Lizzie Velásquez

ලෝකයේ කැතම තරුණියගෙන් ලස්සන වැඩ ගොඩක්. අන්තර්ජාලයේ ඇය වටා 5,69,000ක්

ලෝකයේ බොහෝ දෙනාගේ අපහාස උපහාස පරිභවයන්ට ලක් වූ දිරිය දියණියක පිළිබඳ අගනා කතා පුවතක් මාර්තු 14 සෙනසුරාදා පටන් අන්තර්ජාලය ඔස්සේ තටු ලබා තිබුණි. ඈ නමින් ලිසී වැලෙස්කේස් (Lizzie Valasques)ය. අන්තර්ජාලය තුළ ඇය තරම් අකාරුණික ලෙස සැලකුණු තවත් අයකු සිටිත්දැයි සිතෙන තරම්ය. ඇය ඒ සියලු පරිභවයන්ට ලක්වූයේ ඇයට අත්හළ නොහැකි ඇගේම ජන්ම හැඩරුව නිසාමය. එවකට වයස අවුරුදු 17ක් වූ ඇගේ රුව රැගත් වීඩියෝ දසුනක් අන්තර්ජාලයට එක්කර තිබුණේ ඇගේම වයසේ කෙල්ලන් රැළක් විසිනි. ඔවුන්ගේ අරමුණ වී ඇත්තේද ඇය සෙස්සන්ගේ සිනාවට ලක් කිරීම බව පෙනේ. යූ ටියුබය ඔස්සේ මුදාහැර තිබුණු තත්.8ක තරම් කෙටි කාලයක් දිවෙන එම රූප රාමු ලොව පුරා මිලියන 4ක් නරඹා තිබූ බව කියවේ. බොහෝ දෙනා ඇගේ රූපය පිළිබඳ අදහස් පළ කර තිබුණේ දයා විරහිතවය. ඇය අවතාරයක්ද භූතයෙක්ද? යනුවෙන් ඇතැමුන් ප්‍රශ්න කර තිබුණි. ඇගේ දෙමාපියන් ගබ්සාවක් කර නොගත්තේ මන්දැයි ඇසූවන්ද වූහ. මේ අපරූපියා ගින්නෙන් පුළුස්සා දමන්නැයි ඇතැම්හු යෝජනා කළෝය. ඇය මගතොටේ හමු වුවහොත් තම ඇස් අන්ධ වේවායි ප්‍රාර්ථනා කළෝද වූහ. මේ සියලු දෙනා එක්ව ඇය” “ලොව කැතම ගැහැනිය” ලෙස හංවඩු ගසා තිබුණි.
අන්තර්ජාලයේ සෙවීමක් කරද්දී මේ දසුන් ලිසී වැලෙස්කේස්ගේද ඇස ගැටුණි. ඒ සැණින් ඇගේ ලෝකයම කඩා වැටුණි. තම තරුණ ජීවිතයම අවසන් වී යැයි ඇය සිතා තිබුණි. තමා ඒ ගැන කිසිවෙකුට කිසිවක් නොකියා රාත්‍රී ගණනාවක් රහසේ හඬා වැළපුණු බව ඇය පසුව ප්‍රකාශ කර තිබුණි. එතැන් පටන් කිසිවකු හා කතා බහ කිරීමටවත් ඇය එළියට නොපැමිණි බව ඕ පවසන්නීය.
මෙවන් දරුණු ඉරණමකට මුහුණ දුන් ලිසීගේ උපත් බර වී ඇත්තේ කි.ග්‍රෑ. 1.2(රා.2අවු.10ක්) පමණි. අඩු මාසයෙන් උපන් දැරිය රෝගී, දුර්වල මෙන්ම විකල වූ පෙනුමකින්ද යුතු වූවාය. කොපමණ කලක් ඇගේ දිවි රැකේදැයි කීමට පවා වෛද්‍යවරුන් අසමත්ව තිබුණි. එහෙත් දැරිය ජීවත් වූවාය. තම දරුවාට මෙසේ වූයේ ඇයිදැයි තමන් කිසි විටෙක නොසිතූ බව කියන ඇගේ මව්පියන් වන රීටා හා ලූපා තමන්ට අවශ්‍ය වූයේ ඇය නිවසට ගෙන ඒම පමණක්ම බව කියා තිබුණි.
හැඩයෙන් මෙන්ම ලෙඩෙන්ද ඇයට අඩුවක් නොවුණි. උපන්දා පටන් ඇය රෝහල් ගත වූ වාර ගණන නිමක් නැත. වරෙක ඇගේ ඇසක සැත්කමකි. ඊළඟට කනෙහි සැත්කමෙකි. දෙපතුල් හා දෙපා වෙනම සැකසිය යුතුව තිබුණි. ඇගේ අස්ථිවල ඝනත්වය පිරික්සූ වාර බොහෝය. ‍ලේ පරීක්ෂා අනන්තය. බ්‍රොන්කයිටිස් වැනි තවත් රෝගාබාධ වරින් වර ඇයට බැට දුන්නේය. ඇය සැමවිටම ඉතා දුබල දකුණු ඇස අන්ධ, වම් ඇස ද දුර්වල, කෙසඟ දැරියක වූවාය.
සියලු පිරික්සුම් අවසානයේ වෛද්‍යවරුන් ඇගේ රෝග තත්ත්වය පිළිබඳ නිගමනයකට එළඹ තිබුණි. ලිසී පෙළෙමින් සිටියේ උපතින්ම උරුම වූ (Marfon syndrome සහ Lipodystrophy) නමැති ආබාධ දෙකකිනි. මෙවන් රෝගීන් මතෛක් හමුව ඇත්තේ ලෝකයෙන්ම තිදෙනකු පමණක් බව පැවසේ. මේ රෝගය නිසා ඇගේ සිරුරේ මේදය තැන්පත් නොවන අතර ප්‍රතිඵලය වන්නේ ඉතා කෙසඟ සිරුරකි. කොපමණ ආහාර ගත්තත් මහත් නොවන ඇගේ බරද වැඩි නොවේ. දැන් අවුරුදු 27ක් වන ඇගේ උස අඩි 5යි අඟල් 2ක් වුවද බර කි.ග්‍රෑ. 27පමණි.
පෙර පාස‍ලේදී සෙසු දරුවන් ඇගෙන් ඈතට වූවේ ඇයට බියෙන් හා පිළිකුළෙනි. කෙටියෙන් කියතොත් නිවස හැර අන් සැම තැනකදීම ඇයට සිදුව ඇත්තේ පිළිකුල් සහගත ප්‍රතික්ෂේප කිරීම්ය. ඇය සාදරයෙන් පිළිගැනුණේ මව්පියන් විසින් පමණි. ඔවුහු ඇයට නොමඳව දිරි දුන්හ. හිස ඔසවා නිබයව ඉදිරිය බලා ගමන් කරන්නැයි ඔවුහු ඇයට කියා තිබුණි. ප්‍රියමනාපව සිටීමටත් ඇයට කවුරුන් සිනාසුණත් අපහාස කළත් පියකරු ලෙස හොඳින් සිනාසී යන්නැයි ඔවුන් නිතර අවවාද කර තිබුණි.
අවසානයේ කඳුළු පිස ඇය නැගී සිටීමට සමත් වූවාය. දැන් ඇය සිනාසෙන්නීය. තනිවම නොව සමාජයේ උපහාස හා ගැරහිලිවලට ලක් වූ ඇය වැනිම පිරිස් සමග එක්ව සිනාසෙන්නීය. ලෝකයේ බොහෝ දෙනා ඔවුන්ගේ සිනාවට එක්ව සිටිති. ඇය අද මානව ක්‍රියාකාරිනියකව මහ මෙහෙවරක යෙදෙමින් සිටින්නීය.
