අනර්කලී රූ රැජිනක්‌, පළාත් සභා මන්ත්‍රිනියක්‌

ඔක්‌තෝබර් 10 වැනිදා පැවති දකුණු පළාත් සභා මැතිවරණයට, රූ රැජිනක්‌ වූ අනර්කලී ආකර්ෂා මෙනවියද ඉදිරිපත්ව ජයගෙන පළාත් සභා මන්ත්‍රිනියක්‌ බවට පත් වූවාය.

ගාල්ල දිස්‌ත්‍රික්‌කයෙන් එක්‌සත් ජනතා නිදහස්‌ සන්ධාන අපේක්‌ෂිකාවක්‌ වශයෙන් තරඟ කළ අනර්කලීට ලැබුණු මනාප ඡන්ද ප්‍රමාණය 26,728 කි. ඡන්දයට ඉදිරිපත් වූ ලාබාලම අපේක්‌ෂිකාව ඇය වූ අතර ජයග්‍රහණයෙන් අනතුරුව ඇය තමන්ට ඡන්දය දුන් හා නුදුන් පක්‌ෂ විපක්‌ෂ සැමටම ස්‌තුතිය පළ කිරීම, වැදගත් ගතිගුණයක්‌ හැටියට හැදින්විය හැකිය.

මීට පෙර , බස්‌නාහිර පළාත් සභා මැතිවරණය පැවති අවස්‌ථාවේද රූ රැජිනක්‌ තේරී පත් වූවාය. එක්‌සත් ජාතික පක්‌ෂයෙන් පත් වූ ඇය රෝසි සේනානායක ය.

Read More »

