Britain's Troubled Youth

එංගලන්තයේ තරුණයන්ට තියෙන කරදර

බ්‍රිතාන්‍යයේ උපත ලබා, ජීවත්වන තරුණ පරම්පරාව බොහෝ සෙයින් ස්වාධීන බවත් ඔවුන් කුඩා අවදියේම ගේදොර මවුපියන් අතහැර තමන්ගේම ජීවිතයකට අඩිතාලම් දමා ගන්නා පිරිසක් බවත් පිළිගත් කරුණකි. එහෙත් එම ස්වාධීන, ස්වෛරී, හිතුවක්කාරී විප්ලවවාදියා තවමත් බ්‍රිතාන්‍ය තරුණයා තුළ ජීවත්වන්නේ ද?

සම්පූර්ණ ලිපිය කියවන්න LIKE කරන්න

බ්‍රිතාන්‍ය නීතිරීතිවලට අනුව වයස දහසය ඉක්මවූවන් සැලකෙන්නේ තරුණ වැඩිහිටියන් ලෙසය. ඔවුනට තම මවුපියන්ගේ නිවසෙන් එළියට බැස ගොස් රජයේ ආධාර මත ජීවත්වන්නට පුළුවන. රැකියා කරන්නට ද පුළුවන. මවුපිය අවසරය මත විවාහ වන්නට ද පුළුවන. ස්ත්‍රියක හෝ පුරුෂයකු සමඟ ලිංගිකව හැසිරෙන්නට ද පුළුවන. එහෙත් වයස දහඅට වන තෙක් කතිරය ගැසීමට පුළුවන්කමක් නැත.
බ්‍රිතාන්‍යය ‘සමාජ සේවා රාජ්‍යයක්’ යැයි කෙරෙන හැඳින්වීම අතිශයෝක්තියක් නොවේ. මෙරට ජීවත්වන ජනයා හට රජය මඟින් ලබා දී තිබෙන මූල්‍යමය ආධාර වරප්‍රසාද සලකා බැලු විට එය සනාථ වේ. උපන් දා පටන් ලබාදෙන ආධාරයේ පටන් ගෙවල් කුලී, විරැකියා දීමනා, අඩු ආදායම් ලාභීනට කෙරෙන දීමනා මෙන්ම තනි මවුවරුන්ට ද ආබාධිත පුද්ගලයනට ද වෛවාරන්න රාජ්‍ය දීමනා ක්‍රමවේදයක් එංගලන්තයේ ඇත. ඩිප්‍රෙශන් හෙවත් ආතතියත්, ඩයබිටීස් හෙවත් දියවැඩියාවත් මෙහි ඇත්තේ ආබාධිත රෝග රාමුවේමය. ආරෝග්‍ය ශාලා සේවය ද ශ්‍රී ලංකාවේ මෙන් නොමිලයේමය.
එංගලන්තයට ළඟා වන සරණාගතයනට ද සැලකෙන්නේ එම හැන්දෙන්මය. නිවාස පහසුකම් ඇතුළුව ජීවත්වීමේ දීමනා ද, විදුලිය, ගෑස්, ඇඳුම් පැලඳුම් සහ ආහාර සඳහා මිල මුදල් ද රජයෙන් ලැබේ. සරණාගතයනට ලැබෙන දීමනා තමන්ට වඩා වැඩි යැයි බ්‍රිතාන්‍යයන්ගේ කන්කෙඳිරි ඉඳහිට අසන්නට ලැබේ. එය සත්‍යයක් ලෙස සැලකිය හැකි වන්නේ ශ්‍රී ලංකාවේ මුදලින් මසකට රුපියල් මිලියනයකට ආසන්න ප්‍රමාණයක් ආධාර ලබා ගන්නා සරණාගත පවුල් බ්‍රිතාන්‍යයේ සිටින බවට තිබෙන සාධක නිසාය.
ඒ ආධාර ක්‍රම කෙසේ වෙතත් 1998 සිට බ්‍රිතාන්‍ය විශ්ව විද්‍යාල සිසුනට සිදුවූයේ මහ අකරතැබ්බයකි. එතෙක් නිදහස් අධ්‍යාපනයක නිරත වී ඔවුන් වසරකට පවුම් දහසක ගාස්තුවකට යටත් කිරීමට එවකට බලයේ සිටි කම්කරු පක්ෂ ආණ්ඩුව පියවර ගත්තේය.
සමාජවාදයේ චැම්පියන්ලා ලෙස හැඳින්වෙමින් සිටි බ්ලෙයාර් ආණ්ඩුව එදා ගත් ඒ පියවර නිසා අද වන විට වසරක පවුම් නව දහසක් ගෙවීමට බ්‍රිතාන්‍ය ජාතික විශ්ව විද්‍යාල සිසුනට සිදු වී ඇත්තේය. එය කෙළින්ම ගෙවා දැමිය හැකිවාක් මෙන්ම පොලී රහිත ණයක් ලෙස රජය මඟින් එම ගාස්තු ගෙවීම සිදු වන්නේය.
උපාධිය ලැබ රැකියාවක නිරත වූ විට ලැබෙන වැටුපෙන් එය අඩු කැර ගැනීම රජයේ අරමුණය. එංගලන්තය මෙලෙස සිසුන් ණයකරුවන් බවට පත් කිරීමට කටයුතු කළ ද ස්කොට්ලන්ත ආණ්ඩුව කළේ ස්කොට්ලන්ත සිසුන්ගේ ගාස්තු රජය මඟින්ම ගෙවා දැමීමයි.
මේ ක්‍රමය යටතේ සිසුවකු විශ්ව විද්‍යාල අධ්‍යාපනය හමාර කරන විට පාඨමාලා ගාස්තු නවාතැන් සහ අනෙකුත් විය හියදම් සඳහා පවුම් 53,000 කට ආසන්න ණය බරකින් මිරිකෙන බව ගණන් බලා තිබේ. මේ තත්ත්වය යටතේ එවැනි වියදමක් දැරීමට නොහැකි පවුල්වල උසස් පෙළ සමත් සිසුන් වැඩිදුර අධ්‍යාපනය අතහැර රැකියා සොයා යෑම සුලබ වී තිබේ.
අධ්‍යාපනය පමණක් නොවේ. බ්‍රිතාන්‍යයේ අද පවතින ආර්ථිකය මත බොහෝ තරුණ තරුණියන්ගේ ජීවන රටාව වෙනස් වී තිබේ. එදා වයස දහසය වන විටම ගෙදරින් පිටව තනි ජීවිතයක් ඇරැඹු තරුණයා අද විවාහ වන වයස පසු වුවද තවම දෙමවුපියන්ගේ වහළ යට ජීවත් වෙයි.
බ්‍රිතාන්‍ය ජාතික සංඛ්‍යා ලේඛන දෙපාර්තමේන්තුවේ දත්තවලට අනුව වයස 20 - 24 අතර තරුණ පරම්පරාවෙන් සියයට පණහක්ම ජීවත් වන්නේ මවුපියන් සමඟය. දවසින් දවස වැඩි වෙමින් පවතින ජීවන වියදමත් ළඟාවිය නොහැකි තරමට ඉහළ යමින් තිබෙන නිවාස මිලත්, එයට සාපේක්ෂව වැඩිවී තිබෙන ගෙවල් කුලියත් අතර අතරමංව සිටින ඔවුන් ස්වාධීන ජීවිතයකට අඩිතාලම දැමීම අමතක කොට ඇත්තා සේය.
එයට අමතරව ඔවුන්ගේ විවාහයන් ද අතපසු වීගෙන යයි. මවුපිය කැමැත්ත මත වයස දහසයේ දී සිට වුව විවාහ විය හැකිව තිබුණ ද අද වන විට බ්‍රිතාන්‍ය විවාහ වීමේ සාමාන්‍යය පිරිමින් වයස 37 දක්වා ද කාන්තාවන් වයස 34 දක්වා ද ඉහළ ගොස් තිබේ. නමුත් විවාහ කටයුතු අතපසු වී ගිය ද පෙම් සබඳතා සහ ලිංගික ජීවිතය අඩුවක් වී ඇතැයි සිතන්නට සාධන නැත.
තරුණ තරුණියන් බොහෝ දෙනෙක් මවුපියන්ගේ නිවෙස්හි රැඳී සිටින්නේ දෙමවුපියනට ඇති ආදරය නිසා මිස අනෙකුත් විය හියදම් නිසා යැයි නොසිතමි. මොන ආකාරයේ ආධාර උපකාර රජයෙන් ලැබුණ ද 2014 රජයේ රැකියා සහ විශ්‍රාම දෙපාර්තමේන්තුවේ සමීක්ෂණයකට අනුව බ්‍රිතාන්‍යයන් ගෙන් මිලියන 10.6 ක් දරිද්‍රතාවයෙන් පෙළෙන්නෝය. ෆිස්කල් අධ්‍යයන ආයතනයේ වාර්තාවනට අනුව බ්‍රිතාන්‍යයේ ජනතාවගෙන් 23.2% ක් අන්ත දුප්පතුන්ය. කොතරම් ආධාර ක්‍රමවේද තිබුණ ද ෂොපින් ට්‍රොලියකට තම සකල සේසතම පුරවාගෙන පාර අයිනේ නිදන දෙතුන් දෙනෙක් ඈන් ට්‍රැෆල්ගාර් චතුරස්‍රය අසල සිටිති.
පවට පින් දෙන්න බැරි යැයි පවසන්නේ ඔවුන් වැනි පුද්ගලයින් පිළිබඳව වන්නට ඇත. පාර අයිනේ මෙන්ම උමං දුම්රිය පළවල් අසල කාඩ්බෝඩ් කැබැලි මත සීතලේ ගැහෙමින් රාත්‍රිය ගත කරන පුද්ගලයන් සිටින බව එංගලන්තය සුරපුරයකැයි සිතා සිටින අය දන්නවා ඇතැයි සිතමි.
ලිපිය අවසන් කිරීමට විශ්ව විද්‍යාල අධ්‍යාපනය පිළිබඳව නැවත කතා කළ යුතු යැයි සිතේ. එංගලන්තයේ විශ්ව විද්‍යාලයන්හි නවක වදය නැත්තේ නොවේ. එහෙත් එය ශාරීරික නැත. එමෙන්ම එය විශ්ව විද්‍යාල පාඨමාලවේ අනිවාර්ය අංගයක් ද නොවේ. මෙහි නවක වදයෙන් මරණයට පත්වූ, සියදිවි නසාගත්, ආබාධිත වූ කිසිවෙක් ගැන අසන්නටවත් නැත.
නිවාස අඩස්සියට පත්වූ උපකුලපතිවරුන් ද නැත. පන්ති වර්ජන ද නැත. තමන් ‍ඉගෙන ගත යුතු පන්තිය වර්ජනය කළහොත් අතරමං වන්නේ තමන්ම බව මෙහි සිසුන් හොඳහැටි දනිති. සිසු අරගල යනු මවුපියන්ගේ ද රජයේ ද මුදල් කාබාසිනියා කරන ක්‍රියාවලියක් නොවිය යුතු බව ද මොවුන් හොඳහැටි දන්වා යැයි ද සිතමි. අධ්‍යාපනයේ දී දේශපාලනය යනු පාඨමාලාවේ එක් විෂයයක් පමණක් බව ද ඔවුන් දන්නවා ඇත.