එහෙත් ලෝකයේ බොහෝ මාධ්‍ය ඇය ගැන කතා කරන්නට පටන් ගත්තේ පසුගිය මාර්තු 14 දා පටන්ය. ඒ ලිසීගේ ජීවන චාරිකාව අළලා “එඩිතර හදවත ලිසී වැලෙස්කේස්ගේ කතාව” නමින් වාර්තා චිත්‍රපටයක් ඇය ජීවත් වන ටෙක්සාස්හි චිත්‍රපට උළෙලකට ඉදිරිපත් කෙරුණ දවසයි. විරූපීව ඉපිද සමාජයෙන් කොන්වන තමා වැනි තරුණියන්ට ජීවිතය දෙස ශුභවාදීව බලා තම ජීවිත ජය ගැනීමට එවන් රූපවාහිනී වැඩසටහන් මනා රුකුලක් බව ලිසී පවසා තිබුණි. චිත්‍රපටයේ අධ්‍යක්ෂිකාව වූ සාරා බෝඩෝ කියන්නේ අප කාටත් කරදර තිබුණත් ඒවා ඇගේ කරදරවලට නම් සම කළ නොහැකි බවයි. “ඇගේ ධනාත්මක ආකල්ප ලෝකයේ ඕනෑම කෙනෙකුගේ ආධ්‍යාත්මය ඉහළ නංවනවායි” සාරා කියන්නීය.
එහෙත් ලිසී මානව හිතවාදී ක්‍රියාකාරිනියකව ඇත්තේ ඊට බොහෝ කලකට පෙර සිටය.
2010දී ලිසී හා ඇගේ මව රීටා සමග එක්ව “Lizzie Beautiful” (ලස්සන ලිසී) යනුවෙන් ‍පොතක් පළ කළාය. (අනතුරුව Be Beautiful Be You) ලස්සන වෙන්න වෙන්න ඔබ වෙන්න නම් ‍පොතක් නිකුත් කළාය. ඇය ඇගේ අධ්‍යාපන කටයුතු ද නිසි ලෙස කර ගැනීමට සමත්ව ඇත.
වසර කිහිපයක පටන් ලිසී අන්තර්ජාලයේ TED Talkz නම් වැඩසටහනකට එක්ව සිටියාය. විවිධ පුද්ගලයන් විසින් මිනිත්තු 18ක උපරිමයකට යටත්ව විවිධ වූ වැඩසටහන්, කතා ආදිය ඉදිරිපත් කෙරෙන එහි ලිසී ඉදිරිපත් කළ වැඩසටහන් වෙත බොහෝ දෙනාගේ අවධානය යොමුව තිබුණි. සමාජයේ කොන්වන පුද්ගලයන් වෙනුවෙන් (Anti-bullying campaign) ඇය ඇගේ ක්‍රියාකාරකම් යොමු කර තිබුණි. ඒවා එවන් අලුත් වැඩසටහන් නිර්මාණය වීමට හොඳ උත්තේජනයක් විය. මේ වැඩසටහන් නැරඹූවන් මිලියන ගණනකි. 2013දී ඇය යූ ටියුබයේ ඉදිරිපත් කර ඇති How do you define your self නමැති වැඩසටහන මිලියන 7ක් නරඹා ඇත. මේ ලියන මොහොතේ අන්තර්ජාලයේ ඇගේ පිරිවර 569,046කි.
අවුරුදු 13දී කණ්ණාඩියෙන් තම ප්‍රතිබිම්බය දකිද්දී තමා සුව වෙතැයි ඈ විශ්වාස කර තිබුණි. ඈ ඒ රුවට සාප කළේ එය ඇයට දුක් වේදනාවල තරමටය. එහෙත් අද ඈ තම රුව හා උපහාස තමන් ලද ආශීර්වාදයක් සේ සිතන්නී. එය අන් අයට උපකාර පිණිස යොදා ගැනීමට සිතන්නීය. සමච්චලයට ලක්වීම යනු කුමක්දැයි ඇය දන්නා බවත් අන්තර්ජාලය තුළ එසේ විම හොඳින්ම දන්නා බවත් ඇය කියන්නීය. ඇයට අවශ්‍යව ඇත්තේ තමා පිළිබඳව සෑහීමට පත් නොවන්නන් බේරා ගැනීමට බව අවසාන ඇය තම රෝගය ගැන හොඳින් තේරුම් ගත් බවත් තවදුරටත් එය ගැටලුවක් නොවන බවත් කියන්නේ සිනාසෙමිනි. මේ අභීත චින්තනය තුළින් හොඳ සමාජ ක්‍රියාකාරිනියක ලෙස කටයුතු කිරීමට ඇයට හැකිව ඇති බව පැහැදිලිය.
යථාවබෝධයෙන් සමාජය ඉදිරියට පැමිණි ඇය ජීවිතය පුරාම තම රෝගයෙන් පීඩා විඳිනු ඇත. එහෙත් ඇයට ආහාර ගත හැක්කේ ඉතා කුඩා ප්‍රමාණයකි. කොපමණ කෑවත් වර්ධනයක් නොවුණද සිරුරට අවශ්‍ය ශක්තිය ලබා ගැනීමට ඇයට නිතර ආහාර ගැනීමට සිදුව ඇත. එහෙත් තද ආහාර ගැනීමේ හැකියාවක් ඇයට නැත. ඇගේ දකුණු පාදය කොයි මොහොතක හෝ කැඩී යාමට ඉඩ ඇත. සම ඉතා වියපත් බවකි. එහෙත් ඇගේ දුර්වල හදවතේ ඇති අයෝමය ශක්තිය පුදුම සහගතය.
ලීසා වැලෙස්කේස්ගේ දැන් වයස අවුරුදු 27කි. සැබවින්ම ඇය ස්ත්‍රී පුරුෂ දෙපක්ෂයටම පරමාදර්ශී දිරිය දියණියකි. යථාර්ථය මුවා කර ගැනීමට ප්ලාස්ටික් සැත්කම් හා වෛකල්පිත වෙදකම් පසුපසත් වෙනත් අභිචාරයන් පසුපසත් හඹා යන්නන් ලැජ්ජාවට පත්කර ආපසු හරවන විසල් ප්‍රතිරූපයකි. විසුළුවලට ලක්වන්නන් රැක ගැනීමට එක්සත් රාජධානියේ කොංග්‍රස් පාක්ෂිකයන් විසින් නුදුරු දිනෙක ඉදිරිපත් කිරීමට නියමිත පනතකට හේතුවී ඇත්තේද ඇගේ පෙළඹවීමයි. අද ඇගේ සමාජ සේවාවන්ට උදව් දීමට බොහෝ දෙනෙක් ඉදිරිපත්ව සිටිති.
අනෙක් අතට ලිසීගේ කතාවෙන් අපට පෙනෙන්නේ නිවැරදි මග පෙන්වීමක් තුළ මානව චර්යාව වඩා යහපත් ප්‍රතිචාර දක්වන බවයි. ආත්ම ධෛර්යය වඩා ගැනීමට මෙන්ම අනෙකා දෙස සානුකම්පිතව බැලීමට හුරුවීම බොහෝ මානව ගැටලු ලිහී යාමට හේතු වනු ඇත. සිදුවිය යුත්තේ මිනිසා විසින් මිනිසා හැඬවීම නොව නැගී සිටීමට රුකුල් දීමය.

