තමන් දූෂණය කිරීමට උත්සාහ කළ පුද්ගලයා ඝාතනය කළ වරදට, එල්ලා මරා දැමූ ඉරාන තරුණිය (Photos)
පුද්ගල ඝාතනයක් සම්බන්ධයෙන් වරදකාරියක වූ ඉරාන ජාතික තරුණියකට මරණ දඬුවම ලබා දී තිබේ. මෙලෙස මරණ දඬුවම නියම වී ඇත්තේ, රිහානද් ජබාරි නම් 27 හැවිරිදි තරුණියට ය.
2007 වසරේ සිදු කළ ඝාතනයක් සම්බන්ධයෙන් 2009 දී ටෙහෙරාන්හි අපරාධ අධිකරණයක් මගින් ඇයට මරණ දඬුවම නියම කළේ ය.
ජබාරි නම් අදාළ තරුණිය අතින් ඝාතනයට ලක්ව ඇත්තේ, මොරතසා අබ්දොල්අලි සර්බාන්දි නම් ඉරාන හිටපු බුද්ධි සහ ආරක්ෂක අමාත්‍යාංශ සේවකයෙකි.
ජබාරි අධිකරණයට පවසා ඇත්තේ, අදාළ පුද්ගලයා තමන් ලිංගික අපයෝජනයට ලක් කිරීම උත්සාහ කළ අවස්ථාවේ තියුණු ආයුධයකින් ඇන ඔහු ඝාතනය කළ බව ය.
ජබාරි මෙම සිදුවීමට මුහුණ දී ඇයට වයස අවුරුදු දු 19ක්ව තිබියදී ය.
අදාළ පුද්ගලයා ව්‍යාපාරික ගනුදෙනුවක් පිළිබඳ සාකච්ඡා කර ගැනීම සඳහා සිය කාර්යාලයට පැමිණෙන ලෙස තමන්ට දැනුම් දුන් බව ත් ඒ අනුව එම ස්ථානයට ගිය අවස්ථාවේ මෙය සිදු වූ බව ත් ඇය පවසා ඇත.
ඇමිනේස්ටි ජාත්‍යන්තරය ඇතුළු සංවිධාන රැසක් ඇයගේ නඩු තීන්දුවට එරෙහිව නැගී සිටිය ද එම කිසිදු සංවිධානයකට ඇය මරණයෙන් ගලවා ගැනීමට නෙහැකි විය.
පසුගිය සිකුරාදා ජබාරිගේ මවට අවසන් වරට සිය දියණිය දැක බලා ගැනීම සඳහා පැමිණෙන ලෙස බලධාරින් දුරකතන ඇමතුමකින් දැනුම් දී තිබේ.
සබන්දිගේ පවුලේ ඥාතීන් ඇයට සමාව දීම ප්‍රතික්ෂේප කිරීම හේතුවෙන් ඊයේ (25) උදෑසන එල්ලා මරා දැමිණ.
0 comments:
Post a Comment