නීතිඥ අනුර හෑගොඩ

(silumina.lk)

Read More »

Ranjan Ramanayake looks at bipasha's foot

බිපාෂාගේ කකුල දිහා බැලුවේ එහෙම අහිතකින් නමෛයි... - රන්ජන්

රංජන් රාමනායක හැමදාම දිදුලන තරුවක්. මේ, ඔහු සමග කළ කතාබහක්.

සම්පූර්ණ ලිපිය කියවන්න LIKE කරන්න

හිරු ගෝල්ඩන් ෆිල්ම් අවෝඩ්ස් සඳහා ජනප්‍රියම නළුවා ලෙස ඔබේ නම යෝජනා වී තිබුණත් එය ඔබට හිමි වුණේ නැහැ. මොකද ඒ ගැන හිතන්නෙ?
ජනප්‍රියම නළුවා සම්මානය මටම හිමිවිය යුතුයි කියලා මම හිතන්නේ නැහැ. මම සම්මාන උළෙලට පෙරත් ප්‍රකාශ කළේ මේ සම්මාන තරුණ පරපුරට ලැබිය යුතුයි කියලා.

කොහොම වුණත් ජනප්‍රියතම නළුවා ලෙස නම යෝජනා වෙලා තියෙද්දී ඒ පිළිබඳ පුංචි හරි බලා‍පොරොත්තුවක් තිබුණේ නැහැ කියන්නත් බැහැ නේද?
ඔව්. මීට පෙර නම යෝජනා වුණු හැම වතාවෙම සම්මානය ලැබුණානේ. ඉතින් සම්මානය ගැන බලා‍පොරොත්තුවක් තිබුණේ නැහැ කිව්වොත් බොරුවක්. ජනතාවගේ ආදරය එපා කියන්නේ කවුද?

සම්මාන උළෙලට ඇවිත් හිටිය ආරාධිත විදේශීය ශිල්පීන්ගෙන් කාත් එක්කද වැඩිපුරම කතාබහ කරන්න ලැබුණේ?
මගේ දකුණු පැත්තෙන් අසුන්ගෙන හිටියේ අනිල් කපූර්. වම් පැත්තෙන් හිටියේ බිපාෂා බාසු.

අනිල් කපූර්, බිපාෂා බාසු මොනවද කිව්වේ?
අපි ගොඩක් දේවල් කතා කළා සිනමාව ගැන. අපේ නළු නිළියන් ගැන. මෙතැනදී එක අඩුවක් මම දැක්කා. ඒ තමයි අපේ රංගන ශිල්පීන් ගැන ප්‍රමාණවත් හඳුන්වාදීමක් සිදුවුණේ නැහැ කියලා මට හිතුණා. ඉතින් ආරාධිත ශිල්පීන් අපේ නළු නිළියන්ව හඳුනන්නේ නැති බවක් මට දැනුණා. මම එයාලට අපේ නළු නිළියන් ගැන හැඳින්වීමක් කළා.

හරි ඔබ මුලින්ම ඔබව හඳුන්වා දුන්නේ කොහොමද?
අනිල් කපූර් ආව ගමන් ඉස්සරවෙලාම තමන්ව හඳුන්වලා දුන්නා. මම අනිල් කපූර්. ඔබ කවුද? කියලා මගෙන් ඇහුවා. මට ලොකු ලජ්ජාවක් ඇති වුණා. ඇයි මම හිතුවේ මාව දන්නවා ඇති කියලනේ.

ඉතින් ඊට පස්සේ?
එයාලා මාලනී ෆොන්සේකා මහත්මිය පෙන්නලා ‘කවුද අර නිල්පාට සාරියක් ඇඳලා ඉන්නෙ?” කියලා ඇහුවා. මම කිව්වා ඇය අපේ නිළි රැජින මාලනී ෆොන්සේකා කියලා.ඊළඟට ‘කවුද අර හොඳට ඉංග්‍රීසි කතා කරන්නේ’ කියලා ඇහුවා. ඒ ඇහුවේ රවීන්ද්‍ර රන්දෙණිය මහත්මයා ගැන. මම එතුමාව හඳුන්වලා දීලා කිව්වා විජය කුමාරතුංග කියන අපේ නළු කුමරුගෙන් පස්සේ ඔහු තමයි අපේ නළු කුමරු කියලා. එයාලා විජය කුමාරතුංග දන්නෙ නෑ කිව්වා. ඉතින් මම කිව්වා ඔහු තමයි අපේ හිටපු ජනාධිපති චන්ද්‍රිකා බණ්ඩාරනායක මැතිනියගේ ස්වාමි පුරුෂයා කියලා. එහෙම කිව්වමයි එයාලා විජයව දන්නේ. අඩුම ගානේ එයාලා පූජා උමාශංකර්වත් දන්නෙ නැහැ කිව්වා. මම කිව්වා ඇය ඔබේ රටේ නිළියක් කියලා. ඒත් දන්නේ නැහැ කිව්වා.
පස්සේ ඉතින් මට හිතුණා එයාලා ඉන්දියාවෙන් ආව පූජා දන්නෙත් නැතිනම් මාව අඳුනන්නේ නැති එක පුදුම වෙන්න දෙයක් ‍නෙවෙයි කියලා.

සරාගී නිළිය බිපාෂා එක්ක ඔබ වෙන මොනවත් කතා කළේ නැද්ද?
ආ... සමහර අය කියලා තිබුණා මම බිපාෂාගේ කකුල් දිහා බලාගෙන හිටියා කියලා. ඇත්තටම මේකයි සිද්ධ වුණේ. මම බිපාෂාගෙන් ඇහුවා ඇයි ඔයා අද නටන්නේ නැත්තෙ කියලා. ඇය කිව්වා කකු‍ලේ වළලුකරේ ‍පොඩි ආබාධයක් තියෙනවා. ඒ නිසා නටන්න අපහසුයි කියලා. ඉතින් ඒකයි මම බිපාෂාගේ කකුල දිහා බලාහිටියේ.

ඔබගේ අලුත්ම කලා කටයුත්ත සංගීත කණ්ඩායම පැත්තට හැරුණොත්?
මගේ මිත්‍රයෝ නව දෙනෙක් එකතු වෙලා ‘නාසා’ කියලා සංගීත කණ්ඩායමක් හදලා තියෙනවා. එහි පළමු සංදර්ශනය ආනමඩුවේ පැවැත්වුවා. දැනට එහි පටිගත කළ දර්ශන යූ ටියුබ් ඔස්සේත් නරඹන්න පුළුවන්.මේ දිනවල අයවැය විවාදය නිසා මගේ දේශපාලන වැඩකටයුතු එක්ක ටිකක් කාර්යබහුල වෙලා ඉන්නේ. ඉතින් සංගීත කණ්ඩායම වෙනුවෙන් වෙලාව වෙන් කරන්න ටිකක් අමාරුයි. ඒත් මේ කාර්යබහුලත්වය ටිකක් අඩු වුණාම සංගීත කණ්ඩායම එක්ක කරන්න වැඩ කටයුතු ගොඩක් තියෙනවා. 0713982146 අංකයෙන් අපේ කණ්ඩායමට අමතන්න පුළුවන්.