දීපිකා ප්‍රියදර්ශනී
(lakbima.lk)

Read More »

Sarath Fonseka becomes Lanka's first field marshal

නව ධූරයෙන් පසු ෆොන්සේකාට බිරිඳගෙන් හාදුවක් - (සංවේදී සේයාරූ)

සරත් ෆොන්සේකා ශ්‍රී ලංකා ඉතිහාසයේ පළමු ෆීල්ඩ් මාර්ෂල් ධූරයට 

ශ්‍රී ලංකාවේ ප්‍රථම වරට යුද හමුදාවක උසස්ම තනතුර වන ‘ෆීල්ඩ් මාර්ෂල්‘ තනතුරට හිටපු යුද හමුදාපති ජෙනරාල් සරත් ෆොන්සේකා මහතා අද (22) පත් කරනු ලැබීය. එම නිල උත්සවය සේනාධිනායක මෛත්‍රීපාල සිරිසේන ජනාධිපතිතුමාගේ ප්‍රධානත්වයෙන් ආරක්ෂක අමාත්‍යාංශ භූමියේදී අද සවස පැවැත්විණ.

ෆීල්ඩ් මාෂල් තනතුරට තරු පහක් හිමි වන අතර ඔහුගේ නිල රථයේ තරු පහක ධජයක් සවිකරනු ඇත. ඔහු කිසි දිනෙක විශ්‍රාම නොයන්නේය. ෆීල්ඩ් මාෂල්වරයකුට කැබිනට් ඇමැති ධූරයකට සරිලන වරප්‍රසාද ඇති අතර සමහර වරප්‍රසාද ඊටත් එහා ගිය ඒවා වේ. එනම් ඔහුට විශේෂ ආරක්ෂක ඛණ්ඩයක ආරක්ෂාව ලැබෙන අතර නිත්‍ය කාර්ය මණ්ඩලයක් ද හිමි ය.
ෆීල්ඩ් මාර්ෂල් වරයෙක් ආචාර කරනුයේ රාජ්‍ය නායකයාට පමණක් වන අතර ආණ්ඩුවේ නායකයාට හෝ ආචාර සමාචාර පවත්වන්නේ නැත. රටක් තවත් රටවල් විසින් ආක්‍රමණික යුද්ධයකට මැදිවී සිටියදී තම රට බේරා ගන්නා යුද ශිල්පයේ අති දක්ෂකම් පෑ ජෙනරාල් වරයෙකුට මෙවන් තනතුරක් ලැබෙනු ඇති නමුත් ශ්‍රී ලංකාවේ යුද්ධය තවත් රටක් අතර යුද්ධයක් නොවූ තම රටේම අභ්‍යන්තර කැරැල්ලක් වූ අතර එවන් අභ්‍යන්තර යුද්ධයකදී දක්ෂකම් පෑ ජෙනරාල් වරයෙකු ‘ෆීල්ඩ් මාර්ෂල්‘ තනතුරින් පිදීමක් මෙතෙක් ලෝකයේ කොහේවත් තැනෙක සිදුවී නැත. යුද කළ රජු හෝ රාජ්‍ය විසින් ෆීල්ඩ් මාර්ෂල් තනතුරකින් තම විශිෂ්ඨ ජෙනරාල් වරයා පුදනවා මිස යුද නොකළ රජු හෝ රාජ්‍යයක් එවැන්නක් සිදුකරනවාද මීට පෙර දැක නැත.


එසේ නමුත් ජෙනරාල් ෆොන්සේකා මහතා ෆීල්ඩ් මාර්ෂල් තනතුරකින් පිදීමට කිසිවෙක් විරුද්ධ නොවන්නේ යුද ජයෙන් පසු, පැවැති යුද කළ රජය විසින් කරන ලද අතෝරක් නොමැති පලිගැනීම් කුරිරු වද බන්ධන ආදියත් ඔහු ඊට නොසැලී මුහුණ දුන් ධෛර්ය සම්පන්න පිලිවෙතත් නිසා වන හමුදා කාරණා වලට එහා ගිය දේශපාලන කාරණා නිසාමය.

තෙවතාවක්ම යුද බිමේදී තුවාල ලබා බඩවැල් වලින් බාගයක් පවා ඉවත් කර සිටි, යුද්දයක් ජයග්‍රහණය කරා මෙහෙයැවූ ජෙනරාල් වරයෙකුට තමන් කැමැති දේශපාලනයක් කිරීමේ ‘වරදට‘ සිරබත් කන්නට දීමට තරම් පැවැති පාලකයන් මෘගයන් විය.

ජෙනරාල් වරයා ලක්ෂ 48ක මහජන කැමැත්ත ලබා සතියක් ගතවීමේදී නිවසටම පැමිණ කුදලා ගෙන ගොස් සිරගත කිරීමට තරම් හිටපු පාලකයා වියරු වැටී සිටියේ ය. ඔහු වැරදි කරුවෙක් කිරීමට අවශ්‍ය නිසාම යුද අධිකරණය සාමාන්‍ය අධිකරණයක් ලෙසට පිලිගැනීමට පවා හිටපු මෘග පාලකයන් අවනීතික විය.
 

යුද නොකළ ආණ්ඩුවක් ජෙනරාල් ෆොන්සේකාට ෆීල්ඩ් මාර්ෂල් තනතුරක් දීම කෙතරම් යුදමය වශයෙන් විවාදාත්මක වුවද ඉහත කී දේශපාලන කාරණා නිසා ඒ සියල්ල යටපත් වනු ඇත. යටපත් විය යුතුය.

සරත් ෆොන්සේකා හිටපු හමුදාපතිවරයාට ෆීල්ඩ් මාර්ෂල් ධූරය ලබා දීමත් සමග ඒ යුද්දයේ සිටි ගුවන් හමුදාපතිට සහ නාවික හමුදාපතිට ද ඊට සමාන තනතුරු වන ‘ගුවන් හමුදා ෆීල්ඩ් මාෂල්‘ සහ ‘නාවික හමුදා ග්‍රෑන්ඩ් අද්මිරාල්‘ තනතුරු ලබා දෙන ලෙස ඉල්ලීම් තිබෙන බව මාධ්‍ය වාර්තා කර තිබිණ. එ්වා අධෝමුඛයෙන් පවා සිනහා උපදවන ඉල්ලීම්ය.

සාමාන්‍ය කොල්ලන් කුරුට්ටන් පිරිසක් ආරක්ෂක අංශ සතුව තිබූ ටී-56 ආයුධ කිහිපයක් මංකොල්ලා කා ආරම්භ කරන ලද කැරැල්ලක් ගුවන් නාවුක සබ්මැරීන් බල සහිත සම්මත හමුදාවකට සමාන ආකාරයට වර්ධනය වූයේ ඔවුන්ට පිටතින් ලැබුනු අවි බලය නිසාමය. දූපතක විසූ සතුරා එතරම් බල සම්පන්න වන තරමට සියළු අවි ලැබුනේ මුහුදු මාර්ගයෙනි.

අවසානයේ ඒ සියළු අවි යටපත් කිරීමට සිදුවූයේ ගොඩබිමින් ගිය යුද හමුදාවටම ය. එලෙස තම මුහුද ආරක්ෂාකර ගැනීමට නොහැකි වූ නාවික හමුදාපති වරයෙකුට ග්‍රෑන්ඩ් අද්මිරාල් තනතුරක් ලබා දෙන්නේ නම් විහිළුවකි විකාරයකි. එපමණක් නොව එම නාවික හමුදාපති කරන්නාගොඩ මේ වන විට සුදු වෑන් කල්ලියක් හදා ගනිමින් නිර්දෝෂී තරුණ සිසුන් පැහැරගෙන ගොස් කප්පම් ලබාගෙන මරා දැමූ බවට සාක්ෂි සහිත චෝදනා එල්ල වී තිබේ. යුද අපරාධ කරුවන් ග්‍රෑන්ඩ් අද්මිරාල් ධූර වලින් පුදන රටක් ලොව නැත.

ගුවන් හමුදාපතිවරයාද එවැනිම ය. සතුරා සතුව තිබූ ගුවන් පථ 7 ක්ම හඳුනා ගත්තේ ගොඩ බිමෙන් ගිය යුද හමුදාව විසිනි. ඒ වන තුරු ගුවන් හමුදාව තම රටට සතුරු ගුවන් පථ 7 ක් තිබෙන බවක් හෝ දැන සිටියේ නැත. සතුරු ගුවන් යානා කිහිප විටක්ම අග නගරයට පැමිණ ගුවන් ප්‍රහාර එල්ල කර නිරුපද්‍රිතව පලා ගියද එකදු සතුරු ගුවන් යානාවක් හෝ ගුවනේදී විනාශ කිරීමට ගුවන් හමුදාවට නොහැකි විය.



භූමියේ යුද්ධයට ගුවන් ආරක්ෂාව ලබා දීම හැරුණු විට ගුවන් හමුදාවක් ලෙස ගුවනේදී එක සතුරු ගුවන් යානාවක් බිම හෙළා ගැනීමට අසමත් වූ ගුවන් හමුදාපතිවරයෙකු ගුවන් හමුදා ෆීල්ඩ් මාෂල් ධූරයකින් පුදන්නේ නම් එතැන ඇත්තේ ද විහිළුවක් සහ විකාරයකි.

කෙසේ වෙතත් අද  සරත් ෆොන්සේකා ෆීල්ඩ් මාර්ෂල් ධූරයෙන් පිදීමත් සමග පැන නගින ප්‍රශ්න කිහිපයක් තිබේ. ඒවා නම් මෙසේය.