බලාපොරොත්තුව ඉන්නෙ හතළිහ පැන්න කෙනෙක්

රාණි මුඛර්ජී බෙංගාලි ජාතික රාණි මුඛර්ජී සිනමා පවුලකින් පැවැත එන්නියක්. තාත්තා රාම් මුඛර්ජී. විශ්‍රාමික චිත්‍රපට අධ්‍යක්ෂවරයෙක්. අම්මා ක්‍රිෂ්ණා චිත්‍රපට පසුබිම් ගායිකාවක්. සහෝදරයා රාජ් මුඛර්ජී චිත්‍රපට නිෂ්පාදකයෙක්. නෑනා කාජල් බොලිවුඩ් නිළියක්. තමන්ගේ දහවන පංතියේ ඉඳලම නැටුම් ඉගෙන ගත් රාණි පුහුණු ඔඩිසි නර්තන ශිල්පිනියක්. ඇගේ පළමු සිනමා අත්දැකීම ලැබුවේ වයස අවුරුදු 14 දී. ඒ 1992 දී තාත්තා ගේ Biyar Phool බෙංගාලි චිත්‍රපටයේ රඟපෑමෙන්. ඒ ගමන අද වන විට රාණි මුඛර්ජී බොලිවුඩ් සිනමාවේ සුවිශේෂ චරිතයක් බවට පත් කළා. මේ ඇය සමඟා කෙරුණු කතාබහක්. * ආදරය ඔබේ අහලකටවත් එන්නෙ නෑ වගේ නේද? ඒක එන වෙලාවක ඒවි. ආවෙ නැහැයි කියලා මගේ වැඩවලට ඒක බාධාවක් වෙලත් නෑ. අනික මම යමක් කරනව නම් මුලුමනින්ම එය හැගීම්බරව කරන කෙනෙක්. මට මගේ වෘත්තීය ජීවිතයයි, පෞද්ගලික ජීවිතයයි සමබරව තියා ගන්නේ කොහොමද කියලා තේරෙන්නෙත් නෑ. කොහොම නමුත් ජීවිතේ සතුටින් ගෙවෙනවා. * උත්සව අවස්ථාවල නිතරම සාරියෙන්ම සැරසෙන්නෙ? ඒක මට විශාල පහසුවක්. නමුත් හැමෝම කියනවා සාරි අඳින්න එපාය කියලා. * මේ යුගයේ ඔබටයි අභිෂේක්ටයි එදා අමිතාබ් හා ජෙයා කළ දේ කළ හැකිය කියලා හුඟ දෙනෙක් කියනවා නේද? ආ එහෙමත් කියනවද? මම නම් හිතන්නේ එදා අභිමාන්, මිලි චිත්‍රපටවල අමිතාබ් හා ජෙයා කළ දෙයින් හතරෙන් එකක් අපට කරගන්න පුළුවන් වේවිය කියලයි. * චිත්‍රපට අධ්‍යක්ෂ ෂාඩ් ඔබට පෙම් කළා නේද? ආ ඇත්තද? අධ්‍යක්ෂවරයෙක් එයාගේ නිළියට පෙම් කරන එක ඉතාමත් වැදගත්. ඒ නිළියගෙන් ගන්න පුළුවන් හොඳම දේ එළියට ගන්න අධ්‍යක්ෂවරයෙකුට තියෙන එකම හා හොඳම විදිහත් ඒකයි. ඔහුත් සමඟ මම චිත්‍රපට කිහිපයකම වැඩ කරලා තියෙනවා. ඔහු දන්නවා රංගනයේ දී මගේ හැඟීම් අවධි කරන්න හරියටම ඔබන්න ඕන මොන බොත්තමද කියලා. මේ නිසාම මාත් එක්ක වැඩ කරන හැම වෙලාවකම ඔහු මාව විශ්මයට පත් කරනවා. * ඔබ වැඩ කරන පිළිවෙළ මොන වගේද? මම කැපවීමෙන් වැඩ කරලා ඉතිරිය වාසනාවට භාර කරනවා. ඒ වගේම මට වැඩ කරන්න පහසු අය එක්ක විතරයි මම වැඩ කරන්නේ. මම හිතනව මගේ මේ සාර්ථකත්වය විවාහය වෙනකම්ම තියේවි කියලා. * රඟපෑම ගැන? රඟපෑම මට ස්වභාවයෙන්ම එන දෙයක් කියලයි මට හිතෙන්නේ. ඒක වෙන්නේ කොහොමද කියන්න නම් මම දන්නේ නෑ. නමුත් මම හිතනවා ඒක මට දෙවියන්ගෙන් ලැබුණු තෑග්ගත්ය කියලා. * ඔබ අත්හදා බැලීම් කරනවාද? මට ලැබෙන චරිතත් එක්ක අත්හදා බැලීම් කිරීම මගේ පුරුද්දක්. මට ලැබුණු චරිතත් ගොඩක් දුරට ඒකට ඉඩ තිබුණු චරිතයි. * ඉස්කෝලෙ කාලේ? මම ඉගෙන ගත්තෙ මිශ්‍ර පාසලක. ඒ නිසාම මට ගැහැනු පිරිමි කියලා භේදයක් හෝ විශේෂත්වයක් නෑ. මම මගේ යෙහෙළියන් තරමටම යාළුවන්ටත් සමීපයි. * ඔබේ තාත්තා ගැන තියෙන්නේ මොන වගේ හැඟීමක්ද? මගේ තාත්තා කිසි දවසක අම්මට අතක් උස්සලා නෑ. මගේ සහෝදරයාට මගේ බෙල්ල මිරිකන්න හිතෙන වෙලාවක වුණත් එයාම හිතලා ඒක පාලනය කර ගන්නවා. අපේ තාත්තට වැරදිලා මගේ කකුලක් පෑගුණත් ඒ ගැන දුක් වෙනවා. මේ නිසාම හැම ගැහැනු ළමයෙක් වගේම මමත් අපේ තාත්තාව උතුම් කොට සලකනවා. * ඔබ අද ඉන්න තත්ත්වයට එන්න පිරිමින්ගේ කොච්චර දායකත්වයක් ලැබිලා තියෙනවාද? මෙන්න මෙච්චරයි කියලා කියන්න නම් මිම්මක් මට නෑ. නමුත් පිරිමි කියන්නේ අගේ ඇති පිරිසක්. මම ඒ අයට ආදරෙයි. කතා දෙකක් නෑ. මම අධ්‍යක්ෂවරුන්ගෙන්, ෂාරුක්, අමීර්, ගෝවින්ද වගේ නළුවන්ගෙන් බොහෝ දේ ඉගෙන ගෙන තියෙනවා. * ඔබ රාණි (රැජිනක්) හැටියට මිසක් රාජා (රජෙක්) හැටියට නොඉපදීම ගැන දුක් වෙලා තියෙනවාද? නෑ. කොහෙත්ම නෑ. මම රැජිනක් (රාණි) වීම ගැන සතුටුයි. මට ලැබෙන පළමු දරුවත් ගැහැනු දරුවෙක් වෙනවටයි මම කැමැති. * ගැහැනිය ගැහිනියක වීම නිසාම අසාධාරණයට ලක් වෙනවය කියලා ඔබ හිතනවාද? ඔව්, මම හිතන්නේ ගැහැනියකට ඇය වෙනුවෙන් ජීවත් වෙන්නවත් අවස්ථාවක් ලැබෙන්නේ නැහැ කියලයි. * ඔබට හිතෙන්නේ නැද්ද පිරිමි ඒ අයගේ අඹු දරුවෝ වෙනුවෙන් ජීවත් වෙනවය කියලා? බොහෝ දුරට හතළිහෙන් පස්සේ. හතළිහ වෙනකම් පිරිමි දඟකාරයි. මගේ තාත්තා අම්මට පක්ෂපාතව හිටියේ තාත්තා අම්මව බඳින කොට තාත්තට හතළිහක්, අම්මට විස්සක් වුණ නිසයි. * ඒ කියන්නේ ඔබ බලාපොරොත්තුව ඉන්නෙත් හතළිහ පැන්න කෙනෙක්? ඇත්ත වශයෙන්ම. මගේ ස්වාමියා තරුණ බිරියක ගැන අදහසින් මැඬුණු, එයාගේ ඇස් මගෙන් ඉවතට ගන්න බැරි කෙනෙක් වෙන්න ඕන. * වැරැදි තියෙන මිනිහෙක්ව ගැහැනිය පිළිගන්න ඕනද? කිසි කෙනෙක් අංග සම්පූර්ණ නෑ. ආදරය කියන්නේ එකිනෙකාගේ වැරැදි පිළිගන්න එකටයි. * වැරැද්දට සමාව දෙන ඔය ලැයිස්තුවට කාම මිත්‍යාචාරයත් ඇතුළත්ද? නෑ. මා ඇතුළු ගැහැනිය අයිති කාලි අම්මාගේ වංශයටයි. ඒ නිසා මම බඳින්නේ හතළිහ පැන්න පිරිමියෙක්වයි. එතැන ඉඳලා එයාගේ ජීවිත කාලයෙම සතුට, පක්ෂපාතකම ඒ හැම දේම මට විතරයි. * කෑම සම්බන්ධයෙන් ඔබ මොන වගේද? මමත් ඉතිං කන්න කැමැති බෙංගාලියෙක්. කිසිම බෙංගාලියෙකුට රස මී කිරියි, මාළුයි බතුයි නැතුව ඉන්න බෑ. ඒ හින්දා ඒක මට අතාරින්න පුළුවන්කමක් නෑ. නමුත් මාසෙකට සැරයක් වගේ මම නොකා ඉන්න දවස් තියෙනවා. ඒකත් දැන් අවුරුදු හතක අටක විතර ඉඳල ඇති වෙච්ච පුරුද්දක්. ඒ ඇරුණම මිනිස්සු මා ගැන මොනව හිතුවත් මම මට ඕන විදිහට කන කෙනෙක්. * ව්‍යායාම් ගැන? ව්‍යායාම අත්‍යවශ්‍යයයි. නමුත් අනිත් අය කරන දේවල් තමන්ට ගැළපෙන්නෙ නෑ. ඒ නිසා තමන්ට ගැළපෙන දේ තෝර ගන්න ඕන. නමුත් මගේ ශරීරයට වද දෙන්න මගේ කැමැත්තක් නෑ. එනිසා මම එකිනෙකට වෙනස් දේවල් අත්හදා බලනවා. අලුතෙන්ම මම තට්ටු හතරක බංගලාවකට මාරු වුණා. එකේ තට්ටු නැගිල්ලයි බැහිල්ලයි හොඳ ව්‍යායාමයක්. පාගන මෙෂින් එකට වඩා තරප්පු පෙළ හොඳයි. කොහොමටත් මම කැමැති කෙට්ටු ඇඟකටයි. * ඔබේ රඟපෑමට පවුලේ ප්‍රතිචාරය? ඒ අය නම් මට පක්ෂපාතියි හැම වෙලාවකම. එයාලගේ ප්‍රතිචාර හැම විටම ධනාත්මකයි. * අලුත් පරම්පරාවේ නිළියන්ගෙන් කැමැතිම කාටද? කිහිප දෙනෙක් ඉන්නවා. ප්‍රියංකා චොප්රා, දීපාක් පදුකෝන්, අනුෂ්කා ශර්මා විශේෂයි. * ක්‍රිකට්වලට කැමැතිද? ක්‍රිකට් ගැන චිත්‍රපටයක් කරනකම් නම් එහෙම විශේෂ කැමැත්තක් තිබුණේ නෑ. ඒත් ඒ චිත්‍රපටිය වෙනුවෙන් සම්පූර්ණයෙන්ම ක්‍රිකට් ඉගෙන ගෙන ක්‍රිකට් ගහන්න වුණු නිසාත්, දැන් ක්‍රිකට් දන්න නිසාත් දැන් නම් ක්‍රිකට්වලට කැමැතියි. * ඒ කියන්නේ දැන් ඉන්දියාවේ කාන්තා ක්‍රිකට් කණ්ඩායමේ ක්‍රිකට් වෙළෙඳ තානාපතිනිය වෙන්නත් ඔබ සුදුසුයි? දැන් නම් ඒ සුදුසුකම මට හොඳටම තියෙනවා. නමුත් එහෙම යෝජනාවක් එනව නම් ඒ ගැන තවත් සලකා බලන්න ඕන. සැකසුම රවී

Read More »

සිරස කුමරිය ශලිනි තාරකා දැන් ‘ගඟ අද්දර’ නිර්මලා

‘ගඟ අද්දර’ චිත්‍රපටය ටෙලි නාට්‍යයකට නැඟෙනවා කියන ආරංචිය පසුගිය දිනවල ක්ෂේත්‍රයේ සැම තැනකින්ම ඇහෙන්න ගත්තා. ඒත් එක්කම ආපු ආරංචිය තමයි ‘ගඟ අද්දර’ චිත්‍රපටයේ ‘නිර්මලා’ ගේ චරිතය සඳහා සුදුසු නවක නිළියක සොයමින් පවතින බව.