මොනවද සංගීතය පැත්තෙන් කරන්න ඉන්න අලුත් වැඩ?
මගේ අලුත් ගීත කීපයක් කරලා තියෙනවා. ඒවාට රූප රචනා කරලා ඉක්මනින්ම ජනතාව අතරට පත් කරන්න බලා‍පොරොත්තුවෙන් ඉන්නේ.

මොන වගේ ගීතද කරන්න බලා‍පොරොත්තු වෙන්නෙ?
අලුත්ම ගීත ටිකක් තමයි කරන්න ඉන්නේ. ආදර ගීත කිහිපයකුත් තියෙනවා.

කවුද මේ ගීත රචනා කරන්නෙ? කවුද තනු නිර්මාණය කරන්නෙ?
අලුත්ම පද රචකයින් කිහිප දෙනෙක් සහ අලුත්ම සංගීතඥයින් කිහිප දෙනෙක් ඒ ගීත නිර්මාණය කළා. නව පරපුරේ අයට එයාලාගේ දක්ෂතා පෙන්වන්න අවස්ථාව දෙන්න තරුණ කලාකරුවන් කිහිප දෙනෙක් තමයි ඒ සඳහා සම්බන්ධ කර ගත්තේ.
කුමරිනී ප්‍රතාපසිංහ
kumarini.prathap@hotmail.com




(rivira.lk)

Read More »

Daily Horoscope 10-11-2014

අද දින ඔබගේ කල දසාව 2014 නොවැම්බර් 10 දින

මේෂ
රැකියාව සුපුරුදු පරිදි කරගෙන යාමට හැකිවන අද දින වෙළෙඳ ව්‍යාපාරිකයන්ට ආර්ථික වාසි හිමිවන බව දක්නට ලැබේ. විදේශ අධ්‍යාපනය අපේක්ෂාකරන අයට තම බලා‍පොරොත්තු ඉටුකර ගත හැකි අතර ආර්ථික ගැටලුවලින් නිදහස්වීමට හැකිවනු ඇත. පවු‍ලේ සමගිය ගෙන දෙන දවසකි.

සම්පූර්ණ ලිපිය කියවන්න LIKE/SHARE කරන්න

වෘෂභ
අද දින ඔබ දැඩි තීරණවලට යොමුවීමෙන් තමන්ට හිතවත්ව සිටි අය පවා අමනාප වීමේ ප්‍රවණතාවක් පෙන්නුම් කරයි. උත්සාහයේ තරමට ප්‍රතිඵල ලැබිම අසීරුවන බවත් නීති කටයුතුවලට මැදිවීම නිසා ආර්ථික අපහසුතාවයන් මතුවිය හැකි දවසකි. ඉවසිල්ලෙන් කටයුතු කළ යුතුය.

මිථුන
රැකිරක්ෂා හා ව්‍යාපාර කටයුතු සම්බන්ධව සැලකිය යුතු දියුණුවක් ඇතිවෙයි. ආදායම් මාර්ග යහපත්ව පවතින අතර අධ්‍යාපන කටයුතුවල ප්‍රගතියක් පෙන්නුම් කරයි. මානසික ප්‍රීතිය ගෙනදෙන දවසක් බව පෙනීයයි.  අසල්වාසීන් සමග සහයෝගයෙන් කටයුතු කිරීමට හැකිවේ.

කටක
අනපේක්ෂිත අයුරින් ධන ලාභ ගෙනදීමට ඇති හැකියාව පෙන්නුම් කරන අද දින ව්‍යාපාර කටයුතුවලින් විශේෂ වාසි ලබාගත හැකි අතර රැකියා කටයුතුවලට යහපත් බව පෙන්නුම් කරයි. නිවාස ප්‍රශ්නයක් සම්බන්ධයෙන් සතුටුදායක තත්ත්වයක් ගෙනදිය හැකි දවසකි.

සිංහ
රැකිරක්ෂා කටයුතුවල සාර්ථකත්වයක් දක්නට ලැබෙන අද දින ව්‍යාපාරිකයන්ට ශුභදායකය. මතෛක් අහිමිව පැවති හිමිකම් ලබාගත හැකි වන අතර අපේක්ෂාවන් සාර්ථක කරගැනීමට හිතවතුන්ගේ සහයෝගය ලබාගත හැකි දවසකි. පවු‍ලේ දියුණුවට කටයුතු සැලසේ.

කන්‍යා
කාර්යබහුල දවසකි. රැකියා ස්ථානයේ කටයුතු සම්බන්ධ වගකීම් වැඩිවන බව පෙනීයයි. ව්‍යාපාරිකයන්ට යහපත්ය. විවේකයට බාධා ගෙනදෙන අයුරින් හදිසි ගමන් බිමන් යෙදෙන අතර අලුත් බලා‍පොරොත්තු ඇතිකරගන්නා අද දින තම පවු‍ලේ අය වෙනුවෙන් වැඩිපුර කැපවීමට සිදුවන බව දක්නට ලැබේ.

තුලා
රැකියා හා ව්‍යාපාර කටයුතු දියුණුවට හේතුවේ. ආර්ථිකය යහපත්ය. ඉඩකඩම් විකුණාගැනීමට අදහස් කරන අයට ඒ තුළින් ලාභ ලබාගත හැකි අතර විදේශ ගතවීමට බලා‍පොරොත්තුවෙන් සිටින අයෙක් නම් එම අපේක්ෂාව ඉටුවීමට බොහෝ ඉඩ ඇති දවසකි. ගෘහ ජීවිතය ප්‍රීතිමත්ය.

වෘශ්චික
අවුල් වියවුල්ව පැවති ගැටලුවක් සාර්ථක අන්දමින් නිරාකරණය වේ. ව්‍යාපාරික කටයුතුවල දියුණුවක් ගෙනදෙන බව පෙන්නුම් කරයි. රැකියා කටයුතු විශේෂ වෙනසක් සිදුනොවන අතර විවේකය බොහෝදුරට අඩුවන දවසකි. ඔබ බලා‍පොරොත්තුවෙන් සිටි අදහසක් ඉටුවන බව පෙනී යයි.

ධනු
අන්‍යයන් සමග විවාදයට යොමුවීමෙන් අමනාපකම් ඇතිකරගනී. රැකිරක්ෂා කටයුතු සතුටුදායකය. ආර්ථිකය යහපත් මට්ටමක පවතින අතර අධ්‍යාපන අංශවල නියුතු වූවනට ශුභදායක දවසකි. තම කටයුතු පිළිවෙළකට අවසන් කරගැනීමට හැකිවීමෙන් සිතට සහනයක් දැනෙනු ඇත. ගෘහ ජීවිතය ප්‍රීතිමත්ය.

මකර
අවිවේකී දවසකි. නියමිත රාජකාරී වැඩකටයුතු කලට වේලාවට සාර්ථකව නිමකර ගැනීමට හැකිවන අද දින ආදායම් තත්ත්වය යහපත් මට්ටමක වුවද වැයපස අධිකවීමට හේතු මතුවනු ඇත. බලා‍පොරොත්තු නොවූ වාසියක් අත්වීමට ඉඩ ඇති දවසකි. පවු‍ලේ සමගිය සමාදානය වර්ධනය වේ.

කුම්භ
රැකියා අපේක්ෂකයන්ට රැකියා ලාභගෙන දිය හැකි අද දින වෙළෙඳ ව්‍යාපාරිකයන්ට වාසි ලබාගත හැකි බව පෙන්නුම් කරයි. මිල මුදල් සම්බන්ධයෙන් වාසිදායක තත්ත්වයක් දක්නට ලැබෙන අතර ඇසුරු කරන හිතමිතුරන්ගේ උදව් උපකාර ලබාගත හැකි දවසකි. පවු‍ලේ අය අතර සුහදතාව වර්ධනය වේ.

මීන
සමාජසේවා කටයුතුවලට යොමුවීමේ ප්‍රවණතාවක් දක්නට ලැබෙන අද දින ව්‍යාපාරිකයන්ට නොසිතූ පරිදි ලාබ ලබාගත හැකි අතර රැකියාවල නියුතු අයට යහපත් තත්ත්වයක් උදාකරයි. ආර්ථිකයේ සුවිශේෂී වර්ධනයක් ගෙන දිය හැකි දවසකි. යුගදිවිය සතුටින් ගතකිරීමට ඉඩ ලැබේ.
ලෙස්ලි ජයසිංහ - රද්දොළුගම නිවාස

 

Read More »

I don't like to show my face much - Manjula Kumari

ඇත්තටම මම වැඩිය මූණ පෙන්වන්න කැමති නැහැ
- මංජුලා කුමාරි

කීයටවත් මට ලැබෙන ආරාධනාවලින් නම් අඩුවක්‌ නැහැ. දැන් විකාශනය වෙන ටෙලිනාට්‍ය විස්‌සකින් දහයකට මුහුණ පෙන් වන්න අවස්‌ථාව උදා වුණා. නමුත් ඒකට කැමති නැහැ....

 

සම්පූර්ණ ලිපිය කියවන්න LIKE කරන්න

 

(divaina.com)

Read More »

Mystery of ragama dewalaya

ලොකු සීයාගේ කතාව කියන්න පොඩි සීයලා 'දිවයින'ට එති! 