යුද හමුදා නිල ඇඳුම් පසෙක ලෑමෙන් අනතුරුව දේශපාලනයට පිවිසි ඒ මහතා යලි අද සිට යුද හමුදා නිල ඇඳුම් ලා ගත්තේය. එය නිකම්ම නිකම් ලා ගැනීමක් නොව මියෙන තුරා නොගැලවෙන නිල ඇඳුමකි. හමුදා නිලයකි. ඒ එසේ නම් එවැනි ගරු ගාම්භීර නිල ඇඳුමක් ලා ගැනීමෙන් පසු ඔහු තව දුරටත් සිවිල් දේශපාලන චරිතයක් ලෙස කටයුතු කිරීම කෙතරම් නීතියට එකඟද?  කෙතරම් සදාචාරයට එකඟද ? යුද හමුදාවක සිටිය හැකි උසස්ම නිලයේ සිටින පුද්ගලයා සිවිල් දේශපාලනයේදී අනෙකුත් දේශපාලනඥයන් අතර සමානයෙක් නොවනේනේමය. එබැවින් සරත් ෆොන්සේකා මහතා ෆීල්ඩ් මාර්ෂල් සරත් ෆොන්සේකා වනවාත් සමග ප්‍රජාතන්ත්‍රවාදී පක්ෂයේ නායක ධූරයෙන් ඉවත් වීමක් සිදුවිය යුතුය.

අනෙක් කරුණ නම් තිස් වසරක යුද්දයකින් පසුව නව රජය පත්වූයේ යුද්දයෙන් වාර්ගික වශයෙන් බෙදී වෙන්වූ ලාංකික සමාජය ප්‍රතිසන්ධාන ක්‍රියාවලියක් හරහා සිදුවූ තුවාලයන් සමනය කර ගෙන සමගි සම්පන්න කර ගැනීමට ය. එවැනි ක්‍රියාවලියකදී යුද්දය මෙහෙයැවූ යුද නායකයන්ට තනතුරු පුදනවා සේම යුද්දයෙන් විපතට පත් සිවිල් ජනතාවගේ හිත සුව පිණිසද ක්‍රියා මාර්ග ගත යුතුමය.

අන්තවාදියාගේ හිත සුව පිණිස නොව හිත් පෑරී විඳවන දෙමළ සිවිල් ජනයාගේ සිත සුව පිණිස ක්‍රියා කළ යුතුමය. එහිදී යුද නායකත්වයට සම්මාන පුදනවා සේම යුද අපරාධ කරුවන්ට දඬුවම් දීමද සමාන්තරව සිදුකළ යුතුය. එය උතුරේ දෙමළාගේ පැතුම පමණක් නොවේ. රතුපස්වල සිංහලයාගේද අලුත්ගම මුසල්මානුවාගේ ද පැතුමයි.

ෆීල්ඩ් මාර්ෂල් වැනි නව නිල ඇඳුම් නිර්මාණය කරනවා සේම නිල ඇඳුම් හැඳ නින්දනීය ලෙස දේශපාලනයේ යෙදුනු සියළු හමුදා නිලධාරීන්ටම දඬුවම් දීම ද සිදුකළ යුතුමය. එයද සිංහලයාගේ මෙන්ම දෙමළාගේද මුසල්මානුවාගේ ද පරම පැතුමයි.

-Vimal Dirasekara-

eGossip.lk

• Embed video
• Add poll
• • :)
  • :D
  • xD
  • ;)
  • :p
  • ^_^
  • :$
  • B)
  • :*
  • <3
  • :S
  • :|
  • =/
  • :x
  • o.0
  • :o
  • :(
  • :@
  • :%27(
  

Enter text right here!

Reply as a Guest, or login:

• Login to IntenseDebate
• Login to WordPress.com
• Login to Twitter

Go back

Tweet this comment

Connected as (Logout)

Email (optional)

Not displayed publicly.

Name

Email

Website (optional)

Displayed next to your comments.

Not displayed publicly.

If you have a website, link to it here.

Posting as lankaart (Logout)

Tweet this comment

Cancel Submit Comment

Subscribe to None Replies All new comments

නව ධූරයෙන් පසු ෆොන්සේකාට බිරිඳගෙන් හාදුවක් - (සංවේදී සේයාරූ)

2015-03-23T06:11:00+05:30

ලංකා ඊ ගොසිප් නිවුස්

egossip|gossip lanka|gossip lanka hot news|gossip lanka news|maithiripala sirisena|sarath fonseka|

Read More »

Mahinda's sons and Dhanasiri's daughters

මහින්දගේ කොලුවන් ධනසිරිගේ කෙල්ලන් සමඟ

පාර්ලිමෙින්තු මන්තී්‍ර නාමල් රාඡපක‍ෂ සහ යෝෂිත රාඡපක‍ෂ යන මහත්වරුන් දෙහිවල ගල්කිස්ස නගරාධිපති ධනසිරි අමරතුංග මහතාගේ නිවසට උදේ ආහාරය ගැනීමට අද උදෑසන පැමිණි අවස්ථාවෙිදී ගන්නාලද පිංතූරයකි’ නාමල් සහ යෝෂිත සම`ග සිටින්නේ දෙහිවල ගල්කිස්ස නගරාධිපති ධනසිරි අමරතුංග මහතාගේ දියනියන් දෙදෙනායි’ 

Read More »

Several SLFP parliamentarians take oaths before President Sirisena

අලුත් ඇමැතිවරු 26 යි. ජ්‍යෙෂ්ඨයන් පිරිසට ඇමැතිකම් නෑ. හිටපු ඇමැතිවරු පිරිසක් පහළට

අලුත් ඇමැතිවරු 11 දෙනා

කැබිනට් ඇමැතිවරු 11ක්, රාජ්‍ය ඇමැතිවරු 5 ක් හා නියෝජ්‍ය ඇමැතිවරු 10 දෙනකු අද දිවුරුම් දුන් අතර ඔවුන්ට හිමි අමාත්‍ය ධූර මෙසේය.

ෆීලික්ස් පෙරේරා – විශේෂ ව්‍යාපෘති අමාත්‍ය
සරත් අමුණුගම – උසස් අධ්‍යාපන හා පර්යේෂණ අමාත්‍ය
මහින්ද අමරවීර – ධීවර අමාත්‍ය
මහින්ද යාපා අබේවර්ධන – පාර්ලිමේන්තු කටයුතු අමාත්‍ය
රෙජිනෝල්ඩ් කුරේ – සිවිල් ගුවන් සේවා අමාත්‍ය
ඒ.එච්.එම්. ෆවුසි – ආපදා කළමනාකරණ අමාත්‍ය
එස්.බී. නාවින්න  – කම්කරු අමාත්‍ය
එස්.බී.දිසානායක – ග්‍රාමීය ආර්ථික කටයුතු පිළිබඳ අමාත්‍ය
ජනක බණ්ඩාර තෙන්නකෝන් – පළාත් සභා හා ප්‍රාදේශීය සංවර්ධන අමාත්‍ය
විජිත් විජයමුණි සොයිසා – වාරිමාර්ග අමාත්‍ය
පියසේන ගමගේ – නිපුණතා සංවර්ධන හා වෘත්තීය පුහුණු අමාත්‍ය
රාජ්‍ය ඇමැතිවරු
පවිත්‍රා වන්නිආරච්චි  - පරිසර
ජීවන් කුමාරතුංග - කම්කරු
මහින්ද සමරසිංහ - මුදල්
සී.බී. රත්නායක - රාජ්‍ය පරිපාලන හා ප්‍රජාතාන්ත්‍රිය පාලනය
ඩිලාන් පෙරේරා - නිවාස හා සමෘද්ධි
නියෝජ්‍ය ඇමැතිවරු
තිස්ස කරල්ලියද්ද - බුද්ධ ශාසන හා ප්‍රජාතාන්ත්‍රීය පාලනය
දයාශ්‍රීත තිසේරා - ධීවර කටයුතු
රංජිත් සියඹලාපිටිය - ස්වදේශ කටයුතු
ලක්ෂ්මන් සෙනෙවිරත්න - ආපදා කළමනාකරණ
ලක්ෂ්මන් යාපා අබේවර්ධන - සිවිල් ගුවන් සේවා
ලලිත් දිසානායක - වාරිමාර්ග
ජගත් පුෂ්පකුමාර - වැවිලි කර්මාන්ත
ලසන්ත අලගියවන්න - ග්‍රාමීය ආර්ථික කටයුතු
සුදර්ශනී ප්‍රනාන්දුපුල්ලේ - උසස් අධ්‍යාපන
ශාන්ත බණ්ඩාර - ජනමාධ්‍ය



