Tagged Under: Crime, Local News
President Maithripala Sirisena's brother dies
ජනපති මෛත්‍රීගේ සොයුරු ප්‍රියන්ත මියයයි
පොරවකින් සිදුවූ පහරදීමකින් බරපතල තුවාල ලබා කොළඹ පෞද්ගලික රෝහලක ප්‍රතිකාර ලබමින් සිටි ජනාධිපති මෛත්‍රීපාල සිරිසේනගේ සහෝදරයෙකු වන ප්‍රියන්ත සිරිසේන අද (28) අලූයම මිය ගොස් තිබෙනවා. පොලිස් මාධ්‍ය ප්‍රකාශක, සහකාර පොලිස් අධිකාරී රුවන් ගුණසේකර සදහන් කළේ අලූයම 3.50ට පමණ ඔහු මිය ගිය බවයි. පොළොන්නරුව - ඇතුමල්පිටිය ප්‍රදේශයේ පදිංචිව සිටි ජනාධිපතිවරයාගේ සොහොයුරු ප්‍රියන්ත සිරිසේන මිය යන විට වයස අවුරුදු 40ක්.
ප්‍රියන්ත සිරිසේනට පොරවකින් පහර දී තිබුණේ 34 හැවිරිදි හපුතන්ත්‍රිගේ ඉෂාන් ලක්මාල් නමැති පුද්ගලයෙක්. පෙරේදා රාත්‍රියේ පෞද්ගලික ආරවුලක් මත ඇති වූ ගැටුමක් දුරදිග යාමෙනුයි මෙය සිදුව තිබුණේ. අනතුරුව පොළොන්නරුව මහරෝහලේ දැඩි සත්කාර ඒකකයට ඇතුළත් කළ ප්‍රියන්ත සිරිසේන පසුව ගුවන් මගින් කොළඹට ගෙන ඒමට කටයුතු කළා.
0 comments:
Post a Comment