‘ගඟ අද්දර’ නිර්මලා වීමේ වාසනාව හිමිකරගත්තේ රංගන ක්ෂේත්‍රයට ඉතාම කෙටි කලකදී පැමිණි මේ රුවැත්තියයි. ඇය ශලනි තාරකාය.

ශලනි ක්ෂේත්‍රය පුරා ජනප්‍රියත්වයක් දිනා ගත්තේ ‘සිරස කුමරිය’ තරගය සඳහා ඉදිරිපත්වී ‘සිරස කුමරිය’ වශයෙන් අභිෂේක ලැබීමෙන් පසුවය. ශලනි ගේ ගම බලංගොඩය.

පහේ ශිෂ්‍යත්වය සමත් වීමෙන් පසු මීගමුව නිවුස්ටඩ් බාලිකා විද්‍යාලයට ඇතුළත් වීමේ අරමුණින් ශලනිගේ පවුලේ අය මීගමුවේ පදිංචියට ආවා. වැඩිමල් සහෝදරයෙක් සහ බාල සහෝදරියක් සිටින ශලනි පවුලේ මද්දුමයාය.

”මම පුංචි කාලේ ඉඳන්ම නර්තනයට කැමැතියි. නමුත් රංගනයට නම් පොඩ්ඩක්වත් කැමැති වුණේ නෑ. මම අ.පො.ස. සාමාන්‍ය පෙළ කරල ගෙදර ඉන්න දවස්වල තමයි ‘සිරස කුමරිය’ තරගය සඳහා අයදුම්පත්‍ර කැඳව්වේ.

ඊට පස්සෙ තරගයට ඉදිරිපත් වී ජයග්‍රහණය ලැබුවම මට ගොඩාක් ආරාධනා ආවා රඟපාන්න. ඒත් මම කැමැති වුණේ නෑ. ඇත්තටම රඟපාන්න මගේ හිතේ බයක් තිබුණා.

මම හිතුවා මට රඟපාන්න බෑ කියලා. ඔය අතරෙදි තමයි ටැලන්ට් ෆැක්ටරි එකෙන් ආරාධනාවක් ආවෙ ‘පතිනි’ ටෙලිනාට්‍යයේ රඟපාන්න කියලා. අන්තිමේ මම ඒ ආරාධනාව බාර ගත්තා.

ඒ අනුව තමයි ‘පතිනි’ ටෙලි නාට්‍යයේ ‘නදිනි’ ගේ් චරිතයට මම සම්බන්ධ වුණේ. ඒක තමයි මගේ පළමු වැනි ටෙලි නාට්‍යය.”

ශලිනි ‘පතිනි’ ටෙලි නාට්‍යය හරහා නිළියක් වෙන කොට ඇයට රඟපාන්න ආරාධනා තවත් ගලාගෙන ආවා.

ෂර්ලි පී.දෙලංකාවලගේ ‘පූජාසනය’ ටෙලි නාට්‍යයෙන් ඇය ප්‍රධාන නිළියක් වශයෙන් දොරට වැඩියා. ඊට පස්සෙ ‘ඉසුරු භවන’, ‘අපි අපි වගේ’ ඇතුළු ටෙලි නාට්‍ය 6කට ආසන්න සංඛ්‍යාවකට ඇය රංගනයෙන් දායක වුණා.

ශලිනි ‘ගඟ අද්දර’ හි නිර්මලා වුණු හැටිත් අපි ඇසුවා.

”පසුගිය දවස්වල මම ‘අපි අපි වගේ’ ටෙලිනාට්‍යයේ දෙවන කොටසේ රූගත කිරීම් සඳහා සම්බන්ධ වෙමින් හිටියා. මට හසන්ත ගුණසේකර තමයි කිව්වේ ‘ගඟ අද්දරට’ නිළියක් හොයනවා එන්න කියලා.

ඒ වෙනකොට පුවත්පත් දැන්වීම් මඟිනුත් මම දැනගෙන හිටියා නිළියක් හොයනව කියලා. මම ගිහින් අධ්‍යක්ෂවරයාව මුණගැහුණා. ඔහුට හිතෙන්න ඇති මාව ගැළපෙනව කියලා.”

ශලනි කියන්නේ ගඟ අද්දරේ ‘නිර්මලා’ වීම එක පැත්තකින් ලොකු වාසනාවක් කියලයි. ඒ වගේම එය අභියෝගයක් කියලත් හිතනවා.

’නිර්මලාට’ ජීවය දෙන්න මාව තෝරගත්ත කිව්වම මට ලොකු සතුටක් ඇතිවුණා. ඒ වගේම ඒක මට අභියෝගයක් කියලත් දැනුණා.

‘ගඟ අද්දර’ චිත්‍රපටය ඇත්තටම මම බලලා නෑ. පස්සෙ මට හිතුණා චිත්‍රපටය නොබලම කරන එක හොඳයි කියලා. ‘ගඟ අද්දර’ චිත්‍රපටයේ නිර්මලාගේ චරිතය රඟපෑවේ ප්‍රවීණ නිළි වසන්ති චතුරානි.

මට ඇය අනුකරණය කරන්න දෙයක් නෑ. චිත්‍රපටයට බොහෝ වෙනස් අලුත් ටෙලි නාට්‍යයක් විදියට තමයි මේක කරන්නේ.

සොඳුරු ආදරයේ චමත්කාරය ශලනි වගේ යෞවනය අද්දර ඉන්න සොඳුරු යුවතියකට නොදැනුණා නම් ඒක බොරුවක්. ඇයත් ආදරයේ සුවඳ විඳින ප්‍රේමවන්තියක්.

”මට ප්‍රේමවන්තයෙක් ඉන්නවා. එයා කලාවට සම්බන්ධ එක්කෙනෙක් නම් නොවෙයි. ඊයේ පෙරේදා දවසක මම bridal කෙනෙක් වගේ ඇඳලා ගත්ත පිංතූර වගයක් ඉන්ටර්නෙට් එකට දාලා තිබුණා.

බොහෝ දෙනෙක් මට කතාකරන්න ගත්තා විවාහ වුණාද කියලා අහල. ඇත්තටම ඒ පින්තූර මම ගත්තේ වෙන ෂෝ එකකට.