ශ්‍රී ලංකා නිදහස් පක්ෂයේ බල කණු වන නිමල් සිරිපාල ද සිල්වා, ජෝන් සෙනෙවිරත්න, අනුර ප්‍රියදර්ශන යාපා, සුසිල් ප්‍රේම්ජයන්ත්, දි.මු.ජයරත්න, රත්නසිරි වික්‍රමනායක, ඩලස් අලහප්පෙරුම වැනි ජ්‍යෙෂ්ඨයනට ජාතික ආණ්ඩුවේ ඇමැතිකම් ලැබී නැත.
පසුගිය ආණ්ඩුවේ ඇමැතිවරුන් වූ පවිත්‍රා වන්නිආරච්චි, රංජිත් සියඹලාපිටිය, ජීවන් කුමාරතුංග, මහින්ද සමරසිංහ, ඩිලාන් පෙරේරා, ජගත් පුෂ්පකුමාර, ලක්ෂ්මන් සෙනෙවිරත්න, ලක්ෂමන් යාපා, ලලිත් දිසානායක, සී.බී.රත්නායක යන පිරිසට රාජ්‍ය ඇමැතිකම් හා නියෝජ්‍ය ඇමැතිකම් දක්වා පහළ වැටී ඇත.
නිමල් සිරිපාල ද සිල්වා මහතා තවදුරටත් විපක්ෂ නායක වශයෙන් සිටිනු ඇතැයි දැනගන්නට තිබේ.

(lankadeepa.lk)

Read More »

Malaka seen again in the nightclubs after banning

අධිකරණ නීතිය නොතකා මාලක ආයෙත් නයිට් ක්ලබ් ගිහින්... 

හිටපු ඇමැති මර්වින් සිල්වාගේ පුත් මාලක සිල්වා මහතා ඊයේ(20) රාත්‍රියේ දී සිය පෞද්ගලික ආරක්ෂක නිළධාරීන් පස් දෙනෙකු ද සමඟ රාත්‍රී සමාජ ශාලා කිහිපයක ගැවැසී ඇත.

රාත්‍රී සමාජ ශාලාවලට යෑම අධිකරණය විසින් පසුගියදා තහනම් කරනු ලැබුවේ විදේශීය පෙම් යුවලකට හිංසා කිර, විදේශීය තරුණියකට පහර දී ඇතිකරගත් ආරවුල හේතුවෙනි. එම ආරවුල නම්, විදේශිය තරුණියකට අතවර කරන්නට ගොස් ඇගේ පෙම්වතා අතින් නාස් පොල්ල ද කඩා ගත් මාලක දෙසතියකට වඩා කාලයක් හිරබත් කෑවේ ය. ඒ සති කිහිපය පුරාවටම මර්වින් වියුරු වැටී සිටියේ රාජපක්ෂ පරම්පරාවටම ශාප කරමිනි.

කෙසේ වෙතත් මේ පළහිලව්ව නිසා මාලකගේ නයිට් කලබ් කෙරුවාවන්ට කෙටිකලකට හෝ නීතියෙන් තහනමක් වැටුණ නමුත් ඔහු ඒ කිසිවක් ගණනකට නොගෙන, ඊයේ රාත්‍රියේදී සිය බොඩි ගාඩ්ස්ලා පිරිසත් ඉස්සර කරගෙන Clique, studio4 සහ R&B සමාජ ශාලාවලට ගොස් සිය සුපුරුදු චර්යාවෙන් කටයුතු කර තිබේ.

මේ සමඟවන ඡායාරූප ඊයේ රාත්‍රියේ දී ලබා ගන්න ලද ඒවාය.

eGossip.lk

Read More »

National Government today

ජාතික ආණ්ඩුව හෙට !

ජනාධිපති මෛත්‍රීපාල සිරිසේන මහතා හා අගමැති රනිල් වික්‍රමසිංහ අතර ඊයේ සවස පැවති හදිසි සාකච්ඡාවකින් පසුව ශ්‍රී ලංකා නිදහස් පක්ෂයේද සහභාගිත්වයෙන් ජාතික ආණ්ඩුවක් හෙට දිනයේදී පිහිටුවීමට තීරණය කර තිබේ. මේ අනුව ශ්‍රීලනිපයට කැබිනට් ඇමති ධූර 15ක් ද, නියෝජ්‍ය ඇමති ධූර 15ක් ද ලබා දීමට නියමිතය.  ජනාධිපති මෛත්‍රීපාල සිරිසේන මහතා හා අගමැති රනිල් වික්‍රමසිංහ අතර ඊයේ සවස පැවති හදිසි සාකච්ඡාවකින් පසුව ශ්‍රී ලංකා නිදහස් පක්ෂයේද සහභාගිත්වයෙන් ජාතික ආණ්ඩුවක් හෙට දිනයේදී පිහිටුවීමට තීරණය කර තිබේ. මේ අනුව ශ්‍රීලනිපයට කැබිනට් ඇමති ධූර 15ක් ද, නියෝජ්‍ය ඇමති ධූර 15ක් ද ලබා දීමට නියමිතය. අදාළ ඇමතිවරුන් සහ නියෝජ්‍ය ඇමතිවරුන් හෙට දිනයේදී ජනපති ඉදිරියේ දිව්රුම් දෙනු ඇත.
මීට අමතරව රාජ්‍ය ඇමතිවරු 10 දෙනෙකු ද පත් කිරීමට නියමිත වුවද ඒ පිලිබඳ අවසන් තීරණයකට මේ වන තෙක් එළඹ නැත. ජාතික ආණ්ඩුවේ පළමු කැබිනට් රැස්වීම ලබන සඳුදා,එනම් මාර්තු 23 පැවැත්වෙනු ඇති බව රජයේ ආරංචිමාර්ග සඳහන් කරයි. මේ අනුව කැබිනට් මණ්ඩලය ඇමතිවරු 27 සිට 42 දක්වා ඉහල යනු ඇත

(mawbima.lk)

Read More »

I like it that way

මම මට ආසා විදියට ජීවත් වෙනවා - දිල්හානි ඒකනායක

.දිල්හානිගේ අලුත්ම තොරතුරු මොනව ද?
මේ දවස්වල කිසිම නිර්මාණයකට එකතු වෙලා නෑ. නිදහසේ ගෙදරට වෙලා ඉන්නවා. මැයි මාසේ විතර අලුත් අධ්‍යක්ෂවරයකු සමඟ චිත්‍රපටයක් කරන්න බලාපොරොත්තු වෙනවා.
. ඔබ අවසන් වරට රංගනයට එකතු වුණේ මොනවට ද?
අන්තිමට රඟපෑවේ ‘ආලෝකෝ උදපාදී’ චිත්‍රපටයේ. ඒක ඓතිහාසික කතාවක්. ත්‍රිපිටකය ග්‍රන්ථාරූඪ කළ වළගම්බා රාජ්‍ය සමය ගැන කියවෙන කතාවක්. රජ බිසවකගේ චරිතයකුයි මා නිරූපණය කළේ. ඒ අතර ටෙලි නාට්‍යයකට සම්බන්ධව හිටියා ‘දේවිය සුගලා’ කියලා. සුගලා දේවියගේ චරිතය තමයි මම නිරූපණය කරන්නේ. ඒ චරිතයට මම හුඟක් කැමැතියි.