රාගම දේවාලයේ ප්‍රධාන කපු මහතාව සිටි ප්‍රදේශයේ සුප්‍රකට චරිතයක්‌ වූ රාගම ලොකු සීයාගේ ඝාතනය සම්බන්ධයෙන් සියලු මානයන් ස්‌පර්ශ කරමින් සටහනක්‌ තබන්නට ඉකුත් සතියේ අපි කටයුතු කළෙමු.

සම්පූර්ණ ලිපිය කියවන්න LIKE කරන්න

නමුත් අපේ මේ සටහනත් සමග සුවිශේෂී වූ තරුණයන් දෙදෙනෙක්‌ පසුගියදා "දිවයින" කාර්යාලයට පැමිණියේය. ඒ අන් කිසිවකුත් නොව ලොකු සීයාගේ පුතුන් දෙදෙනා වූ පොඩි සීයා සහ චූටි සීයා ය. එසේ පැමිණි ඔවුන්, මරා දැමූ තමන්ගේ තාත්තා පිළිබඳ ලෝකයටම ඇසෙන සේ කියන්නට කතාවක්‌ තමන්ට ඇතැයි හැඟුම්බර ලෙස අපට කීවේය.


පුතෙකුට රටක්‌ වටින තමන්ගේ තාත්තා වෙනුවෙන් කතා කරන්නට උරුමයක්‌ ඇත. අප ඊට ගරු කළ යුතුය. එහෙයින් පොඩි සීයාටත් චූටි සීයාටත් ඒ කතාව කියන්නට අපි ඉඩක්‌ ලබා දුනිමු. එහිදී ඔවුන් සියල්ල කියන්නට වූයේ මෙසේය.

ඔබ පොඩි සීයා. මම හරිද?

ඔව්. මමයි පොඩි සීයා. දැන් රාගම දේවාලේ ප්‍රධාන කපු මහතා විදිහට වැඩ කරන්නේ මම.

පොඩි සීයා කියන්නේ අන්වර්ථ නමක්‌නේ. නියම නම මොකක්‌ද?

ගුප්ත ශාස්‌ත්‍ර විද්‍යා විශාරද දේවාශීර්වාද චින්තාමනී එම්. එන්. එම්. හිසාන්.

නමට ඉදිරියෙන් තියෙන්නේ ගෞරව නාමයක්‌ද?

ඔව්.

කවුද දුන්නේ?

මහාචාර්ය විජිත වල්පොල මහතා වසර තුනක්‌ අපේ ශාස්‌ත්‍ර වැඩ ගැන විමර්ශනයක්‌ කරලා කරපු නිර්දේශයකට අනුව මල්වතු අස්‌ගිරි මහනාහිමිවරුන්ගේ අනුමැතිය ඇතිවයි ඒ ගෞරව නාමය මට ලැබුණේ. ඒක තාත්තටත් ලැබිලා තිබුණා.

ඔබ පොඩි සීයා. එතකොට ඔබ සමග මේ ඇවිත් ඉන්නේ කවුද?

ඒ චූටි සීයා. මගේ මල්ලි. අද රාගම දේවාලේ සහායක කපු මහතා ලෙස වැඩකරන්නේ ඔහු.

ඔබයි මල්ලියි දෙන්නම තරුණයෝ. කොහොමද සීයලා වුණේ?

ඝාතනය කරන්න කලින් අපේ තාත්තා තමයි රාගම දේවාලේ ප්‍රධාන කපු මහත්තයා වෙලා හිටියේ. තාත්තට කිව්වේ ලොකු සීයා කියලා. මම තාත්තගේ උදව්වට දේවාලේ වැඩ කළා. ඉතිං මට පොඩි සීයා කිව්වා. පස්‌සේ කාලෙක මල්ලිත් දේවාලේ වැඩට ආවා. එයා චූටි සීයා වුණා.

තාත්තගේ නම?

මොහොමඩ් සාලි මොහොමඩ් නියාස්‌.

ගම කොහෙද රාගමද?

නැහැ. තාත්තා ඉපදිලා තියෙන්නේ ගාල්ලේ. උපන් දිනේ 1954 - 11- 20. තාත්තගේ අම්මා ඒ කියන්නේ අපේ ආච්චිගේ නම සිත්ති µdතිමා. සීයා අහමඩ් කාසිම් මොහොමඩ් සාලි.

ගාල්ලේ ඉපදුණු මොහොමඩ් නියාස්‌ කොහොමද ලොකු සීයා වුණේ?

ඒක දිග කතාවක්‌. අපේ තාත්තා තරුණ කාලේ සුළු ව්‍යාපාරිකයෙක්‌. එයා "මී කතුරු" වගේ යකඩවලින් කරන සුළු භාණ්‌ඩ නිෂ්පාදනය කරලා අලෙවි කළා. ඒ මුල්ම දවස්‌වල ගාල්ලේ ඉඳන් කොළඹ ඇවිත් තාත්තා නතර වෙලා තියෙන්නේ මාබෝලේ තිබුණ සහෝදරියකගේ නිවසේ.

එහෙම ඉන්න අතරේ ව්‍යාපාරවල පහසුවට අංගොඩ පැත්තේ ගෙයක්‌ කුලියට අරගෙන ගිහින් තියෙනවා. එහෙදී තමයි තාත්තට අපේ අම්මව මුණ ගැහෙන්නේ.

ඒක ප්‍රේම සම්බන්ධයක්‌ද?

ඔව්. අම්මගේ නම කළුතර ගෙදර චාන්දනී රූපිකා. ඇය සිංහල බෞද්ධ කාන්තාවක්‌. ඒ ප්‍රේම සම්බන්ධයත් එක්‌ක මොහොමඩ් නියාස්‌ රූපිකාව විවාහ කර ගත්තා. විවාහයෙන් පස්‌සේ අම්මයි තාත්තයි පදිංචි වෙලා තියෙන්නේ අංගොඩ නාගහවෙල ගමේ පොල්අතු ගෙයක්‌ කුලියට අරගෙන. ඒ ගෙදරදී තමයි පවුලේ වැඩිමලා විදිහට මම ඉපදුණේ.

මම ඉපදෙන්න මාස තුනකට විතර ඉස්‌සර එක පාරටම අපේ තාත්තා ප්‍රේත දොaෂයක්‌ නිසා රෝගී වෙලා තියෙනවා. ඒ එයා එක්‌කම ව්‍යාපාරවල යෙදුණ මිත්‍රයෙක්‌ කරපු කොඩිවිණයක්‌ නිසා. තාත්තගේ මේ රෝගී තත්ත්වයට ප්‍රතිකාර කරන්න අම්මා එයාව අරගෙන ගියේ ගල්කිස්‌ස ප්‍රදේශයේ ගුරුකම් ශාස්‌ත්‍රයෙන් වැඩ කරපු ස්‌වාමින් වහන්සේ නමක්‌ ළඟට.

එදා තාත්තව ස්‌වාමින්වහන්සේ ළඟට අරගෙන යන අවස්‌ථාවේ උන්වහන්සේ මාතර ප්‍රදේශයේ නිවසක වැඩකට යන්න සූදානමින් ඉඳලා තියෙන්නේ. ඒත් අම්මා තාත්තව අරගෙන ආපු නිසා මොකුත් නොකර යන්න බැරිකමට උන්වහන්සේ ඒ වෙලාවේ මනන්තර වගයක්‌ කියමින් මළගිය ආත්මයක්‌ කැඳවලා තාත්තගේ ශරීරයට බන්ධනය කරලා අම්මට කියලා තියෙනවා "මම දින තුනකින් නැවත විහාරස්‌ථානයට එනවා. ඒ ඇවිත් අවශ්‍ය වැඩ කර දෙන්නම් දැනට ලෙඩා අරගෙන ගිහින් දවස්‌ තුනකින් එන්න" කියලා.

ස්‌වාමින් වහන්සේ එහෙම කිව්ව නිසා අම්මා තාත්තව ගෙදරට අරගෙන ආවා. ඒ දවස්‌ තුනකින් යන්න හිතාගෙන. නමුත්a අර ස්‌වාමින් වහන්සේට ආයෙත් විහාරයට එන්න ලැබුණේ නැහැ. උන්වහන්සේ මාතර වැඩේ අවසන් කරලා නැවත එන අතරමග බෙන්තර පාලම ළඟදී හදිසි අනතුරකින් අපවත් වුණා.

උන් වහන්සේ එදා අපේ තාත්තගේ ශරීරයට බන්ධනය කරලා තිබුණේ අප්පුහාමි සීයා කියලා මීට අවුරුදු තුන්සියකට පමණ ඉස්‌සර මාතර ප්‍රදේශයේ ප්‍රකටව සිටි බව කියන අතිශූර ගුරුකම් ශාස්‌ත්‍රකරුවකුගේ බොහෝම බලගතු ආත්මයක්‌.

