataka nataka suranga satharasinhe quits from Hiru TV

සුරංට කුඩම්මාගේ සැලකිලි දැක්වූ ''හිරු TV ''පටි රෝල් කරගනී

හිරු එපා කියා ''සුරං'' පිසාචයත් එක්ක දෙරණට රිංගලා

හිරු FM ගුවන්විදුලිය ඔස්සේ පේ‍්‍රක්ෂකයන් අතර අතිමහත් ජනප‍්‍රියත්වයට පත් ''පටිරෝල්'' ගුවන් විදුලි ප‍්‍රහසන නාටයකයේ සහ හිරු ටීවී ආරම්භ කිරීමෙන් පසු සති අන්තයේ විකාශය කිරීමට පටන් ගත්  ''ඕං ආටක නාටක'' නාට්‍යයේ නිර්මාතෘල පිටපත් රචක මෙන්ම ප‍්‍රධාන චරිතය රඟපෑ සුරංග සතරසිංහ හිරු මාධ්‍ය ජාලයෙන් ඉවත්වගොස් ඇතැයි වාර්තා වේ.


සුරංගගේ ඉවත්ව යාමත් සමග ඔහුගේ සහයකයා වන ‘පිසාචයා’ ලෙස ප‍්‍රකට ශිරාන් ශාන්තද හිරු මාධ්‍ය ජාලයෙන් ඉවත්වගොස් තිබේ. පටිරෝල් ඕං, ආටක නාටක සඳහා ඇතිකරගත් ගිවිසුම්  කාලය අවසන්වීමත් සමග එය නැවත අලූ‍ත්කර ගැනීමේ අදහස අතහැර මෙසේ සුරංග සතරසිංහ සහ ශිරාන් ශාන්ත හිරු මාධ්‍ය ජාලයෙන් ඉවත්ව ඇත්තේ එම ආයතනයෙන් ලැබුණු කුඩම්මාගේ සැලකිලි නිසාවෙන් බවද වාර්තා වේ.

ඕං ආටක නාටක නාට්‍යය රූපවාහිනියේ අතිශය ජනප‍්‍රිය වීමත් සමග එක් නාට්‍ය කොටසක් සඳහා ලබාදෙන විකාශන කාලය විනාඩි හතකට සීමා කොට වැඩිපුර වෙළඳ දැන්වීම් ප‍්‍රචාරය කිරීමට පාලනාධිකාරිය ගත් තීන්දුවත් සමග එම කෙටි කාලය තුල ප‍්‍රහසන නිර්මාණයක් කිරීමේ ගැටළුවට මැදි වූ සුරංග සතරසිංහ එම ආයතනයෙන් ඉවත්වීමට තීරනයකොට තිබේ.
 

හිරු එෆ්.එම් හි විකාශය වන ‘පටිරෝල්’ වැඩසටහන මෙවර සලීම් නීල්සන් සම්මාන උළලේ වසරේ හොඳම රේඩියෝ වැඩසටහන යන සම්මානයට නිර්දේශවී තිබුන අතර හිරු පාලනාධිකාරිය විසින් ඒ බැව් සුරංග සතරසිංහ හට දැනුම්දීම ද නොසලකා හැර තිබූ බව වාර්තා වේ.

මේ වනවිට හිරු ටීවී  ඕං ආටක නාටක නාට්‍යය සුරංග සතරසිංහ හා ශිරාන් ශාන්ත නොමැතිව ඉදිරියට ගෙන යන අතර, හිරු එෆ්.එම් පටිරෝල් සඳහා පැරණි වැඩසටහන් නැවත විකාශය කරමින් පවත්වාගෙන යන බව වාර්තා වේ.

හිරු මාධ්‍ය ජාලයෙන් ඉවත්වූ සුරංග සතරසිංහ හා ශිරාන් ශාන්ත ’ෆැඞ්නා’ විසින් හඳුන්වා දුන් ‘Tummy Tea’ නම් තේ වර්ගයක සන්නම් තානාපති ලෙස කටයුතුකිරීමට පටන්ගෙන ඇතග මීට අමතරව පැය භාගයක් පුරා දිවෙන ප‍්‍රහසන නාට්‍යයක් සඳහා සුරංග සතරසින්හට අවස්තාවක් ලබාදීමට දෙරණ රූපවාහිනිය විසින් කැමැත්ත පලකොට ඇතැයි වාර්තා වේ.

eGossip.lk

Read More »