‘සුගලා දේවිය’ ගැන ඔබ අධ්‍යයනය කළා ද?
ඔව්. ඒ ගැන මම බොහෝ දේ කියෙව්වා. ඇය ජීවත්වුණා යැයි පැවසෙන බොහෝ පරිසරයන්හි මම සැරි සැරුවා. එහෙම හොයපු චරිතයක් ප්‍රතිනිර්මාණය කරන්න ලැබීම ගැන මට සතුටුයි.
සමාජයේ කතා බහට ලක්වන දේශපාලනය වැනි ක්ෂේත්‍ර තුළ මැදිහත් ක්‍රියාකාරිනියක ලෙස කටයුතු කරන ආකාරයක් දිල්හානි සම්බන්ධයෙන් මීට ප්‍රථම අපි අත්දැකලා නැහැ. නමුත් ඔබ මෙවර ජනාධිපතිවරණයේ දී ඔබේ දේශපාලන දැක්ම ප්‍රසිද්ධියේ කතා කළා. ඒකට හේතුව මොකක්ද?
දේශපාලනයට පුළුවන් රටක් නැති කරන්න. ඒ වගේම රටක් ඇති කරන්නත් පුළුවන්. යම්කිසි මොහොතක මේ රට අගාධයට යනවා යන හැඟීම දැනුණා. රට තුළ නිදහසක් නෑ කියන එක දැනෙන්න ගත්තා. සුදුසු වෙලාව පැමිණිලා කියන හැඟීම මට ඇතිවුණා. මම මේ රටේ පුරවැසියෙක්. පුරවැසියෙක් විදියට මට මගේ නිදහස් අදහස්වලට ගැළපෙන දේශපාලන ස්ථාවරත්වයක් දරන්න මට අයිතියක් තිබෙනවා. ඒ වගේම තමයි මම මේ රටේ මිනිස්සුන් ගෙන් ජීවත්වෙන කෙනෙක් හැටියට තව දුරටත් මේවා ඉවසාගෙන නිහඬව සිටිය යුතු නැහැ කියන තැනට ආවා. ඒ නිසා රට වෙනුවෙන්, දේශයේ අභිවෘද්ධිය වෙනුවෙන් ඉස්සරහට ආවා.
ඒ වෙනුවෙන් මොනව ද බලාපොරොත්තු වෙන්නෙ?
කිසිම දෙයක් නෑ. මගේ ජීවිතේ කිසි අවස්ථාවක මම කිසි දෙයක් බලාපොරොත්තුවෙන් යමක් කරලා නෑ. මගේ සිනමා ජීවිතේ දී වුණත් මම කිසි කෙනෙක්ගෙන් චිත්‍රපටයක් ඉල්ලලා නෑ. මාධ්‍ය සම්මුඛ සාකච්ඡාවක් දෙන්න කියලා ඉල්ලලා නෑ. මට පබ්ලිසිටි දෙන්න කියලා ඉල්ලලා නෑ. දේශපාලන සංස්කෘතිය තුළත් ඒක එහෙමයි. ශීලාචාර දේශපාලන සමාජයක් වෙනුවෙන් කතා කළා. එච්චරයි. මම හැමදාම ස්වාධීනව අභීතව කතා කරන්න පුළුවන් ඒ හින්දයි.
ඔය ප්‍රතිපත්ති ගරුක බව කොහෙන්ද ලැබුණේ?
මං හිතන්නේ ඒක පොඩි කාලේ ඉඳලම මගේ චරිතය තුළ තිබුණ දෙයක් කියලයි. බොහෝ වෙලාවට මම කරන දේවල් ප්‍රසිද්ධ කර කර ඉන්න කෙනෙක් නොවෙයි මම. මාව හොඳට දන්න කිහිප දෙනෙක් ඉන්නවා. ඒ අය දන්නවා මම කොහොම කෙනෙක් ද කියලා. මේ දේවල් ඒ විදියට ගොඩනඟා ගන්න බුදු දහමත් මට හේතුවක් වුණා. වැරදි දේ කරන්න මම හරි බයයි. මට ජීවත් වෙන්න අයිතියක් තියනව වගේම කූඹියාටත් ජීවත්වෙන්න අයිතියක් තියෙනවා. සමූහයක් විදියට හිතන්න පුරුදු වුණොත් කාටත් තමන්ගේ ප්‍රතිපත්තිවල ඉන්න අමාරු නෑ. මම ආශ්‍රය කරන කිහිප දෙනෙක් ඉන්නවා. නැතුවා නොවෙයි. නමුත් බොහෝ විට මම හුදකලා චරිතයක්. වැඩිය එළියට යන්න කැමැති නෑ. සමාජගත වෙනවා හරි අඩුයි. සමාජයේ ඇලෙන්නෙ ගැලෙන්නෙ බොහෝ විට වෘත්තිය මට්ටමින්. නමුත් මගෙන් රටට යමක් අවශ්‍ය වෙලාවට පාට පක්ෂ, පුද්ගලයා බලන්නේ නැතුව භේදයකින් තොරව නිවැරැදි දේට උදව් කරනවා.
මේ දේශපාලන මතවාදවලදී ඔබ සහ ඔබේ සැමියා (ප්‍රියංකර) සිටියේ දෙපැත්තක නේද?
ඔව්. අපි දෙන්නා දෙපැත්තක හිටියේ. අපි දෙන්නා අද එක වහලක් යට හිටියට, තැන් දෙකක, දෙපැත්තක දෙයාකාරයකින් ඉපදුණු දෙදෙනෙක්නේ. අපි දෙන්නා එකට ජීවත් වෙනවා. අපි දෙන්නා දරුවෙක් හැදුවා. නමුත් ඒක අපි දෙන්නගේ ස්වාධීන මතය දරන්න ප්‍රතිපත්තිවල ඉන්න බාධාවක් නොවෙයි. මම කියන්නේ එක්කෙනෙක්. ප්‍රියංකර කියන්නේ තව කෙනෙක්.
ඔබ දෙදෙනාගේ දරුවා පිළිබඳ තීරණ ගනිත්දි ඒක වෙනස් වෙන්නෙ කොහොම ද?
දරුවා පිළිබඳ තීරණ ගන්න ප්‍රියංකර බොහෝ විට මට ඉඩ දීලා තිබෙනවා. මොකද දරුවාගේ හැම චලනයක්ම ඉතාම හොඳින් ඉතාම ළඟින් දන්නේ මමයි. ප්‍රියංකර දරුවා සමඟ දුරස්ථයි කියන්න නෙමෙයි මම මේ හදන්නේ. දරුවාගේ සියලු files පුංචි කාලේ ඉඳලම තියෙන්නේ මා ළඟ. ඒ නිසා ප්‍රියංකර සම්පූර්ණ නිදහස දීලා තියෙනවා ඔහු පිළිබඳ තීන්දු තීරණ ගන්න. ඒ සඳහා අවශ්‍ය වන පහසුකම් සපයන්න ඔහු ඕනෑම වෙලාවක ඉදිරිපත් වෙනවා.
පුතා තාම අධ්‍යාපනය ලබනවා ද?
ඔව්. ඔහු දැන් ඉන්නේ ඇමෙරිකාවේ. ඉංජිනේරු තාක්ෂණය පැත්තෙන් වැඩිදුර අධ්‍යාපනය ලබනවා. දැන් එයාට අවුරුදු 20 ක්. ලංකාවෙන් ගිහින් දැන් අවුරුද්දක් විතර වෙනවා. හැම නිවාඩුවටම ලංකාවට එනවා.
පුතා වඩාත් ළඟ අම්මට ද? තාත්තට ද?
මට දැනෙන්නේ එයා මගේම කොටසක් කියලා. සමහරවිට මටත් වඩා එහා ගිය දැක්මක් එයාට තිබෙනවා. මදුරුවෙක්වත් මරන්නෙ නෑ. කවදාවත් බොරුවක් කරන්න, බොරුවක් කියන්න බැරි චරිතයක්. අවුරුදු 18 වෙනකම්ම එයා මගේ ළඟ, මගේ අස්සේ තියාගෙන හැදුවේ. අපි දෙන්නා හිටියේ හරියට යාළුවෝ වගේ. මං හිතනවා එයා මගේ හොඳ ටික ගන්න ඇති කියලා. මට එයා ගැන ආඩම්බරයි. එයාගේ වෘත්තිය මොනව වුණත් මගේ බලාපොරොත්තුව තිබුණේ එයා යහපත් දරුවෙක් විදියට සමාජගත වීමයි. අද ඒක ඒ විදියට ඉෂ්ටවෙලා තිබෙනවා. ඒ හින්දා මට දවසක සතුටින් මැරෙන්න පුළුවන් වෙයි.
තාත්තයි - පුතයි අතර බැඳීම කොයි වගේ ද?
ඒ දෙන්නා අතරේ දැඩි ආදරයක් තිබෙනවා. නමුත් ප්‍රියංකර සාමාන්‍යයෙන් ඕනම දේක ඇලී ගැලී සිටින කෙනෙක් නොවෙයි. පුතාට ආදරේ තිබුණට ඒ වෙනුවෙන් කැපවෙන්න තරම් ඉඩක් එයාට නෑ. උදාහරණයකට කිවුවොත් එයා ලෙඩ වුණොත් එයා ළඟ නිදිමරාගෙන ඉන්න තරම් ප්‍රියංකරට අමාරුයි. අම්ම කෙනෙකුට එහෙම නෑ.
දිල්හානි කවි ලියන්නත් දක්ෂයි නේද?
දැන්නම් හුඟාක් කාලෙකින් ලිව්වෙ නෑ. ලියන්න ඕන කියල හිතුවොත් මට ලියන්න බෑ. ඒක මට ඉබේම එන්න ඕන. සමහරදාට රාත්‍රියේ නින්දෙන් නැගිටලත් ලියලා තියෙනවා. නමුත් පෑනක් කොළයක් දීලා, ලියන්න කීවට මට ලියන්න බෑ. මොනවහරි දෙයක් කරන්න මගේ හිතේ පවතින මානසික මට්ටම බලපවත්වනවා.
ඒ කියන්නේ ඔබේ මානසික තත්ත්වය සුපුරුදු පරිදි නොවෙන්න හේතුවක් තියනව ද?
මට හිතෙනවා මගේ මනස ටිකක් සැලිලා කියලා. ඒකට ප්‍රධාන හේතුව දැනට අවුරුදු 1 1/2 කට කලින් මගේ පුතා මගෙන් දුරස්වීම කියලා හිතෙනවා. පුතාගේ විදේශගත වීම දැඩි විදියට මගේ ජීවිතේට දැනුණා කියලා මට හිතෙනවා. ඒකෙන් පස්සෙ මට සුන්දර දේවල් නෑ කියලා දැනෙනවා. මගේ ජීවිතේට අඩුවක් දැනෙනවා වගේ හිතෙනවා. ඒ දේවල් යටපත් කරගෙන පරිශ්‍රමයෙන් ජීවත්වෙන්න හැදුව ද කියලත් හිතෙනවා. එදිනෙදා ජීවිතේට ඒක ලොකු බලපෑමක් වගේ දැනෙනවා. හරියට තුවාලයක් තිබුණට ඒක හිරිවැටිලා, එහෙම නැතිනම් නිර්වින්දනය වෙලා වගේ දැනෙනවා.
ඔබ බුදුදහමට ගොඩක් සමීප කෙනෙක් නේද?
ඔව්. බුදු දහමට සමීපයි. නමුත් ඒ ජීවිතය කලකිරිලා නොවෙයි. මට බුදුන් වඳින්නත් ජීවිතේ සතුට තිබෙන්න ඕන. මගේ මනස සතුටින් තියෙනකොට තමයි ඒකත් හරියට කරන්න පුළුවන්.
ඔබ සිනමා තිරයේ විවිධ චරිත රඟපෑවා වගේම ඔබේ පෞද්ගලික ජීවිතය තුළ විවිධ භූමිකා නිරූපණය කළා. දියණියක්, තරුණියක්, ප්‍රේමවන්තියක්, බිරිඳක්, මවක් ආදි වශයෙන්. ජීවිතේ දිහා ආපස්සට හැරිලා බලත්දි මොනව ද හිතෙන්නෙ?
සිනමා ක්ෂේත්‍රයේ විශාල නළු නිළි ප්‍රමාණයක් සමඟ භූමිකා රංගනයට එක්වුණා වගේම ජීවිත රඟහලෙත් මම විවිධ භූමිකාවන්ට පණ දුන්නා. තාමත් පණ දෙමින් සිටිනවා. ආපස්සට හැරිලා බලත්දි දුක සැප සමසිතින් දරාගෙන තිබෙනවා. මම ක්ෂේත්‍රයට ආවේ සුන්දර ගමනක් නොවෙයි. අනන්ත අප්‍රමාණ දුක් විඳලා තිබෙනවා. අරගල කරලා තිබෙනවා. ඒ නිසා ශක්තිමත් වෙලා තිබෙනවා. ඒ ගැන මට සතුටුයි. අදටත් මගේ අරමුණ මගෙන් ඉෂ්ට වෙන්න ඕන යුතුකම් නොපිරිහෙළා ඉෂ්ට කිරීමයි. මගේ අම්මා මාත් සමඟ තාම ජීවත් වෙනවා. පුතා විවාහ වුණාට පස්සේ මට ලොකු බැඳීමක් නෑ. ඊට පස්සේ තමයි මට මගේ ගමන මට ආස විදියට ජීවත්වෙන්න පුළුවන් වෙන්නේ. අන්න එදාට මට මුළු ලෝකයක් මං ගැන මොනව කිවුවත් කමක් නෑ. මම මට ආස විදියට ජීවත් වෙනවා.