Read More »

කාගෙවත් බලපෑමකට යටත් වෙන එක නම් මෝඩකමක්

පුංචිම තැනින් පටන් ගෙන ඉදිරියට ආ රංගන චාරිකාව දිහා අද ආපසු හැරිලා බලද්දී චතුරිකා පීරිස් කියන අපේ සොඳුරු නිළියට ඇත්තටම සතුටු වෙන්න පුළුවන්. පුංචි තිරය වගේම සිනමාවත් තම අපූර්ව රංගනයන් විදහා දක්වන්නට කදිම තෝතැන්නක් කරගත් ඈ ඒ හරහා ලැබූ ප්‍රේක්ෂක ආකර්ෂණයත් සුවිශේෂයි.

චතුරිකා......

විටෙක ඔබේ මුවට හසරැල්ලක් එක් කළ, තව වරෙක කඳුළින් ඔබේ දෙනෙත තෙත් කළ ඈ මේ ජීවන රඟ මඩලේ සැබෑ යොවුන් අසිරිය සිය රංගනයට මුසු කර ගත්තේ ඉතාමත් සංවේදීව. අපේ හදවතට දැනෙන විදිහට.

නව පරපුරේ බොහෝ නිළියන්ගේ හැකියාවන් පුංචි තිරයට පමණක් සීමාවෙද්දී චතුරිකා රිදී තිරයේත් දිදුලන තරුවක් බවට පත්වෙලා. ඒ ඇගේ දක්ෂතාවයට වාසනාවත් එකතු වූ නිසාමයි.

එන්න, අපි කතා කරමු, විමසා බලමු, ඇගේ අලුත්ම තතු පිළිබඳ මෙතැන් සිට, සැබෑම වූ සෙනෙහසින්......

ඔයා රඟපෑ චිත්‍රපට දෙකක් තිරගත වෙන්න නියමිතයි. චතුරිකා අපි කතා කරමු ද ඒ ගැන......?

ඔව්, ප්‍රවීණ චිත්‍රපට අධ්‍යක්ෂවරයකු වන ආනන්ද වික්‍රමසිංහ මහතාගේ “හදවත මල් යායයි” සහ ප්‍රගීත් රත්නායකගේ “ආදරෙයි මං ආදරෙයි “ කියන චිත්‍රපට දෙකේ මම රඟපෑවා. ඒ දෙකම ප්‍රධාන චරිත. යොවුන් පෙම්වතියගේ චරිතය මම රඟපාන්නේ. නමුත් ඒ චරිත එකිනෙකට වෙනස්.

මොකක්ද ඒ වෙනස.....?

“හදවත මල් යායයි” චිත්‍රපටයේ දඟකාර, සැහැල්ලු සුන්දර යුවතියක් විදිහට මම රඟපාන්නේ.

ඒ කියන්නේ ඔයා වගේ .....?

ටිකක් විතර. විශේෂයෙන්ම මෙහි තිර රචනය හොඳට ලියලා තිබුණා. ඒ නිසා මට චරිතය ගොඩ නගා ගන්න ලොකු අනුබලයක් ලැබුණා. මම හිතන්නේ ආනන්ද වික්‍රමසිංහ වැනි ප්‍රවීණ අධ්‍යක්ෂවරයෙක් යටතේ රඟපාන්න ලැබීම මගේ වාසනාවක්.

එතකොට ‘ආදරෙයි මං ආදරෙයි’ චිත්‍රපටයේ මම නිරූපණය කලේ මල්මී කියලා අහිසංක දුප්පත් යුවතියකගේ චරිතයක්. ඇය ආදරයට ගොඩක් ආදරය කරන කෙනෙක්. ඒත් පෙම්වතාගේ මවුපියන්ට ගොඩක් බය පක්ෂපාතයි. ඇයත් අපේ යුවතියන් වගේ ජීවිතයේ ගොඩක් ප්‍රාර්ථනා, බලාපොරොත්තු පොදි බැඳ ගත් යුවතියක්.

මේ චරිත දෙකෙන් ඔයා වඩා කැමැති.....?

මම හිතන්නේ මේ ජීවිතයේ වෙනස් පැතිකඩ ස්පර්ශ කළ චරිත දෙකක්. චරිත අතින් වෙනස් වුණාට මේ හරහා කතා බහ කරන්නේ අපේම තාරුණ්‍යය ගැන. චරිත දෙකම එක වගේ තෘප්තියකින් මම රඟපෑවා.

ප්‍රගීත් දක්ෂ රංගන ශිල්පියකු බව අප දන්නවා . ඒත් ඔහු අධ්‍යක්ෂණයට නවකයෙක්.....?

මේ වගේ භාරදූර වගකීමක් ප්‍රගීත් බාර ගන්නේ කොහොමද කියලා මුලින් මට හිතුණා. මොකද චිත්‍රපටයක් කියන්නේ දැවැන්ත මුදලක් වැය කරලා කරන කටයුත්තක්. ඒත් රූගත කිරීම් පටන් ගත්තට පස්සේ මට තේරුණා ප්‍රගීත් ඒ කාර්යයට අතගසා තිබෙන්නේ කිසිවක් නොදැන නෙවෙයි කියන එක.

ඔහු ලේසියෙන් සෑහීමකට පත්වෙන අධ්‍යක්ෂවරයෙක් නෙවේ. අවශ්‍ය රූප රාමුව ලැබෙන කල් ඔහු ඒ ෂොට් එක ගන්නවා. ඒ වගේම දර්ශන තලයේ දී ප්‍රගීත් අපට හොඳින් සැළකුවා. අනවශ්‍ය විදිහට අපිට වෙහෙසට පත් කළේත් නැහැ. නළු, නිළියන්ගේ රංගනය සහ රූප රාමු තමයි චිත්‍රපටයක අවුට් පුට් එක වෙන්නේ. ප්‍රගීත් ඒක හොඳින් තේරුම් අරගෙන කටයුතු කළා කියලා මට හිතෙනවා.

සමකාලීන අනෙක් නිළියන්ට වඩා අපේ සිනමාවේ ඔයාට වැඩිපුර අවස්ථා ලැබුණා කියා මට හිතෙනවා .....?

අද චිත්‍රපට ගොඩක් හැදෙනවා අඩුයි. මේ තරම් බදුවලින් නිදහස් වෙලත් නිෂ්පාදකයෝ නැත්තේ ඇයි කියන එක ලොකු ගැටලුවක්. එවැනි තත්ත්වයක මේ තරමින් හරි නිර්මාණවලට දායක වෙන්න ලැබීම සතුටක්. ඒත් සිනමාවේ හරි අවස්ථාවක් මට තාම ලැබුණේ නැහැ. මාව චිත්‍රපටවලට දායක කර ගත් අධ්‍යක්ෂවරුන්ට ස්තූතිවන්ත වෙනවා.

