ඇනකොණ්ඩා සර්පයෙකුගේ කුස තුළට පණ පිටින් ගොස් යළි පැමිණි මිනිසෙක් (VIDEO)
ඇනකොණ්ඩා සර්පයෙකුගේ කුස තුළට පිවිස යළි පිටතට පැමිණි පුද්ගලයෙකු පිළිබඳව ජාත්‍යන්තර වෙබ් අඩවි සහ සමාජ ජාල වෙබ් අඩවිවල පළවී තිබේ.
පෝල් රොසලී නමැත්තෙකු එලෙස ඇනකොණ්ඩා සර්පයෙකුගේ කුස තුළට පිවිස ඇත්තේ, ලොව සුප්‍රකට රූපවාහිනී චැනලයක් මගින් නිෂ්පාදනය කෙරෙන Eaten Alive නමැති වැඩසටහනක් සඳහා ය.
ආරක්ෂිත ඇඳුම් ඇඳ කැමරාවක් ද අතැතිව කුස තුළට පිවිසිය ද පෝල් රොසලීට එම සර්පයාගේ කුස තුළට සම්පූර්ණයෙන් ඇතුළු වීමට හැකි වූයේ නැත.
ඒ, එම පුද්ගලයාට ඇතුළු වීමට තරම් අවකාශයක් එම සර්පයාගේ කුස තුළ නොපැවතීම හේතුවෙනි.
විදෙස් මාධ්‍ය වාර්තාවල දැක්වෙන්නේ, මෙම වැඩසටහන සඳහා අඩි 26ක ඇනකොණ්ඩාවෙකු යොදා ගැනීමට තීරණය කර තිබුණ ද ඒ සඳහා අඩි 20ක සර්පයෙකු යොදාගෙන තිබීම හේතුවෙන් එම පුද්ගලයා කුස තුළ සිරවී ඇති බව ය.
කුස තුළ සිටියදී සිරවූ පෝල් රොසලී තමන් බේරා ගන්නා ලෙස නිෂ්පාදන කණ්ඩායමෙන් ඉල්ලා සිටීමෙන් අනතුරුව ඔහු බේරා ගන්නා අයුරු වීඩියෝවෙහි දැක්වේ.
(newsfirst.lk)
0 comments:
Post a Comment