හේමාලි විජේරත්න

Read More »

Shalani Tharaka's view about marriage

පෙළවහක් කරගන්න තාම වයස මදි - ශලනි තාරකා

පසුගිය කාලේ නිහඩ පිළිවෙතක් අනුගමනය කළ පුංචි තිරයේ දිදුලන තරුවක් වූ ඇය දැන් ඒ නිහඩ බවට සමු දෙමින් මේ දිනවල රිදි තිරයේ දිදුලන තාරකාවක් වන්නට පෙරුම් පුරනවා. ඉතින් ඒ ගැන කතා බස් කරන්නට පසු ගිය දවසක මේ තාරකාව අප හා එක් වුණා. ඇය තමයි ශලනි තාරකා.

ශලනි මේ දවස්වල හරිම සතුටකින් සහ උද්‍යෝගයකින් ඉන්න වග නම් පේනවා?
හ්ම්ම්.. දැනට හොඳයි. ඉදිරියත් එහෙම වෙයි කියලා හිතනවා. පසුගිය කාලේ මගේ නිර්මාණ කිසිවක් ටෙලි කාස්ට් වුණේ නැහැ. ඒ නිසා ටික කාලයක් නිහඩව හිටියා. නමුත් ඔන්න දැන් ආයිත් ප්‍රේක්ෂකයන්ට මගේ නිර්මාණ නරඹන්න අවස්ථාව උ‍දා වෙලා තියෙනවා.

මේ වසර නම් ශලනිට සුවිශේෂියි කිව්වොත් මම නිවැරැදියි?
මම ප්‍රධාන චරිතයට කළ 'ස්පන්දන' දැන් තිර ගත වෙන නිසා මේ වසරේ පොඩි සුවිශේෂි බවකුත් තියෙනවා. අනික හෙට ඉඳලා නැවතත් පුංචි තිරයේ 'සඳ එළිය' නමින් අලුත් ටෙලි නාට්‍යයක විකාශය ඇරඹෙනවා.

මේ සතුට ඇත්තටම 'ස්පන්දන' නිසාමද?
'ස්පන්දන'ත් ඊට ඇතුළත්.


මේ නිසා ශලනිගේ හෘද ස්පන්දනයත් වැඩි වෙලා කියලා ආරංචියි?
ඔව් අනිවාර්යෙන්ම. මේ චිත්‍රපටයේ ප්‍රධාන චරිතය නිසා ප්‍රතිචාර කොහොම වෙයිද කියලා හිතලම මගේ හෘද ස්පන්දනයත් හොඳටම වැඩි වෙලා තියෙන්නේ. බලමු හොඳ ප්‍රතිචාර ලැබෙයි කියලා බලාපොරොත්තුවක් තියෙනවා.

'ස්පන්දන' මොන වගේ වෙනසක් කරයිද?
මෙය පහු ගිය කාලෙම තිබුණු ඉතිහාස රැල්ලෙන් මිදී වෙනස් මාතෘකාවක් යටතේ දිග හැරෙන චිත්‍රපටයක්. ඉතින් අලුත් මුහුණුවරකින් එන නිසා පොඩි වෙනසක් තියෙනවා.