ටෙලි නාට්‍යය නිළියක් කියන තැනෙන් මිදිලා සිනමාවේ දිගු ගමනක් යන්න ඔයාට තවත් අවස්ථා ලැබෙයි කියා මට හිතෙනවා.....?

මට ඒ කැපකිරීම කරන්න පුළුවන්. ටෙලි නාට්‍යයි, චිත්‍රපටයි එකට බදාගෙන කරන්න මට වුවමනාවක් නැහැ. නමුත් අද ආර්ථිකයත් එක්ක හැම දේම බදාගෙන කරන්න බොහෝ දෙනෙකුට සිදුවෙලා තියෙනවා. ඒකෙන් නිර්මාණයටවත්, තමන්ටවත් සාධාරණයක් ඉෂ්ට වෙන්නේ නැහැ.

වානිජ සිනමාවේ වගේම කලාත්මක සිනමාවේත් චරිතාංග නිළියක් විදිහට මගේ හැකියාවන් පෙන්වන්න අවස්ථාවක් ලැබෙනවා නම් ඇත්තටම මම ලොකු කැපවීමකින් ඒ සඳහා දායක වෙනවා.

ටෙලි නාට්‍යය රංගනයෙන් අපිට සීයට සීයක්ම තෘප්තිමත් වෙන්න බැහැ. අද හැදෙන සමහර ටෙලි නාට්‍යය දිහා බලපුවාම ඒවයේ රඟ නොපා ඉන්නවා නම් හොඳයි කියලා හිතෙනවා.

ඒ කියන්නේ චතුරිකා රඟ පෑ ටෙලි නාට්‍යය සම්බන්ධයෙනුත් ඒ පසුතැවිල්ල තියෙනවා....?

ඔව්,ටෙලි නාට්‍යය කිහිපයක් ගැන, ගොඩක් වෙලාවට ඒවා කෙරුණේ යාළුකමට. තාත්තාගේ යාළුවන්ගේ ඉල්ලීම් ප්‍රතික්ෂේප කරන්න බැරි වුණ වෙලාවලුත් තියෙනවා.

එහෙම බෑ කියන්න බැරිකමට කෙරුණ ටෙලි නාට්‍යය ගැන මම සෑහීමකට පත් වෙන්නේ නැහැ. හැබැයි අද මම ටෙලි නාට්‍යයක් හරි චිත්‍රපටයක් හරි බාර ගන්නේ ඒ ගැන දෙවරක් හිතලා.

කොහොම වුණත් තවත් සුවිශේෂ ටෙලි නාට්‍යයක, සුවිශේෂ චරිතයක් රඟපෑමේ භාග්‍යය පසුගිය දිනවල ඔයාට උදා වුණා.....?

“ ස්වයංජාත” නවකතාව ඇසුරින් සුදත් රෝහණ අධ්‍යක්ෂණය කරන “ස්වයංජාත” ටෙලි නාට්‍යයේ “පබා”ගේ චරිතය රඟපෑමේ වරම මට ලැබුණා. ඒක ලොකු දෙයක්. චරිතාංග නිළියක් විදිහට මගේ හැකියාවන් පෙන්නුම් කරන්න ලැබුණ හොඳ අවස්ථාවක් විදිහටයි මම ඒක දකින්නේ. “පබා” අවුරුදු විසි එකක වයසේ ඉඳලා අවුරුදු හැට දක්වා විහිදෙන චරිතයක්

“පබා” ගැන මොකද හිතෙන්නේ ......?

ඇය බොහොම සුන්දර, ඒ වගේම ඥානාත්විත යුවතියක්. පබා තමන්ගේ මවුපියන්ට, සොයුරියට ගොඩක් ලැදියි. ඈ තමන්ගේ ඥාති සොහොයුරා වූ විභූතිරත්නට ජීවිතය ගැන සුබවාදීව හිතන්න පොළඹවනවා. ඒ දෙන්නා අතර තියෙන්නේ ආධ්‍යාත්මික බැඳීමක්. “ස්වයංජාත” නවකතාවත් මම ආසාවෙන් කියවපු පොතක්. “පබා” මගේ රංගන දිවියේ රඟපාන්න ලැබුණ සුවිශේෂ චරිතයක් කියා මට හිතෙනවා.

චතුරිකාට ගොඩක් වෙලාවට රඟපාන්න ලැබුණේ පෙම්වතියගේ චරිත. මේ නිසා රංගනයේ ඒකාකාරී බවක් ඔයාට දැනුණේ නැද්ද....?

පවුල් පසුබිම හා හැදෙන, වැඩෙන රටාවත් එක්ක තමයි බොහෝ විට මේ චරිත එකිනෙකට වෙනස් වෙන්නේ. ඒ වගේම බාහිර සමාජයත් එක්ක ඔවුන් ගනුදෙනු කරන විදිහ. සමහරු තමන්ගේ පෙම්වතාට බයයි. තවත් කෙනෙක් පෙම්වතාව සත පහකට ගණන් ගන්නේ නැහැ.

ප්‍රේම සම්බන්ධතාවලදී ඇතැම් තරුණියෝ ගොඩක් විවෘතයි. නමුත් මවුපියන්ට ගරු කරනවා. මේ වගේ නොයෙක් ආකාරයේ ගතිගුණ තිබෙන පෙම්වතියෝ තමයි අපේ සමාජයේ ඉන්නේ. අධ්‍යක්ෂවරයා මගෙන් බලාපොරොත්තුවන දේ, මාව හසුරවන විදිහත් එක්ක තමයි පෙම්වතියගේ ස්වභාවය මොන වගේ ද කියලා තීරණය වෙන්නේ. මට ලැබුණ විවිධ චරිත සාර්ථකව රඟපෑවා කියලා මට හිතෙනවා.

මුලින්ම තෝරා ගත් නළු නිළියන් නෙවෙයි ඇතැම් නිර්මාණවලට අවසානයේ රංගන දායකත්වය ලබා දෙන්නේ. එවැනි අවස්ථාවල චතුරිකා වෙනත් නිළියන් ප්‍රතික්ෂේප කළ චරිතය බාර ගන්නේ නැහැ කියන කතාව ඇත්ත ද?

මෙහෙමයි. මුලින්ම මම කතා කරලා ඒ අදාළ නිළියගෙන් අහනවා ඒ ප්‍රතික්ෂේප කිරීමට හේතුව. නිෂ්පාදකයා පොල්ලක් තියලා හරි එහෙම නැතිනම් නිළියගේ පැත්තෙන් ඇයට අසාධාරණයක් වෙලා තියෙනවා නම් හරි මම ඒ චරිතය බාර ගන්නේ නැහැ. තිර පිටපතේ අඩුපාඩුවක්ද කියලත් විශේෂයෙන්ම බලනවා.

එහෙම නැතුව දරුවෙක් ලැබෙන්න ඉන්න නිසා කෙනෙක් තමන් බාර ගත්ත චරිතය රඟ නොපාන්න තීරණය කර තිබුණා නම් අන්න ඒ වගේ අවස්ථාවල ඒ චරිතය මට ගැළපෙනවා නම් බාර ගන්නවා. ඒක මානුෂීය ප්‍රශ්නයක් නිසා.

