මම රඟපාන්නේ චිත්‍රපටවල විතරයි - තනාෂා සතරසිංහ
"අනගී" වෙළෙඳ දැන්වීම් තුළින් අතිශය ජනප්‍රියත්වයට පත් තනාෂා සතරසිංහ මේ වනවිට සිනමා නිළියක ලෙස කටයුතු කරන්නීය. නිරූපිකාවක මෙන්ම රංගන ශිල්පිනියක ලෙසද කටයුතු කරන ඇය පසුගිය වසරේදී "මිස් ශ්‍රී ලංකා" තරගයටද ඉදිරිපත්ව ජයග්‍රහණ කිහිපයක්ද අත්කරගන්නට සමත් වූවාය.තනාෂාගේ කුලූ‍ඳුල් සිනමා රංගනය තවත් නොබෝ දිනකින් ප්‍රේක්ෂක අපට දැකබලා ගත හැකි අතර, ඒ නලින් රාජපක්ෂගේ ˜රන් දේදුන්න˜ චිත්‍රපටය හරහාය.
තනාෂා මේ දිනවල ටිකක් කාර්යබහුල කෙනෙක්?
ඔව්, මගේ පළමු සිනමා රංගනය වන ˜රන් දේදුන්න˜ තවත් නොබෝ දිනකින් ප්‍රදර්ශනය වීමට නියමිතයි. ඒ නිසා එහි වැඩ කටයුතුත් එක්ක ටිකක් විතර කාර්ය බහුල වෙලා තියෙනවා. ඊට අමතරව භාරගත් වෙළෙඳ දැන්වීම් කිහිපයක් සහ ගීත රූප රචනා කිහිපයක මේ දිනවල වැඩ කරනවා.
"රන් දෙදුන්න" ඔබේ පළමු සිනමා රංගනය?
ඔව්, මීට අවුරුදු එකහමාරකට විතර කලින් තමයි මේ චිත්‍රපටයේ වැඩ කටයුතු ආරම්භ වුණේ. කාලයක් ගියා මේ චිත්‍රපටය ප්‍රදර්ශනය වෙන්න. ˜රන් දෙදුන්න˜ චිත්‍රපටයෙන් පස්සේ මම තවත් චිත්‍රපට දෙකක වැඩ කළා. එකක් මොහාන් නියාස්ගේ ˜බඔර වසන්තේ˜, අනික තමයි චන්න පෙරේරාගේ ˜පුංචි වීරයෝ˜. ˜රන් දෙදුන්න˜ චිත්‍රපටයෙන් පස්සේ මේ සිනමා නිර්මාණ හරහත් ඉදිරියේදී මගේ ආදරŒය රසික, රසිකාවියන්ට මාව දැකගන්න පුළුවන් වේවි.
මේ චිත්‍රපටවල ඔබ රඟපාන චරිත ගැන කිව්වොත්?
˜රන් දෙදුන්න˜ චිත්‍රපටයේ මම රඟපාන්නේ රොෂාන් රණවනගේ පෙම්වතිය විදිහට. වෘත්තියෙන් එයා මාධ්‍යවේදිනියක්. ˜බඔර වසන්තේ˜ චිත්‍රපටයේ මම රඟපාන්නේ රෙක්ස් කොඩිප්පිලි අංකල්ගේ දුව විදිහට. එයාගෙ තාත්තාට සල්ලි තියෙන ඉඩම් අයිතිකාරයෙක්. ˜පුංචි වීරයෝ˜ චිත්‍රපටයේ ප්‍රධාන චරිතය නිරූපණය කරන්නේ පොඩි ළමයි තුන් දෙනෙක්. මම එහි ප්‍රධාන චරිතය නිරූපණය කරන පොඩි ළමයෙක්ගෙ අක්කා කෙනෙක් විදිහට තමයි රඟපාන්නේ.
ඇයි ඔබ චිත්‍රපට රංගනයට පමණක් සීමාවෙලා ඉන්නේ?
චිත්‍රපටවලට පමණක් දායක වෙන එක හොඳයි කියලා මට හිතුණා. ඒ වගේම තියෙන කාර්ය බහුලත්වයත් එක්ක මෙගා ටෙලි නාට්‍යයකට කාලයක් හොයාගන්න එක ලොකු අපහසුවක්. ඒකයි ටෙලි නාට්‍යය රංගනයට මම කැමති නැත්තේ. අන්තිමට කළේ %තිමිරගිර( ටෙලි නාට්‍යයට. ඊට පස්සේ ගොඩක් ආරාධනා නම් ආවා ටෙලි නාට්‍යයවලට සම්බන්ධ වෙන්න. නමුත්, තියෙන කාර්ය බහුලත්වයත් එක්ක ඒ ආරාධනා ප්‍රතික්ෂේප කරන්න සිදු වුණා.
නමුත්, ඔබ ගීත රූප රචනාවල නම් අපි නිතර දකිනවා?
ඔව්. ඒත්, මම ගීත රූප රචනාවලටම පමණක් සීමා වෙලා නැහැ. ඉඩ ලැඛෙන පරිදි තමයි ඒ වැඩවලටත් දායක වෙන්නේ. අනික මම තෝරා බේරා ගැනීමක් කරනවා ගීත රූප රචනා වුණත්. මට ගැළපෙන නිර්මාණයක්ද, ඒ ගීතය කාගේ ගීතයක්ද, ගීත රූප රචනාව කරන පිරිස කවුද කියන දේවල් මම බලනවා.
ජනප්‍රිය වුණ ඔබගේ ගීත රූප රචනා මොනවද?
ශිහාන් මිහිරංගගේ ˜දිනෙක මගේ˜, සුභානි හර්ෂනි මුතුකුමාරණගේ ˜ඔබ හමු නොවුණා නම්˜, ශෂිකා නිසංසලාගේ ˜මල්සර හී සරෙන්˜ හා චිලී තිවංකගේ ˜සිත නතර වෙලා˜ කියන ගීත ජනප්‍රිය වුණා.
නිරූපකාවක් විදිහට ලොකු ගමනක් ඇවිත් නේද?
ක්ෂේත්‍රයට ආවේ මම මීට අවුරුදු තුනකට විතර කලින්. අද ක්ෂේත්‍රය තුළ නමක් දිනාගෙන තියෙනවා. ඒ වගේම බොහෝ පිරිසක් නිරූපිකාවක් විදිහට මාව අඳුනනවා. ඉතින් ගොඩක් සතුටුයි මේ කෙටි කාලය තුළදී මට නිරූපිකාවක් විදිහට යම් ප්‍රතිරූපයක් ගොඩනගා ගන්න ලැබුණ එකට. ඒ වගේම මට ලොකු ආසාවක් තිබුණා රූප රාජිනියක් වෙන්න. ඒ හීනයත් සපල වුණා.
0 comments:
Post a Comment