Nepal's Hindu devotees slaughter thousands of animals

නේපාලයේ පොළොව කම්පා වුනේ සත්ව ඝාතනයන් නිසා යැයි අන්තර්ජාලයේ කතාබහක් - Photos

දිනය 2015 අප්‍රේල් මස 25 වනදාය. වෙනදා මෙන්ම උදෑසනම තම වැඩකටයුතු ආරම්භ කළ නේපාල වැසියන් තවත් සුලු මොහොතකින් ඔවුනට සිදුවීමට නියමිතව තිබූ ඛේදවාචකය පිළිබඳ හාන්කවිසියක් නොදැන සිටියාය. මහ පොළව මහ හයියෙන් සෙළවෙද්දි,මහා ගොඩනැගිලි පාසල් ගෙවල් දොරවල් බිමට සමතලා වෙද්දී එම සුන්බුන් මැදට යටවී අසරණ ජීවිත 2500ක් සිය අවසන් හුස්ම හෙලුවාය.

ලොවම හැඬවූ මෙම සිදුවීමට අදට (27) දින දෙකක් ගතවී ඇති අතර දැනට අහිමි වූ ජීවිත ප්‍රමාණය 2500 ඉක්මවන බව විදෙස් වාර්තා පවසනවා. මෙයින් පසු පසුකම්පන තත්ව බොහෝ ප්‍රමාණයක් ඇතිවුණ අතර ඉන්දීය පුවත්පතක් වාර්තා කර සිටියේ තවත් විශාල භූ කම්පනයක් ඇතී වීමට ඉඩ තිබෙන බවයි. බොහෝ දෙනෙක් භීතියට පත් කර ඇති තවත් කාරණාවක් වන්නේ නේපාලයේ පිහිටා ඇති ලොව උසම කන්ද වන එවරස්ට්හි ඇති අයිස් කඳු කඩා වැටීමේ අවධානමයි. එය සිදුවුවොහොත් තවත් විශාල විනාශයක් සිදුවණු ඇති බවයි විදෙස් වාර්තා පවසන්නේ..

ලාංකිකයන් ලෙස අපට මෙම සිදුවීම වඩාත් සංවේදී වන්නේ නේපාලය අප තිලොගුරු බුදුපියාණන් වහන්සේගේ උපන් බිම වන නිසයි. මෙම භූකම්පනයෙන් බුදුන් උපන් ලුම්බිණියට කිසිදු හානියක් සිදුව නැති බවයි සඳහන් වන්නේ..

කෙසේ වෙතත් මෙම සිදුවීමට පසු කරළියට ආ කතා බහක් මේ වන අන්තර්ජාලය පුරා උණසුම් අයුරින් හුවමාරු වනවා.. එනම් මෙම සිදුවීම සිදුවුනේ නේපාලයට කර්මය පළ දීමක් ලෙසයි ඇතැමුන් වාර්තා පළ කර සිටින්නේ.. මේ කතාබහ ඇතිවීමට හේතුව වී තිබෙන්නේ බුදුන් උපන් දේශයේ වසර පහකට වරක් පැවැත්වෙන බිළි පූජාවක් හේතු කොට ගෙනයි.

දෙවියන් සතුටු කිරීම සඳහා පැවැත්වෙන මෙම උත්සවය සෑම වසර 5කට වරක්ම නේපාල දේශ සීමා ආසන්නයේදී පැවැත්වෙන අතර එහිදී දෙවියන් සතුටු කිරීමේ අදහසින් බැතිමතුන් මී ගවයින් ,එළුවන් මෙන්ම පක්ෂින්ද විශාල ප්‍රමාණයක් ඝාතනය කරනු ලබනවා.

අවසන් වරට මෙම පූජාව පැවැත්වූ විට සතුන් 250 000 කට අධික පිරිසක් මෙලෙස ඝාතනය වූ බවයි පැවසෙන්නේ.. බැතිමතුන්ද මිලියන 2.5 ආසන්න ප්‍රමාණයක් මෙයට සභාගී වී තිබෙනවා

සතුන් සුරැකීමේ සංවිධානයක් වන ‘පෙටා‘ සංවිධානය මෙය නවත්වන්නැයි උද්ඝෝෂණය කළත් එය සාර්ථකවී නොමැති බවයි පැවසෙන්නේ.. අසල්වාසීන්ගේ තරම්ම නැතත් නේපාලයේ මිලියන 27 දෙනා හින්දු ජාතිකයන් බව සඳහන් වනවා..

තමාට සතුට හා සෞභාග්‍ය්‍ය ළඟා වෙතැයි පවතින විශ්වාසය නිසා මොවුන් මෙසේ කරනු ලබනවා..ඉන්දියාවේ ගවයින් පූජනීය වස්තුවක් ලෙස සැලකුවත් මී ගවයින්ට මේ ආකාරයෙන් සැළකීම එක්තරා ආකාරය පුදුමයක් වන බවයි විදෙස් මාධ්‍ය සදහන් කරන්නේ.. මේ පිළිබඳ අදහස් දක්වන බලධාරීන් පවසන්නේ මෙය බැතිමතුන්ගේ විශ්වාසය බවත් තමන්ට කළ හැකි දෙයක් නොමැති බවත්ය..

කෙසේ වෙතත් මේ සිදුවීම දෙස බලන අපට නම් ඇතිවන්නේ එක් ප්‍රශ්ණයකි..බුදුන් උපන් දේශයේ සිදු කරන මේ මහා පාපකර්මයට කර්මය පටිසන් දුන්නාද?? එය තීරණය කිරිම අප ඔබ හට භාර කරමු.