නිළියන්ට නිෂ්පාදක, අධ්‍යක්ෂවරුන්ගේ අනිසි බලපෑම්වලට ලක්වෙන්නට සිදුවන අවස්ථාත් අපට, අහන්න දකින්න ලැබෙනවා. සමහරුන්ට තමන්ගේ වෘත්තීය පැවැත්මට ඒවාට අවනත වෙන්නත් සිදු වෙනවා ඇතැම් වෙලාවට.....?

එහෙම කාගෙවත් බලපෑමකට යටත් වෙන එක නම් මෝඩකමක්. මම පැහැදිලි ගමනක් ඇවිත් තියෙනවා. ආත්ම ගෞරවය විනාශ කර ගෙන තමන්ගේ පැවැත්ම තහවුරු කරගන්න හදන එක මහ මෝඩකමක්. මුළු ජීවිත කාලයම ඒක විඳවන්න වෙනවා. ආත්ම ගෞරවයකින්, අභිමානයකින් සමාජයට මුහුණ දෙන්න බැරි වෙනවා එතකොට.

ඔයාට කවදාවත්, කාගෙන්වත් එහෙම බලපෑමක් ඇවිත් නැහැ.....?

ඇත්තටම නැහැ. මම හිතන්නේ කෙනෙක් සමාජයේ හැසිරෙන විඳිහ අනුව තමයි ඒක තීරණය වෙන්නේ. ඕනෑම කෙනෙක් දැනගෙන ගින්දරට අත දාන්න යන්නේ නැහැනේ.

ඒ කියන්නේ චතුරිකා ගින්දර වගේ සැරයි?

මම ඕනෑම කෙනෙක් එක්ක කෙලින් කතා කරන කෙනෙක්. ඒ නිසා ද මන්දා මට ගොඩක් වෙලාවට අනවශ්‍ය ප්‍රශ්නවලට මුහුණ දෙන්න වෙලා නැහැ. රොෂාන් වුණාත් පුරුෂාධිපත්‍ය කියන දේ ඔළුවෙ තියාගෙන වැඩ කරන කෙනෙක් නෙවේ.

අපි දෙන්නා සමානයි කියලා තමයි එයා හිතන්නේ. ඒ නිසා ඔහු මට ගරු කරනවා. මමත් ඔහුට අයුතු බලපෑම් කරන්න යන්නේ් නැහැ.

ඉස්සර අපේ නළු, නිළියන්ට තිබුන ආකර්ෂණය, ආදරය අද වෙන කොට මම හිතන්නේ අවප්‍රමාණය වි තියෙනවා. ඒකට හේතුව හැටියට ඔයා දකින්නේ.....?

මම හිතන්නේ අපේ සිනමාවට ජාතික ප්‍රතිපත්තියක් නැතිකම. රංගන ශිල්පය හදාරන්න, වැඩි දියුණු කර ගන්න අපට ආයතනයක් නැහැ. විශේෂයෙන්ම ටෙලි නාට්‍ය නිර්මාණකරණයේ දී අද සිදුවෙලා තියෙන්නේ ආයතන මගින් දෙන බජට්වලට ටෙලි නාට්‍යය හදන්න.

මේ නිසා කවුරු හරි පාරේ යන කෙනෙක් දාලා හරි වැඩේ කරන්නයි කවුරුත් හදන්නේ. එහෙම රඟපාන්න එන අයට කිසිම වෘත්තීය සුදුසුකමක් නැහැ. ඔවුන්ගේ හැසිරීම් රටාව වෙනස්. අනෙක් කෙනාට ගරු කිරීමක් නැහැ.

මෙවැනි තත්ත්වයන් නිසා අද බොහෝ නළු නිළියෝ සමාජයේ අතිශය සාමාන්‍ය චරිත බවට පත්වෙලා. ඉස්සර නළු නිළියන්ට වෘත්තිය වටිනාකමක් තිබුණා. ඒ නිසා තමන්ව නඩත්තු කර ගන්නත් ඔවුන්ට පුළුවන් වුණා. ඒත් අද එහෙම නඩත්තු වෙලා ඉන්නේ කීප දෙනෙක් විතරයි.

ඒක නෙවෙයි දැන් කවදද වෙඩිං එක.......?

තාම දවස තීරණය කරලා නැහැ. එහෙම වුණදාට මුලින්ම “සරසවිය” ට කියන්නම්.

මේ අවුරුද්දෙම.....?

මේ අවුරුද්ද දැන් ඉවරයිනෙ.

එහෙම නම් 2010 වසර ඔයාගේ ජීවිතයට වාසනාවන්ත, සිතුම් පැතුම් ඉටුවෙන වසරක් වේවා කියලා ඔන්න වේලපහම අපි ප්‍රාර්ථනා කරනවා.

සරසවියේ ඔයාලා සියලු දෙනාටත් එසේම වේවා!

පිළිසඳර - අසංක දේවමිත්‍ර පෙරේරා

ඡායාරූප - ටෙනිසන් එදිරිසිංහ

Read More »

"හිරුමලී" හරහා අමිලා රංගනයට

තේමා ගීතයත් අමිලාගෙන්මයි

සිරස සුපර් ස්ටාර් තරු මාවතේ දෙවැනි අදියරේදී මියුරු හඬින් ගී ගයා ශ්‍රී ලාංකේය ගීත ලෝලීන් අමන්දානන්දයට පත් කළ ගීත කෝකිලාව අමිලා නදීෂානි මෙදා ඔබ හමුවට එන්නේ නවමු මුහුණුවරකිනි.

අමිලා සිය කලා දිවියේ රංගන සම්ප්‍රාප්තිය සනිටුහන් කරමින්, පුංචි තිරය රැගුමින් එකලු කිරීමට සැරසෙන මේ පුවත ඔබට සැබැවින්ම සතුටුදායක පුවතක් වනවා නිසැකය.

ඒ පුංචි තිරයට අලුතින්ම එක් වන ටෙලි සිතුවම වන ‘හිරුමලී’ හරහාය. කතාංග හතළිස් හයකින් යුත් ‘හිරුමලී’ හි දිරිය යුවතියකගේ චරිතයකට පණ දෙමින් අමිලා සිය රංගන ප්‍රතිභාව රූප මාධ්‍යයේ සනිටුහන් කරන්නට සැරසෙන මේ මොහොතේ ‘සරසවිය’ ඊට සුබාශිංසන එක් කරන්නේ සෙනෙහෙ සිතිනි.

‘හිරුමලී’ හි කතා නායිකාව අමිලාය. කතා නායකයා මංජුල මොරගහය. ‘හිරුමලී’ පසුගියදා කතා නායිකාව කතා නායකයා ඇතුළු සෙසු ශිල්පීන් පිරිවරා සිය මුහුරත් උළෙල පසුගියදා බත්තරමුල්ලේදී පැවැත් වූවාය.

