අද දින ඔබගේ කල දසාව 2014 නොවැම්බර් 04 දින
මේෂරැකීරක්ෂා කටයුතුවලින් අධික වෙහෙසක් ගෙනදෙන බව පෙනී යයි. තම දෙමව්පියන්ගේ කටයුත්තක් සඳහා බලා‍පොරොත්තු රහිත වියදමක් දැරීමට සිදුවන අතර, රැකියා ස්ථානයේ හිත මිතුරන් සමග ආරවුල් ඇතිකර ගන්නා බැව් පෙන්නුම් කරයි. උසස් අය ඇසුරට ඉඩ සැලසෙන දවසකි.
වෘෂභ
ආර්ථිකය සතුටුදායක වුවත් බලා‍පොරොත්තු රහිත වියදමක් දැරීමට සිදුවන අද දින අත්‍යවශ්‍ය කටයුතු අතපසු කරමින් අනවශ්‍ය කරුණුවලට ප්‍රමුඛත්වය ලබාදීමෙන් සිතට අසහනකාරීබවක් ගෙනදිය හැකි අතර, රැකීරක්ෂා හා ව්‍යාපාර කටයුතු සාමාන්‍ය අන්දමින් කරගෙන යෑමට හැකිවන දවසකි.
මිථුන
තරගකාරී වැඩකටයුතුවලින් ජය ලබනු ඇත. නව රැකියා අපේක්ෂිතයන්ට සුබදායක දවසකි. රැකීරක්ෂාවලට යහපත් වුවද වියදම ඉහළ යන බව පෙනී යයි. ව්‍යාපාරිකයන්ට ලාභ ලබාගත හැකි අද දින ගමන් බිමන්වලදී අධික ලෙස මුදල් වැයවනු ඇත. ගෘහ ජීවිතය යහපත්ය.
කටක
රැකීරක්ෂා කටයුතුවල තිබූ ගැටලුකාරී තත්ත්වයන් මග හැරේ. තාවකාලික රැකියාවල නිරත අයගේ තත්ත්වය ස්ථිර වන අද දින ව්‍යාපාරිකයන්ට ලාභ ගෙනදිය හැකි අතර, අධ්‍යාපන කටයුතු නිසියාකාරව කරගෙන යෑමට සුදුසු වාතාවරණයක් සැකසේ.
සිංහ
රැකියාවේ විශේෂ වෙනසක් ඇති නොවේ. ව්‍යාපාර ක්ෂේත්‍රයේ නියුතු අයට පාඩු ගෙනදෙයි. නව ආදායම් මාර්ග කෙරෙහි උනන්දුවක් දක්වන අතර විදෙස් රැකියා අපේක්ෂාවෙන් සිටින අයගේ බලා‍පොරොත්තු ඉටු නොවන බව දක්නට ලැබේ. ගෘහ ජීවිතයේ අවිවේකී බවක් ඇතිවේ.
කන්‍යා
ආර්ථික අපහසුතා ගෙනදිය හැකි අද දින රැකියා කටයුතුවල උදාසීන බවක් දක්නට ලැබෙන අතර වෙළෙඳ ව්‍යාපාරිකයන්ට නොසිතූ ආකාරයේ පාඩු විඳීමට සිදුවන බව පෙන්නුම් කරයි. ඔබේ සිතුම් පැතුම් බොහෝමයක් සඵල නොවන බව පෙනී යයි.
තුලා
ඔබේ රැකියාව ගැන තිබුණු කලකිරීමේ ස්වභාවය ක්‍රමයෙන් මග හැරී යන අද දින වෙළහෙළෙඳාම් ආදියෙන් ලාභ ප්‍රයෝජන ගෙනදේ. අධ්‍යාපන කටයුතුවලට යහපත් වන අතර අලුත් ආදායම් මාර්ග උපදවා ගැනීමට කදිම දවසකි. ගෘහ ජීවිතය සතුටින් ගත කිරීමට අවස්ථාව සැලසේ.
වෘශ්චික
රැකියාවල නියුතු අයට තනතුරු, උසස්වීම් ලබාගත හැකි බව පෙනී යයි. ආදායම් තත්ත්වය යහපත් වන අතර උසස් පුද්ගලයන්ගෙන් උදව් උපකාර හිමිවිය හැකි දවසකි. ගෘහ ජීවිතය යහපත්ය.
ධනු
අවිවේකය දැඩි ලෙස බලපාන වාතාවරණයක් පැන නැගීමේ ප්‍රවණතාවක් පවතින අද දින අධිෂ්ඨාන ශක්තිය ඇතත් තම අපේක්ෂාවන් ඉටුකර ගැනීම අසීරු වන බව දක්නට ලැබෙන අතර රැකියා කටයුතුවල සාර්ථකත්වයක් දැකිය හැකිය.
මකර
වෙළෙඳ ව්‍යාපාර කටයුතුවල නිරත අයට එතරම් සුබදායක නොවන බව පෙනී යයි. රැකියාවල කාර්යබහුලතාවක් දක්නට ලැබෙන අතර මිල මුදල් සම්බන්ධයෙන් තිබූ අවහිරතා මග හැරේ. හිතමිතුරන් අතර සුහදතාව වර්ධනය වන අද දින දේපළ ලාභයකටද වාසනාව ගෙන දිය හැකි දවසකි.
කුම්භ
මතෛක් ඉටු නොවූ බලා‍පොරොත්තුවක් අද දින ඉටුවීමේ හේතුවෙන් ඔබගේ සිතට සැනසීමක් ගෙනදෙන බව පෙනී යයි. ආදායම් තත්ත්වයේ සැලකිය යුතු වර්ධනයක් දක්නට ලැබෙන අතර ව්‍යාපාරිකයන්ටද සුබදායකය. අඹුසැමියන් අතර සමගිය වර්ධනය වේ.
මීන
ණයට ගත් මුදලකින් නිදහස් වීමට අවස්ථාවක් සැලසෙන අද දින සිතට සහනදායී තත්ත්වයක් ගෙනදිය හැකි දවසකි. රැකියාවේ ප්‍රගතියක් දක්නට ලැබෙන අතර මිල මුදල් අතින් යහපත් තත්ත්වයන් උදාවන බව පෙනී යයි. යුගදිවිය සතුටින් හා සාමයෙන් ගත කිරීමට ඉඩ ලැබේ.
ලෙස්ලි ජයසිංහ - රද්දොළුගම නිවාස
0 comments:
Post a Comment