මයුමි ගේ භූමිකාව ගැන කතා කළොත්?
කෙටියෙන් කිව්වොත් ඇය පොහොසත් පවුලක එකම දියණියක්. නමුත් ඇය හෘද රෝගයකින් පෙළෙන තරුණියක. ඊට වඩා යමක් මයුමි ගැන මම කියන්න යන්නේ නැහැ. ඈ කවුද කියලා චිත්‍රපටය බලලාම තේරුම් ගන්නකෝ. .
'මයුමි' ඔබට අභියෝගයක් වුණු අවස්ථා තියෙනවාද?
එක් අවස්ථාවක් තියෙනවා. නමුත් එය මට විග්‍රහ කරන්න බැහැ. චිත්‍රපටය බැලුවොතින් අභියෝගයක් වුණේ මොන අවස්ථාවේද කියලා තේරුම් ගන්න පුලුවන්. හැබැයි ඒ දේ තේරෙන්න එපා කියලා මම ප්‍රාර්ථනා කරනවා.

මේ චරිතයට මීට වඩා සාධාරණයක් ඉෂ්ට කරන්න තිබුණා යැයි හිතෙන්නේ නැද්ද?
කොහොමත් ඕනෑම නිර්මාණයක් පහු කාලීනව බැලුවොතින් ඕනෑම කෙනෙකුට හිතන්න පුළුවන් පොදු කරුණක්. නමුත් ඒ අවස්ථාවේ මම ඊට මගේ උපරිම සාධාරණයක් ඉෂ්ට කළා යැයි හිතනවා.

ඔබ පසුගිය කාලේ එකිනෙකට වෙනස් චරිත රැසක් කළ රංගන ශිල්පිනියක් ඉන් වඩාත් කැමැති හෝ අභියෝගාක්මක වූ චරිතයක් තිබෙනවාද?
කැමැති චරිත ගොඩක් තියෙනවා. නමුත් ඒ අතරින් මේ ඊයේ පෙරේදා 'කා' කියලා ටෙලි සීරිස් එකකට සම්බන්ධ වුණා. එහි මට චරිත හතරක් නිරූපණය කරන්න තිබුණා. එය නම් ටිකක් අභියෝගාත්මකයි.

ශලනි රිදි තිරය සහ පුංචි තිරයෙන් ඔබ වඩාත් කැමැතියි?
මේ වෙද්දි පුංචි තිරයේ යම් දෙයක් මම කරලා තියෙනවා. ඉතින් මේ චිත්‍රපටයට ලැබෙන ප්‍රතිචාර මත මට තීරණය කරන්න පුළුවන් වෙයි මම වඩාත් උචිත රිදි තිරයටද පුංචි තිරයටද කියලා. නමුත් මගේ දැනට තෝරා ගැනීම නම් පුංචි තිරයයි.

ශලනි දැන් ඉස්සරට වඩා පරිණත වෙලා නේ?
ඒක තේරුම අපි වයසට යනවා කියන දේ තමා.

එහෙනම් දැන් පෙළවහකටත් එය වයස හරියි නේද?
අන්න ඒකට තමා තවම වයස නැත්තේ.

මයුමිගේ පෙම්වතා වගේ කෙනෙක් ලැබුණෝතින් ඔය වයස හරි යාවීද?
එහෙම වුණොත් හොඳයි නේද?

ටානියා මෝසස්

Read More »

Ashika Mathasinghe 3rd baby

අශිකාට අහම්බෙන් තවත් බබෙක්

අශිකා මතසිංහ ටෙලි නට්‍ය වල දගකාර චරිත හරහා පේ‍්‍රක්ෂක ප‍්‍රසාදය දිනා ගත් රංගන ශිල්පිණියකි. එම චරිතවලටම ඔබින ආකාරයේ දගකාර හුරුබුහුටි පෙනුමක් ඇති ඇය මේ වන විට දෙදරු මවකි.

එමෙන්ම ඇය තවත් මසකින් පමණ තුන්වන දරුවාද ප‍්‍රසූත කිරීමට සූදානමින් පසුවේ. නමුත් ඇය පවසන්නේ තමා තම සැමියා දරුවන් දෙදෙනෙකු ලැබුණු පසු තවත් දරුවකු බලාපොරොත්තු නොවුණ බවත් මෙම තුන්වන දරුවා අහම්බයකින් ලැබුණු බවත් ය. නමුත් දරුවකු යනු සම්පතක් බැවින් ඔවුන් එම දරුවා ලැබෙන තුරු ආදරයෙන් බලා සිටී.
"පළමුවැනි බබා ලැබෙද්දි එයා ගැනම හිත හිත හිටියා. එයා විතරයිනෙ එතකොට.

දෙවැනියා ලැබෙන්න ඉද්දි ලොකු එක්කෙනත් බලාගෙන තමයි වැඩ කරන්න වුණේ. දැන් ඉතින් මේ දෙන්නවම බලාගෙන තුන්වෙනියා ගැන හිතනවා. මම කාර්යබහුලයි ඉතින්.

මේ දරුවා අහම්බයක්. අපි හිතාගෙන හිටියේ බබාල දෙන්නෙක් හදනවා කියලා. ඒත් තව එක්කෙනෙක් බලෙන්ම වගේ ආවා. ඒ අපි හිතුවෙවත් නැති වෙලාවක. එයා ආවෙ අපි ළගට එන්න ඕන නිසානේ. එයාවත් කොහොම හරි හදනවා.”

Read More »

Mervyn had imported 100 ethanol barrels a month!

මර්වින්ගේ රෙදි එළිපිට ගැලවේ

මර්වින් මාසෙකට එතනෝල් බැරල් 100 ගානේ ගෙන්වලා 


ඊයේ (19) පාර්ලිමේන්තුවේ දී ප්‍රකාශයක් කරමින් අගමැති රනිල් වික්‍රමසිංහ මහතා සඳහන් කර සිටියේ විපක්ෂයේ මන්ත්‍රීවරුන් 4 දෙනෙකු එතනෝල් ආනයනය කොට ඇති බවයි. අගමැතිවරයා ඔවුන්ගේ නම් සඳහන් නොකළද අගමැති කාර්යාලයේ නිල නොවන ආරංචි මාර්ග සඳහන් කරන්නේ එම පුද්ගලයන් 4 දෙනා නම් මර්වින් සිල්වා, ජොන්ස්ටන් ප්‍රනාන්දු, අරුන්දික ප්‍රනාන්දු හා ලක්ෂ්මන් වසන්ත පෙරේරා යන අයවලුන් ය.
මෙයින් හිටපු මහජන සම්බන්ධතා අමාත්‍ය මර්වින් සිල්වාහට එතනෝල් බැරල් 100ක් ගෙන්වීම සඳහා බලපත්‍රයක් පුද්ගලිකවම ලබා දී තිබෙන්නේ හිටපු ජනාධිපති මහින්ද රාජපක්ෂ මහතා විසිනි.

මර්වින්ගෙන් එම එතනෝල් බැරල් 100 මිලදී ගත් තැනැත්තා සඳහන් කර සිටින්නේ මර්වින් එතනෝල්වලින් පමණක් මසකට රුපියල් ලක්ෂ 50ක ශුද්ධ ලාභයක් ලැබූ බවයි.

ඔහු වැඩිදුරටත් සඳහන් කර සිටියේ බලපත්‍රය අනුව මර්වින්ට ආනයනය කළ හැක්කේ එතනෝල් බැරල් 100ක් වුවත් ඔහු විසින් සුරාබදු කොමසාරිස් හපුආරච්චිට ‘බෝලෙ බස්සවා' මසකට එතනෝල් බැරල් 250ක් පමන ගෙන්නවූ බවයි.

ඊට කළගුණ සැලකීමක් වශයෙන් මර්වින් සිල්වා විසින් ‘ලංකා ඩිස්ටලරීස්' හිමි කෝටිපති ව්‍යාපාරික හැරී ජයවර්ධන ලවා සුරාබදු කොමසාරිස්වරයාට මසකට රුපියල් ලක්ෂ 5ක සන්තෝසමක්ද ලබා දී තිබේ.

මෙම සුරාබදු කොමසාරිස්වරයාට එම තනතුරෙන් ඉල්ලා අස්වන ලෙස මුදල් අමාත්‍ය රවී කරුණානායක මහතා දැනුම් දුන්නද බලහත්කාරයෙන් තවමත් එම තනතුරේ රැදී සිටී.

Read More »