ප්‍රවීණ ටෙලි නිර්මාණ අධ්‍යක්ෂ කුමාරසිරි අබේකෝන්ගේ අධ්‍යක්ෂණයෙන් නිර්මාණය වන ‘හිරුමලී’ ගාමිණී චමින්දගේ කැමරාවෙන් රූ ගැන් වේ.

සමන්ති අල්විස්ගේ සංගීතයෙන් හැඩ වන ‘හිරුමලී’ හි තේමා ගීත ගායනය ද අමිලා නදීෂානි ගෙන්මය.

අමිලා හා මංජුල ප්‍රධාන චරිත මෙහෙයවන මේ ටෙලි නිර්මාණය සඳහා මොරින් චාරුණි, නිමල් යටිවැල්ල, රිචඩ් මානමුදලි, මනීෂා ශ්‍යාමලී, මධුකා ගුණතිලක, ඩැනී සමරවීර, බුද්ධි වික්‍රම, ශ්‍රීමතී ජයවීර, හිරන්‍යා මිනෝලි ඇතුළු නළු නිළි පිරිසක් රංගනයෙන් දායකවීමට නියමිතය.

මේ සති අන්තයේදී ඉංගිරිය ප්‍රදේශයේදී රූගත කිරීම් ඇරඹෙන ‘හිරුමලී’ එළඹෙන නොවැම්බරයේ සිරස ටී. වී හරහා ඔබ හමුවට පැමිණීමට නියමිතය.

මේ සොඳුරු ටෙලි නිර්මාණයේ කතාව හා නිෂ්පාදනය ප්‍රවීණ ටෙලි නාට්‍ය නිෂ්පාදකවරයකු වන මෙල්රෝයි සල්ගාදු වේ.

සකස් කළේ - හර්ෂනී රුද්‍රිගු

ඡායා - මාලන්

---

"හංස රැඟුම්" පුංචි තිරයෙන්

සසන්ති කලකට පසු පුංචි තිරයේ

ටෙලි නාට්‍ය අධ්‍යක්ෂක තිස්ස විජේකෝන් ගේ දාහතරවැනි ටෙලි සිත්තම වන ‘හංස රැඟුම්’ එළඹෙන 19 වැනිදා සිට සෑම සඳුදා දිනකම රාත්‍රී 8.35 ට ජාතික රූපවාහිනියෙන් ඔබේ ආලින්දයට පැමිණේ.

ගැමි සිතුම් පැතුම් සහිත ඉංජිනේරුවරයකු සහ මන්ත්‍රීවරයකුගේ දියණියක වන කෙළිලොල් තරුණියක අතර ඇති වන විවාහය සහ එම පවුලේ ඇති වන නිරන්තර අඬ දබර ආරවුල් මෙන්ම ආදරය නිසා මිනිසුන් හරහා රැවටිලි සහගත ක්‍රියාවන් රැගත් ‘හංස රැගුම්’ විවිධ ජීවිත කැටි කොට ගනිමින් ඒ ඒ ජීවිත ඔස්සේ මිනිස් ජීවිතයේ විවිධ පැතිකඩ සොයා යන කතාන්තරයකි. මෙය හාස්‍ය හා කුතුහලය ද කැටි කොට ගත් ටෙලි නිර්මාණයකි.

සුනන්ද සිල්වාගේ රචනයකට අනුව නිර්මාණය වූ මේ ටෙලි වෘත්තාන්තයෙහි අමිත්ත වීරසිංහ, සසන්ති ජයසේකර, සරත් ගුණසේකර, බුද්ධික ජයරත්න, මියුරි සමරසිංහ, ඥානාංග ගුණවර්ධන, ජී. ආර්. පෙරේරා, කුසුම් මල්දෙණිය, මංජුල මොරගහ, නිමල් විජේසිංහ, රෝමා රෝසි ජයකොඩි, රත්නා ලංකා අබේවික්‍රම ඇතුළු නළු නිළි පිරිසක් රංගනයේ යෙදෙති.

හර්ෂ ආරියසිංහගේ සංගීතයෙන් සුසැදි මෙහි ගායනය උරේෂා රවිහාරි ගෙනි.

හංස රැඟුම් ඩී. යූ. කඳනාරච්චි, සනත් ධර්මරත්න සහ පද්මසිරි ගමගේ ගේ නිෂ්පාදනයකි.

Read More »

අපේ ජැකලයින්ට තවත් චිත්‍රපටයක්

ශ්‍රී ලංකාවෙන් බොලිවුඩ් සිනමාවට එක්වුණු රූ රැජන ජැකලයින් ෆර්නැන්ඩස් ට මේ වනවිට තවත් චිත්‍රපටවල ප්‍රධාන චරිත නිරූපණය කරන්නට ඇරියුම් ලැබෙමින් තිබෙනවා.

ඇය මුලින් ම රඟපෑ ‘ඇලඩින්’ චිත්‍රපටය මේ ඔක්තෝබරයේ දී තිරගත වීමට නියමිතයි.

මේ චිත්‍රපටයේ ගීත ඇතුළත් සී.ඩී. තැටිය පසුගිය සතියේ දී නිකුත් වුණා. ඒ වෙනුවෙන් පැවති විශේෂ මාධ්‍ය හමුවටත් ජැකලයින් සහභාගි වී සිටිනු දක්නට ලැබුණා. චිත්‍රපටයේ ප්‍රධාන චරිත රඟපෑ අමිතාබ් භච්චන් සහ රිටීෂ් දේශ්මුඛ් ද පැමිණ සිටියා.

‘ඇලඩින්’ චිත්‍රපටයේ ජැකලයින් රඟපෑ දර්ශන කිහිපයක් නරඹන්නට ජෝන් ඒබ්‍රහම්ට අවස්ථාව සැලසුණේ හදිසියෙන්මයි. ඒ දර්ශන නැරඹූ ජෝන්ට ජැකලයින්ගේ රඟපෑම් තදින් ම හිතට කා වැදුණා.

ඒ මොහොතේදීම ඔහුට සිහිපත් වුණේ ‘ස්ටුඩියෝ එයිටීන්ත්’ චිත්‍රාගාරයේ පැත්තකට දමා තිබෙන අතරමඟ වැඩ නවතා තිබූ චිත්‍රපටයක්.

මේ චිත්‍රපටය අධ්‍යක්ෂණය කර තිබුණේ ජෝන්ගේ හිතවතෙකු වන සාබල් ශෙඛාවට්. ඔහු වහාම තම හිතවතාට කතා කර අතරමඟ ඇණහිටි එම චිත්‍රපටය ගැනත් ජැකලයින් ගැනත් විස්තර පැවසුවා.

ජෝන් ඒ අධ්‍යක්ෂවරයාට ඒත්තු ගැන්වූයේ ජැකලයින්වත් එකතු කරගෙන ඒම චිත්‍රපටයේ රූපගත කිරීම් නැවතත් ආරම්භ කරන්නට තිබෙන හැකියාව ගැනයි. අධ්‍යක්ෂ සාබල්, ඒ අදහසට එකඟවුණා.