ස්‌වාමින් වහන්සේ අපවත් වුණා. තාත්තට බන්ධනය කරපු අප්පුහාමි සීයගේ ආත්මය එයාගේ ශරීරයෙන් ඉවත් කරන්න කාටවත් බැරි වුණා. ඒත් අප්පුහාමි සීයගේ ආත්මයෙන් තාත්තට කරදරයක්‌ වුණේ නැහැ. ඒක තාත්තට ආශීර්වාදයක්‌ වෙලා හැසිරෙන්න ගත්තා. පස්‌සෙ කාලෙක තාත්තා ගුරුකම් ශාස්‌ත්‍රයෙන් හැම වැඩක්‌ම කළේ අර ස්‌වාමින් වහන්සේ එයාගේ ශරීරයට බන්ධනය කරපු අප්පුහාමි සීයගේ ආත්මයේ බලයෙන්. ඔන්න ඔය නිසා තමයි රාගම දේවාලේ මොහොමඩ් නියාස්‌ ලොකු සීයා වුණේ.

ඒ කියන්නේ අප්පුහාමි සීයගේ ආත්මය මොහොමඩ් නියාස්‌ව ලොකු සීයා බවට පරිවර්තනය කළා?

ඔව්. ඒක තමයි සත්‍යය. තාත්තා ගුරුකම් වැඩ කළේ අප්පුහාමි සීයගේ ආත්මයේ බලයෙන්

ඒක ඔප්පු කරන්න ඔබට තියෙන සාධක මොනවද?

අපේ තාත්තා අප්පුහාමි සීයගේ ආත්මයේ බලයෙන් කරපු ගුරුකම්වලින් මේ රටේ මිනිස්‌සුන්ට සෑහෙන වැඩ කොටසක්‌ කර දීලා තියෙනවා. ඒ නැතත් ඕනම කෙනෙකුට පුළුවන් මම කියන අතීතයේ ස්‌වාමින් වහන්සේ නමක්‌ ගල්කිස්‌ස ප්‍රදේශයේ ගුරුකම් ශාස්‌ත්‍ර වැඩ කළාද? උන් වහන්සේ බෙන්තර පාලම ළඟදී සිදුවූ අනතුරකින් අපවත් වුණාද? කියලා සොයා බලන්න.

ඔබේ තාත්තා නැතිනම් ලොකු සීයා ආරම්භයේ සිටම වැඩ කළේ රාගම දේවාලෙද?

නැහැ. අප්පුහාමි සීයගේ ආත්මයේ බලය තාත්තට ලැබුණට පස්‌සේ එයා මුලින්ම අංගොඩ ප්‍රදේශයේ ජනතාවට නොමිලේම විවිධ වැඩ කර දීලා තියෙනවා. මේ කාලේ තාත්තයි අම්මයි ගත කරලා තියෙන්නේ බොහොම දුප්පත් දුෂ්කර ජීවිතයක්‌. මේ නිසාම පස්‌සේ කාලෙක තාත්තා තීරණය කරලා තියෙනවා වැඩ කරගන්න තමන් ළඟට එන ජනතාවගෙන් සුළු මුදලක්‌ අය කරන්න.

එතකොට අංගොඩ හිටිය ලොකු සීයා රාගම දේවාලෙට ආවේ කොහොමද?

මුල් කාලේ ඉඳන්ම අප්පුහාමි සීයගේ ආත්මයේ බලයෙන් තාත්තා කරපු ගුරුකම් වැඩ ඉතාම සාර්ථක වුණා. ඒකෙන් තාත්තට ලොකු ප්‍රසිද්ධියක්‌ ලැබුණා. ඒ නිසාම තාත්තගේ ආර්ථික ශක්‌තියත් ඉහළ ගියා. මේ ගුරුකම් වැඩ කරනකොට වතුර බැස යන තැනක ආසන්නයේ තියෙන භූමියක ඉඳන් වැඩ කරන එක ගුරුකම් ශාස්‌ත්‍රයට අනුව වැදගත් වෙනවා.

මෙන්න මේ නිසා තාත්තා අංගොඩ ප්‍රදේශයේ වැඩ කරන අතරේ ඒ වගේ ඉඩමක්‌ ගන්න හොයලා තියෙනවා. ඒ අනුව තමයි රාගම ප්‍රදේශයේ පර්චස්‌ විස්‌සක බිම් කොටසක්‌ තාත්තා මිලට අරගෙන තියෙන්නේ. රාගම දේවාලේ බිහි වෙන්නේත් ලොකු සීයා රාගමට එන්නේත් ඒ විදිහට.

රාගම දේවාලේ ලොකු සීයා කෝටිපතියෙක්‌ වුණේ කොහොමද?

රාගම දේවාලේ හදපු කාලේ ගුරුකම් වැඩ නිසා තාත්තට විශාල ප්‍රසිද්ධියක්‌ ලැබිලා තිබුණේ ඒ අතරේ එක්‌තරා විශේෂ දෙයක්‌ සිද්ධ වුණා. තාත්තට අවස්‌ථාවක්‌ ලැබුණා එක්‌සත් අරාබි එමීර් රාජ්‍යයේ ෂෙයික්‌ රජතුමාට සහ පවුලට කරල තිබුණු කොඩිවිණයක්‌ ඉවත් කරන්න. දිවංගත විජය කුමාරතුංග මහතාගේ අක්‌කගේ දුවගේ මහත්තයා ටෝනි ඇන්ඩෲස්‌ වැඩ කළේ ෂෙයික්‌ ළඟ.

ඔහු මගින් තමයි තාත්තට ඒ අවස්‌ථාව ලැබුණෙ. තාත්තා ගැන ඇන්ඩෲ මහත්තයගෙන් දැනගෙන ෂෙයික්‌ ලංකාවට ආවා. ඔහුගේ ගැටලුව තාත්තට කිව්වා. තාත්තට පුළුවන් වුණා දවස්‌ තුනෙන් ඒක විසඳලා පසුව එමීර් රාජ්‍යයට ගිහින් රජ පවුලට කරලා තිබුණු කොඩිවිණය ඉවත් කරන්න. මේ සිද්ධිය නිසා ෂෙයික්‌ රජතුමා පස්‌සේ තාත්තටයි අපේ පවුලටයි විශාල වශයෙන් උපකාර කළා.

සල්ලි, නිවාස යාන වාහන විතරක්‌ නෙමේ අපට අවශ්‍ය හැම දෙයක්‌ම ෂෙයික්‌ රජ පවුලෙන් තෑගි ලැබුණා.

ඒ කියන්නේ ෂෙයික්‌ රජ පවුලේ සල්ලිවලින් තමයි ලොකු සීයා කෝටිපතියෙක්‌ වුණේ?

නැහැ. ඒ විතරක්‌ නෙමෙයි. ගුරුකම් ශාස්‌ත්‍රය තුළින් තාත්ත දක්‌වපු දක්‍ෂතා නිසා එයාට විශාල ආදායමක්‌ ලැබුණා. මේ රටේ සමහර මැති ඇමැතිවරුන්ගේ පටන් ධනවත් ප්‍රභූවරුන්ගේ වැඩ විශාල ප්‍රමාණයක්‌ තාත්තා කරලා දුන්නා. ඒ වැඩවලට තාත්තා ලක්‍ෂ ගණනින් මුදල් අය කළා. මෙතනදී තවත් දෙය කිව යුතුයි. තාත්තා වැඩවලට ධනවතුන්ගෙන් මුදල් ගත්තට කවදාවත් නැති බැරි කෙනෙක්‌ගෙන් සත පහක්‌ ගත්තේ නැහැ. අතින් වියදම් කරලා දුප්පත් මිනිස්‌සුන්ගේ වැඩ කළා.

ධනවත් ප්‍රභූන්ගේ වැඩ කරලා සාර්ථක වුණහම ඔවුන් තාත්තට තවත් විශාල වශයෙන් මුදල් පරිත්‍යාග කළා, දේවාලේ දියුණු කරන්න කියලා. රාගම දේවාලේ පොඩි සීයා විදිහට තාත්තත් එක්‌ක වැඩ කරපු මම ඒවා හොඳින්ම දන්නවා.

ඔබ දැනගෙන හිටියට මදිනේ ඔප්පු කරන්න පුළුවන්ද?

ඔව්. තාත්තා කරන ගුරුකම් වැඩවලට මුදල් ගැනීම ආරම්භ කළේ ශත 10 සිට. ශත 10 පසුව රුපියල වුණා. රුපියල රුපියල් දෙක කළා. රුපියල් දෙක දහය වුණා. දහය විසිඑක බවට පත් වුණා. මට මතක ඇති කාලේ තිබුණේ රුපියල් 21 ක්‌. එතැන ඉඳන් ඒ මුදල රුපියල් 51, 101, 221 බවට පරිවර්තනය වෙලා අන්තිමට 1101 කළා.

මේ මුදල් අය කෙරුණේ වැඩක්‌ කර ගන්න එන කෙනෙක්‌ තාත්තා හමුවෙලා සාක්‌ච්ඡා කරනවට. වැඩේ කරන අවස්‌ථාවේ කරන වැඩේ හැටියට මුදල් අය කළා. මම කිව්වනේ කරන දේවල් හරි ගියහම තාත්තට පරිත්‍යාගත් ලැබුණා. තාත්තා මේ හැම ශතයක්‌ පිළිබඳවම පොත්පත්වල සටහන් තැබුවා. වසර තිස්‌හයක්‌ පුරා හම්බ කරපු හැම ශතයක්‌ ගැනම සටහන් ඒ පොත්වල තියෙනවා. ඒක කෝටි ගණනක මුදලක්‌. මේ තියෙන්නේ ඒ පොත්පත්. (පොඩි සීයාත් චූටි සීයාත් විශාල බ්‍රිµa කේසයක්‌ පුරවා රැගෙනවිත් තිබූ පොත්පත් රැසක්‌ අපට පෙන්වා සිටින්නට විය)

ඔබ කියන්නේ ලොකු සීයා සහ පවුලේ අය සුඛෝපභෝගී ජීවිත ගත කළේ මොහොමඩ් නියාස්‌ රාගම දේවාලේ කපු මහත්තයා ලෙස කරපු වැඩවලින් කියලද?

පැහැදිලිවම ඔව්. අපේ තාත්තා අප්පුහාමි සීයගේ ආත්මයත් එක්‌ක ගුරුකම් ශාස්‌ත්‍රය අතින් ඉතාම ඉහළට ගියා. ඔහු අති දක්‍ෂ ලෙස විශාල වැඩකොටසක්‌ කළා. කාලයත් සමග අප්පුහාමි සීයගේ විතරක්‌ නෙමේ තවත් ආත්ම ගණනාවක ශක්‌තිය තමන්ගේ වැඩවලට එක්‌කර ගන්න තාත්තට පුළුවන් වුණා.

එහෙනම් ඇයි ලොකු සීයා මත්කුඩු ජාවාරම් කාරයෙක්‌ කියලා සමාජය චෝදනා කරන්නේ?

අපේ තාත්තා මත්කුඩු ජාවාරම් කාරයෙක්‌වත් පාතාලයෙක්‌වත් නෙවෙයි. කවුද එහෙම චෝදනා කරන අය.

සමහරු ලොකු සීයට එහෙම චෝදනා කරනවා. ඒ ඇයි?

ඔය චෝදනා කරන අයගෙන් අපි අහන්නේ එකම එක දෙයයි. ඒ අපේ තාත්තා කුඩු කාරයෙක්‌ කියලා ඔප්පු කරන්න පුළුවන්ද කියලා. අපේ තාත්තට කිසිම පොලිසියක මත් කුඩු චෝදනාවක්‌ නැහැ. මත් කුඩු සම්බන්ධයෙන් ඔහුව කිසිම පොලිසියකින් අත්අඩංගුවට අරගෙන නැහැ. කිසිම අධිකරණයක නඩුවක්‌ නැහැ.

නමුත් ඒ වගේ චෝදනා එල්ල වෙන්න හේතුව අපි දන්නවා. ඒක ඔප්පු කරන්න අපි ළඟ සාක්‍ෂිත් තියෙනවා. රාගම දේවාලයේ ආරම්භයේ ඉඳන්ම තාත්තගෙන් පිහිට ලබා ගත්තු අය ඉල්ලීමක්‌ කළා දෙවියන්ට ස්‌තුති කරන්න වාර්ෂිකව උත්සවයක්‌ පවත්වන්න කියලා. ඒක තාත්තට පිහිට වෙච්ච අප්පුහාමි සීයත් කරපු දැනුම් දීමක්‌.

ඒ නිසාම තාත්තා රාගම දේවාලයේ වාර්ෂිකව උත්සවයක්‌ පැවැත්වුවා. දේවාලයේ කටයුතු දියුණු වෙනකොට ඒ උත්සවය වාර්ෂික පෙරහැරක්‌ දක්‌වා ඉදිරියට ආවා. මේ පෙරහැර තාත්තා මුල් කාලේ පටන් ගත්තේ නැටුම් කණ්‌ඩායම් කිහිපයක්‌ විතරක්‌ යොදාගෙන. නමුත් අන්තිම කාලේ වෙනකොට තාත්තට පුළුවන් වුණා, අලි ඇතුන් හතළිහක්‌ විතර ගමන් කරන දර්ශනීය පෙරහැරක්‌ බවට දේවාල පෙරහැර දියුණු කරන්න.

මේ අන්තිම වකවානුව වෙනකොට තාත්තා ගමන් බිමන් ගියේ අලුත්ම ප්‍රාඩෝ ජීප් රථයකින්. ඒ කාලේ මගේ මල්ලි චූටි සීයත් දේවාලේ වැඩවලට සම්බන්ධ වෙලා හිටියේ. අපි දෙන්න ගමන් බිමන් ගියෙත් අලුත්ම සුඛෝපභෝගී රථවලින්. ඒ වගේම තමයි දේවාලෙන් ලැබෙන ආදායමෙන් තාත්තා ගමේ විතරක්‌ නෙමෙයි හුඟක්‌ මිනිස්‌සුන්ට විශාල වශයෙන් ආධාර උපකාරත් කළා. පෙරහැර දවසට තාත්තා ගමේ දුප්පත් මිනිස්‌සු හයදාහකට විතර වියළි ආහාර බෙදුවා. පෙරහැර බලන්න එන ජනතාවට කිසිම අඩුවක්‌ නොකර විශාල වියදමක්‌ කරලා කන්න බොන්න දුන්නා.

මේ දේවල් වෙනකොට රාගම ප්‍රදේශයේම තියෙන එක්‌තරා විහාරයක ස්‌වාමින් වහන්සේ නමක්‌ තාත්තට විරුද්ධව නොයෙක්‌ දේ කරන්න ගත්තා. රාගම තිබෙන අනෙක්‌ හැම විහාරයකම නාහිමිවරුන් තාත්ත කරන වැඩවලට ආශිර්වාද කළා. නමුත් එක ස්‌වාමින් වහන්සේ නමක්‌ විරුද්ධ වුණා. උන් වහන්සේ දේවාලේ පෙරහර නවත්තන්න විශාල වශයෙන් විරුද්ධව වැඩ කළා.

පෙරහැරට ගේන අලි ඇතුන්ට වහ දෙන්න හැදුවා. එක්‌ අවස්‌ථාවක කවුද කෙනෙක්‌ පෙරහැරේ ගිය අලියෙක්‌ ළඟට රතිඤ්ඤයක්‌ දාලා අලියා කුලප්පු වෙලා පෙරහර බලන්න ඇවිත් හිටිය හමුදා බ්‍රිගේඩියර්වරයකුගේ බිරිඳක්‌ මරණයට පවා පත් වුණා. මේ ස්‌වාමින් වහන්සේ පෙරහර නවත්වන්න රටේ දේශපාලන වශයෙන් ඉහළ තැන්වලට තාත්තට විරුද්ධව පෙත්සම් යෑව්වා. ඒ පෙත්සම්වල තාත්තා කුඩු ජාවාරම්කාරයෙක්‌ කියලා සඳහන් කළා.

ඔය ස්‌වාමින් වහන්සේ තමයි අපේ තාත්තා කුඩු ජාවාරම්කාරයෙක්‌ කියලා කතාව හැදුවේ. දේවාලෙට ගියොත් ගමේ මිනිස්‌සුන්ගේ මළ ගෙදරක පාංශකූලෙටවත් වඩින්නේ නැහැ කියලා මිනිස්‌සු අසරණ කරලා තමන්ගේ දායක සභාවේ අයත් නොමඟ යවලා ඒ ස්‌වාමින් වහන්සේ තමයි අපේ තාත්තා කුඩු ජාවාරම්කාරයෙක්‌ කියලා ප්‍රචාරය කළේ. මේ වැඩවලදී උන්වහන්සේට ප්‍රදේශයේ එක්‌තරා ප්‍රබල දේශපාලනඥයකුගේ සහයෝගයත් ලැබිලා තිබුණා.

දේශපාලනඥයෙක්‌ ලොකු සීයට විරුද්ධ වුණේ ඇයි?

තාත්තා ගුරුකම් ශාස්‌ත්‍රයෙන් කරපු වැඩ නිසා සමාජයේ ඉහළම තැන් ස්‌පර්ශ කරන ධනවතුන් ඇතුළත් ශක්‌තිමත් විශාල ජාලයක්‌ ඔහු වටා ගොඩ නැගිලා තිබුණා. ඒ වගේම තාත්තා ජනතාවට කරපු උදව් උපකාර නිසා ගමේ විතරක්‌ නෙමෙයි අවට ප්‍රදේශත් නියෝජනය වන සේ විශාල මිනිස්‌ පවුරක්‌ ලොකු සීයා වටේ තිබුණා. ඒ දේවල් පෙන්නලා විරුද්ධකම් කරපු ස්‌වාමින් වහන්සේ තාත්තා දේශපාලනයට එයි කියලා අර දේශපාලනඥයව නොමග ඇරියා. ඔහු තාත්තට එරෙහි වුණේ ඒ නිසයි. තාත්තා මිනිස්‌සුන්ට පිහිට වෙච්ච ආකාරයට, කරපු සමාජ සේවයට ඔහු බය වුණා.

තාත්තට දේශපාලන සබඳතා තිබුණනේ. ඒ සබඳතා අතර කුඩු ජාවාරම වගේ දුරාචාරයන්වලට සම්බන්ධ බවට ප්‍රසිද්ධ දේශපාලනඥයොත් හිටියා නේද?