චිත්‍රපටයේ ප්‍රධාන නිළිය හැටියට ජැකලයින්ව තෝරාගන්නට ඔහු කැමැති වුණා. ඒ අනුව ජැකලයින් සහ ජෝන් පෙම්වතුන් ලෙස මේ චිත්‍රපටයේ රඟපෑමට එක්වේවි.

“ජෝන්, ජැකලයින්ව ටික කලෙක ඉඳන් දන්නවා. ව්‍යායාම් කරන්න යන්නෙත් එකම ජිම් එකටයි. චිත්‍රපටයේ නිෂ්පාදනයටත් ජෝන් හවුල් වේවි.

චිත්‍රපටයට තාම නමක් දාලා නැහැ. නමුත් මේක පෙම්කතාවක් කියලයි ආරංචි. ජැකලයින් නිරූපණය කරන්නෙ ක්‍රීඩිකාවකගේ චරිතයක්ලු.

Read More »

ජීවිත කාලයටම කිව්වේ ‘සීයා මනමාලයා’ සින්දුව විතරයි

සූපවේදි පබිලිස් සිල්වා අතීත මතකයක් දිග හරී

”සීයා මනමාලයා

නාකි ඉලන්දාරියා

මේ නාකි ඉලන්දාරියා

එන්න එන්න ලස්සනයි

බංගලාවේ බත් ම කාලා

බංගලාවෙ බත් කකා//”

“අශෝකා” චිත්‍රපටයට ධර්මදාස වල්පොල සමග මොහිදින් බෙග් ගායනා කළ මේ ගීතය එදා සිනමා ලෝලීන් සිනාසාගරයේ ගිල්වූ අයුරු ඔබට මතක ඇති. අනංගයා ආවේශවුණ ‘වයසක ඉලන්දාරින්’ට ඇහෙන්නට අපේ ගැටවරයන් අදත් මේ ගීය ගැයීමෙන් එහි අපූරුව හිතාගන්න පුළුවන්.

අපේ කාලයේ වීරයෙක් (එදා කොල්ල කාලෙ) ඔහුගේ ගම් පියස වන බලපිටිය පැත්තේ මුහුදු රැල්ල පාග පාග ගෙයක් ළඟින් උදේ හවස එහා මෙහා යන ගමන් මේ ගීතය හඬනගා කියමින් යාම පුරුද්දක් කරගෙන හිටියා. එහෙම කරන්න හේතුව ඒ ගෙදර ඇහැට කනට පේන කැකුළියකට මෙයාගෙ හිත ගිහින්. හිතේ තියෙන දේ කියා ගන්න වෙන විදිහක් නැති නිසයි ඔහු මේ ගීතයේ මුල් කොටස යන එන ගමන් හය්යෙන් කියාගෙන ගියෙ.

හැබැයි ඉතින් ගේ ඇතුළෙ හිටිය කැකුළියටත් මේ මලවියගෙ අපභ්‍රංශය දැනිලා දොර අස්සෙන්, ජනෙල් කූරු අතරින් හොරෙන් එබිකම් කරන්න පටන් ගත්තලු. කොහොම හරි වැඩිකල් යන්ඩ කලින් දෙපැත්තෙ ආසිරි මැද මේ දෙන්නට එක වහලක් යටට වෙන්නටත් මේ ගීතය ආශිර්වාදයක් වෙලා. අපේ වීරයා තම අතීතය සිහිකරමින් අප සමග කීවේ මේ ගීතයට තමාට එදා ලැබුණු සම්මානය තම සහකාරිය බවයි.

මේ අපූරු මතකය අප වෙත දිග හැරියේ අපේ මහා සූපවේදී පබිලිස් සිල්වායි එහෙමත් නැත්නම් පොලොස් කරියෙන් ලොව පුරා ගෘහණියන් ගේ ආදරය දිනාගත් ආචාර්ය පබිලිස් සිල්වායි. එහෙම කියන්නත් හේතුවක් තිබුණා. පොලොස් කරියෙන් නමක් දිනුවත් එය බඩට දැනුණු රසයක් මිස තම මනසට කිසිදු රසයක් නොදැනුණු බවයි ඔහු කියන්නෙ. ඔහු මෙහෙම කීවේ අපූරු උත්සවයක ප්‍රධාන අමුත්තා ලෙස ආරාධනා ලැබ සභාව අවදිකරමින්.

”අවුරුදු පනස් හයක් තිස්සේ දිව පිනවන කෑම ජාති හදල මං ලංකාවෙ විතරක් නෙමේ හුඟාක් රටවල ජනපි‍්‍රය වුණා. ඒ තත්වය මට ලැබුණේ බඩ පිනවලා. ඒත් මගේ මනසට අද තමයි නියම රසයක් දැනුණේ. අද මම වසර 56 කට පස්සෙ අලුත් පණක් ලැබුවා. මගේ මනස පුදුම විදිහට සැහැල්ලු වුණා. මං මෙච්චර කල් මොනවද කළේ කියල මට හිතුණා.

මගේ ජීවිතේ ඉහළම සතුටක් ලැබූ දිනය අදයි කියල මට හිතෙනවා. මහා සූපවේදී ආචාර්ය පබිලිස් සිල්වා ඉහ වහා ගිය සතුටකින් පැමිණි පිරිස් ඇමතුවේය. අත්පොළසන් හඩින් මුළු ශාලාවම හිඟුම් දුන්නේය. ඔහුගේ කතාව අසා බවලත් උදවිය පුදුමයට ද පත්වූහ. පබිලිස් සිල්වා කීවේ තමා ජීවිත කාලය තුළ ගැයූ එකම ගීතය ‘සීයා මනමාලයා’ බවය. ජීවිත කාලයටම එකම ගීයක් ගයා සම්මානයක් දිනා ගැනීමට හැකිවීම ගැන ඔහු තම බිරින්දෑට ද අනේක වාරයක් තුති පිදුවේ මුළු සභාවම හිනා ගස්සමින්.

උත්තර භාරතීය කර්ණ රසායන ගීත මාධුර්යයෙන් මෝදු වුණු අපේ මහා සූපවේදියාට පනස් හය වසරක මුළුතැන්ගේ රාජකාරිය මොහොතකට අමතක වී ගියාසේය. මියුරු ගී හඬින් හා ගී නදින් ඔහු ගේ ලෝකය රස ගැන්විණ.

නෞෂාද් අලි භාරත ගාන්ධර්වයාණන් මාල් කවුන්ස් රාගය මිශි‍්‍රත ස්වර සංගතිවලින් හැඩ ගන්වා සංගීතවත් කළ මියුරු ගීය ඔහු දැහැන්ගත විය. ඒ පසුගිය සැප්තැම්බර් 27 වැනිදා ජෝන් දා සිල්වා සමරු රඟහලේ පැවැත්වුණු පැරණි හින්දි ගීත ප්‍රසංගයේදීය.

Read More »