ඔව්. අපේ තාත්තට දේශපාලන සබඳතා තිබුණා. හැබැයි ඒ හැම එකක්‌ම ඇති වුණේ දේශපාලනඥයෝ තාත්තගෙන් වැඩ කර ගන්න ආපු නිසා. සමහර දේහපාලනඥයන් තමන්ගේ ප්‍රශ්න කියාගෙන තාත්තා ළඟට ඇවිත් හඬා වැළපුණු අවස්‌ථා අනන්තයි අප්‍රමාණයි. එහෙම තමන් ළඟට වැඩ කර ගන්න ආපු කිසිම දේශපාලනඥයෙක්‌ සුදුද කළුද කියලා තාත්තා හෙව්වේ නැහැ. තරාතිරම බලන්නේ නැතුව ඒ හැමෝටම පිහිට වුණා.

ඔය විදිහට ලොකු සීයාගේ පිහිට හොයාගෙන කුඩු ජාවාරම කළ පාතාල මැරයොත් එන්න ඇති නේද?

මෙහෙමයි. අපේ තාත්තා ළඟට කවුරු ආවත් ඒ කවුද කරන්නේ මොනවද කියලා තාත්තා හොයන්න ගියේ නැහැ. එන කෙනා සිංහලද, දෙමළද, මුස්‌ලිම්ද ඔවුන්ගේ කුලය, බලය මොකක්‌ද ආවේ පාතාලයේ කෙනෙක්‌ද කුඩු ජාවාරම කරනවද කියලා හෙව්වේ නැහැ. තාත්තා කළේ දේවාලෙට කවුරු ආවත් ඔවුන් සොයාගෙන ආ පිහිට ලබා දෙන එක විතරයි.

ඔබේ තාත්තා මුස්‌ලිම් භක්‌තිකයෙක්‌. ඒත් ඇයි දේවාලයක්‌ කරගෙන යමින් හින්දු භක්‌තිකයෙක්‌ විදිහට පෙනී සිටියේ?

දේවාලයක ප්‍රධාන කපු මහතා වුණා කියලා මගේ තාත්තා හින්දු භක්‌තිකයෙක්‌ වුණේ නැහැ. ඔහු කළේ අප්පුහාමි සීයගේ ආත්මයේ ශක්‌තියෙන් ජනතාවට පිහිට වුණු එක. කෙටියෙන්ම කිව්වොත් තාත්තා රාගම දේවාලෙට ගියහම එතන හිටියේ මොහොමඩ් නියාස්‌ නෙවෙයි. අප්පුහාමි සීයා. දේවාලෙදී තාත්තගෙ ස්‌වරූපය විතරක්‌ නෙමේ කටහඬ පවා වෙනස්‌ වෙනවා.

අනිත් වෙලාවට තාත්තා තමන්ගේ ආගමට ගරු කළා. අල් කුරානයට ගරු කළා. පල්ලි ගියා. ඒ දේවල් මගහැරියේ නැහැ. තාත්තා හොඳ ඉස්‌ලාම් භක්‌තිකයෙක්‌.

ලොකු සීයා ඝාතනය කෙරෙන්නේ මේ රටේ කුඩු ජාවාරමේ යෙදුණු පාතාල ප්‍රබලයන් අතරේ බිහිසුණු සටනක්‌ ඇරඹී තිබියදී නේ. මම නිවැරදිද.රෑ

ඔව්. 2011 තාත්තා ඝාතනය කෙරෙද්දී ඒ වගේ වාතාවරණයක්‌ රට තුළ තිබුණා. ඒත් අපේ තාත්තා කුඩු ජාවාරම්කාරයෙක්‌වත් පාතාල අපරාධකාරයෙක්‌වත් නෙමෙයි. එහෙම තැනක තාත්තා ගෑවිලාවත් හිටියා නම් ඔහුව ඝාතනය කළේ කවුද කියන ප්‍රශ්නයට උත්තර හොයන්න අපි ඉදිරියට එන්නේ නැහැ. එහෙම වුණා නම් අපිත් හැංගිලා ජීවත් වෙනවා.

එහෙනම් ලොකුසීයා කොහොමද ඒ රැල්ලේ ගොදුරක්‌ විදහට ඝාතනය වුණේ?

ඒක කොහොම වුණාද කියන්න අපි දන්නේ නැහැ. නමුත් කාගෙ හරි කුමන්ත්‍රණයකට ඒ දේ වුණා කියන සැකය අපිට තියෙනවා. ඒ කුමන්ත්‍රණය පිටුපස අපි මුලින් කියපු රාගම ප්‍රදේශයේ ස්‌වාමින් වහන්සේ සහ දේශපාලනඥයා ඉන්නවා වෙන්නත් පුළුවන්. තාත්තගේ ඝාතනය සම්බනAධයෙන් වැදගත් සහ තාත්තා පාතාලයෙක්‌වත් කුඩුකාරයෙක්‌වත් නොවන බව ඔප්පු කරන්න අවශ්‍ය ලිත සාධක රැසක්‌ අපි රහස්‌ පොලිසියට භාර දීලා තියෙනවා. ඒ මහත්තුරු අවශ්‍ය දේ කරයි.

ඒ වගේම රාගම දේවාලය කියන්නේ මහා බලගතු තැනක්‌. ඒකයි තාත්තගේ මළ සිරුර මුහුදේ ගිල්ලලවත් හංගන්න බැරි වුණේ. ඒක සිද්ධ වුණා වගේම අපිට විශ්වාසයි රාගම දේවාලයේ අනුහසින් තාත්තා මරපු ඝාතකයනුත් කවදා හරි අනාවරණය වෙයි.

සමන් ගමගේ
 (divaina.com)

Menaka Peris is going to marry soon

මේනකා පීරිස්ගේ විවාහය ළඟදීම

ශ්‍රී ලාංකීය ටෙලි නාට්‍ය කලාවේ නවක පරපුරේ නිළියක් වන මේනකා පීරීස්ගේ විවාහය මේ මස අගදී සිදුවන බවට අපවෙත වාර්තා වෙනවා.

මේනකා පීරිස් හිරු ටීවී තුලින් විකාශය වුනු වැහිළිහිණි ටෙලිනාට්‍යයෙන් මෙන්ම මේ දිනවල හිරු ටීවී තුලින් විකාශය වන සබඳ බබානිස් ටෙලි නාට්‍යයෙන් ඔබ හමුවට පැමිණියා.

ඇයගේ පෙම්වතා නෝර්වේ රටේ ජීවත්වන අතර ඔහුගේ නම අමර් වන බවයි හිරු ගොසිප් අපවෙත වාර්තා වුනේ.

එමෙන්ම ඇයගේ විවාහ මේ වනවිට ඉහළින්ම සැමරීමට කටයුතු සූදානම් කරමින් සිටින අතර දෙවන මනමාළියන් හා මනමාළයන්ට සහභාගී වන්නේ ක්ෂේත්‍රයේම අය බවයි වාර්තාවන්නේ.

මේනකා මේ දිනවල ලහි ලහියේම ඇයගේ විවාහ උත්සවයට සූදානම් වන අතර ඒ පිළිබඳව වැඩිදුර විස්තර හිරු ගොසිප් වෙතින් බලාපොරොත්තු වන්න.

Share Image

hirufm.lk

Read More »

Facebook CEO Mark Zuckerberg Wears The Same Clothes

ප්‍රකෝටිපති ෆේස්බුක් නිර්මාතෘවරයාට ඇත්තේ එක ඇඳුමක් පමණක් ද?

ෆේස්බුක් සමාජ ජාල වෙබ් අඩවිය භාවිත කරන්නන් විවිධකාරයේ ඇඳුම් පැළඳුම්වලින් සැරසී ඒ ඔස්සේ  ඡායාරුප පළ කරද්දී එය ලොවට හඳුන්වා දුන් මාර්ක් සකර්බර්ග් නිරන්තරව එක ම ආකරයේ ඇඳුමකින් පමණක් සැරසී සිටින්නේ ඇයි ?  
ලෝක ප්‍රසිද්ධ ෆේස්බුක් වෙබ් අඩවියේ නිර්මාතෘ මාර්ක් සකර්බර් සෑම අවස්ථාවකදී ම අළු පැහැති ටී ෂටයකින් සැරසී සිටින්නේ ඇයි ද? යන්න පසුගිය දා හෙළිදරව් කර  තිබේ.
විදෙස් මාධ්‍ය වාර්තා කර ඇත්තේ, ප්‍රසිද්ධ සැසියකදී අසන ලද පැනයකට පිළිතුරු ලෙස සකර්බර්ග් එම හෙළිදරව්ව සිදු කර ඇති බව ය.
සකර්බර්ග් පවසා ඇත්තේ, කෑම බීම, ඇඳුම් පැළඳුම් ආදි සුළු කාරණා පිළිබඳ සිතමින් ඒ සඳහා කාලය වැය කිරීමට ගිය හොත් එය තම ජීවිතයට අනවශ්‍ය බරක් බව ය.
සිය ජීවිතයේ වටිනා ශක්තිය එවැනි සුළු ඵලදායි නොවන කාරණා වෙනුවෙන් කැප කිරීම නිරර්ථක ක්‍රියාවක් බව ද ඔහු වැඩි දුරට ත් පවසා තිබේ.
කෙසේ වෙතත් තමන්ට ඇත්තේ, ටී – ෂර්ට් එකක් පමණක් නොවන බවත්  එක ම ආකාරයේ ටී- ෂර්ට් රැසක් තමන් සතුව ඇති බව ත් ඔහු එම සැසියේදී පවසා ඇත.
තමන් මේ වන විට ඉතාමත් වාසනාවන්ත තනතුරක කටයුතු කරන බව ත් සරල දිවි පෙවෙතක් ගත කරන තමන් සෑම උදෑසනක ම නැගිට බිලියනයකට වැඩි සිය ග්‍රාහක පිරිසට සේවය කිරීමට සිය ශ්‍රමය වැය කරන බවත් ඔහු පවසා ඇත.
එමෙන් ම ඇඳුම් පැළඳුම් වැනි සුළු එමෙන් ම ඵලදායි නොවන කටයුතු සඳහා ශ්‍රමය වැය කළේ නම් මෙවැනි විශාල කාර්යය භාරයක් සාර්ථකව ඉටු කිරීමට තමන්ට හැකියාවක් නොලැබෙන බවත් ඔහු අවධාරණය කර තිබේ.
2004 වසරේදී ලොවට හඳුන්වා දුන් ෆේස්බුක් වෙබ් අඩවියේ මේ වන විට සේවය ලබා ගන්නා ග්‍රාහක පිරිස මේ  බිලියන 1.3  ඉක්මවති.

---

(newsfirst.lk)

 

Read More »

Balumgala 2014 07 11 Galle Dengue Doctor - Tharanga Kumari

මිනීමරණ වෙද හාමිනේ 

ඩෙංගු වලට බෙහෙත් සොයාගත් බව කියන අම්බලන්ගොඩ තරංගාගේ ඇත්ත දැනගන්න අද බැලුම්ගල අහන්න

 

සම්පූර්ණ කථාව අහන්න LIKE කරන්න

Read More »

Sri Lankan prostitutes in Singapore - Balumgala 2014-10-31

සිංගප්පුරුවට අපේ රටින් ගෙනයන ගණිකාවෝ 

 නීතිවිරෝධී ලෙස සිංගප්පුරුවට ගෙන යන ගණිකාවන් පිළිබද බැලුම්ගල අනාවරණය ගැන දැනගන්න අද බැලුම්ගල අහන්න.

සම්පූර්ණ කථාව අහන්න LIKE කරන්න

Read More »

We Don't Wear No Mini-Skirts in public

කොටට ඇඳගෙන අපි පාරේ යන්නේ නෑ - චුලක්ෂිචුලක්ෂි රණතුංග 

මේ දිනවල හැමෝම අතර කතාබහට ලක්වන ජනප්‍රිය චරිතයක්. ඒ ශ්‍රී ලංකාව නියෝජන කරමින් මිස් වර්ල්ඩ් තරගය සඳහා ඇය සහභාගිවීමට නියමිත නිසා. ඒ නිසාම ඇගේ අලුත් තොරතුරු දැනගන්න චුලක්ෂි එකතු කරගත්තා.

සම්පූර්ණ නම - චුලක්ෂි සෞභාග්‍යා රණතුංග
වයස - අවුරුදු 25
උස - අඩි 5 අඟල් 9
ලග්නය - මේෂ
පාසල - මලියදේව බාලිකා විද්‍යාලය

ඉතින් චුලක්ෂි මේ දවස්වල ගොඩක් කාර්යබහුල ඇති නේද?
ඔව්. ලන්ඩ්න්වල පැවැත්වෙන මිස්වර්ලඩ් තරගයට සූදානම් වෙන නිසා ගොඩක් කාර්යබහුල වෙලා තියෙන්නේ.

මිස් ශ්‍රී ලංකා ලෙස තේරී පත්වෙන්නේ ලංකවේ ඉන්න ලස්සනම බුද්ධිමත් කෙනාද?
ලස්සන තිබුණත් ගොඩක් අය බුද්ධිමත්නෑ. ඒ දෙකම තිබුණත් සමහර අයට හොඳ පෞරුෂත්වයක් නෑ. ලස්සන බුද්ධිය වගේම හොඳ පෞරුෂයක් තියෙන කෙනා තමයි මිස් ශ්‍රී ලංකා ලෙස තේරී පත්වෙන්නේ.

ලංකාවේ ඉන්න ඕනම තරුණියකට මිස් ශ්‍රී ලංකා තරගයට ඉදිරිපත් වෙන්න අවස්ථාව තියෙනවද?
ඔව්. වයස වගේම තමන් ලස්සන වගේම හොඳ පෞරුෂත්වයක් හා බුද්ධිමත් නම් තමන්ට මේ තරගයට ඉදිරිපත් වෙන්න පුළුවන්.

සම්පූර්ණ ලිපිය කියවන්න LIKE කරන්න

ඇ`ග නිරාවරණය වන ලෙස ඇඳුම් අඳින එක සංස්කෘතියට ගැළපෙනවා කියලද හිතන්නේ?
ඕනම කෙනකුට එළියෙන් ඉඳන් කියන්න පුළුවන් මේ ඇඳුම ඇන්දහම මේ අය හොඳ නෑ කියලා. තරගෙට ඇ`ග නිරාවරණය වන ඇඳුම් ඇන්දම අපි ඒවා පාරේ ඇඳන් යන්නේ නෑ. ඒ නිසා ඇඳුමෙන් පැලඳුමෙන් මිනිසුන්ව මනින්න හොඳ නෑ. ඕනම කෙනකුට විවිධ මත කියන්න පුළුවන්. ඒත් ඒ හැම මතයක්ම ඇත්ත වෙන්නෙ නෑ.

රූ රැජිනන්ට ධනවතුන්ගෙන් විවාහ යෝජනා ලැඛෙනවා කියන කතාව ඇත්තද?
මට නම් එහෙම යෝජනා ලැබිලා නෑ. ඒ නිසා ඒ ගැන කියන්න මට අත්දැකීමක් නෑ.

රංගනයට නිවේදනයට ආරාධනා ලැබුණේ නැද්ද?
තාම ආරාධනා ලැබුණේ නෑ.

ආරාධනා ලැබුණොත් භාරගන්නවද?
ඔව්. හොඳ නිර්මාණයක් ලැබුණොත් භාරගන්නවා.

නිරූපණ ක්ෂේත්‍රයට සම්බන්ධ වෙන්න අවස්ථාව ලැඛෙන්නේ කොහොමද?
රොසෑන් ඩයස් මහත්මිය යටතේ තමයි මම නිරූපණය හදාරන්නෙ. මේ නිරූපණයට කැමැති නිසා තමයි ක්ෂේත්‍රයට සම්බන්ධ වෙන්නේ. මේ දවස්වල බ්‍රයන් කර්කර්වන් මහතා යටතේ නිරූපණයට සම්බන්ධ වෙලා ඉන්නවා.

නිරූපණ ක්ෂේත්‍රයට සමාජයෙන් තියෙන්නේ යහපත් ප්‍රතිචාරයක් නොවෙයි නේද?
වතුරට බහින්නැතුව ඕනම කෙනකුට කියන්න පුළුවන් සීතලයි ගැඹුරුයි කියලා. නිරූපණ ක්ෂේත්‍රයේ ඉන්න අය කවදාවත් කියන්නේ නෑ මේ ක්ෂේත්‍රය හොඳ නෑ කියලා. නිරූපණ ක්ෂේත්‍රයේ හොඳ නෑකියන්නේ පිට ඉඳන් බලන් ඉන්න අය.

චුලක්ෂි කාවහරි අනුකරණය කරනවද?
මම කාවවත් අනුකරණය කරන්නේ නෑ. අනුගමනය කරනවා. ලංකාවේ වගේම ලෝකේ ඉන්න ගොඩක් ප්‍රවීණයන්ගේ හොඳ දේවල් මගේ ජීවිතයට උකහා ගන්නවා.

ජීවිතේ ආපසස්ට හැරිලා බලද්දී කලකිරුණ අවස්ථා තියෙනවද?
එහෙම විශේෂ අවස්ථා නෑ. ගොඩක් වෙලාවට මම ජීවිතේ සරලව සතුටින් ගත කරන කෙනෙක්.

‍පොඩි කා‍ලේ ඉඳන් හීන මැව්වේ ?
පැසිපන්දු ක්‍රීඩිකාවක් වෙන්න.

ඒ හීනේ හීනයක්ම වුණාද?
මම පාසල් යන කා‍ලේ පැසිපන්දු ක්‍රීඩාවට ගොඩක් ආදරය කළා. ඒ නිසා පැසිපන්දු ක්‍රීඩිකාවක් ලෙස කටයුතු කළා. ඒත් ගෙදරින් කැමැති වුණේ නෑ දිගටම මම පැසිපන්දු ක්‍රීඩා කරනවට.

දුකක් නැද්ද තමන් කැමැති දේ අතහරින්න වුණාට?
මුල් දවස්වල නම් ගොඩක් දුක් වුණා. ඒත් දැන් ලොකු දුකක් නෑ.

ආදරය ගැන මොකද හිතන්නේ ?
ආදරය ගොඩක් සුන්දර දෙයක්.

චුලක්ෂි පෙම්වතියක්ද?
ඔව්. මම පෙම්වතියක්. එයාගේ නම දිලංක. එයා පැසිපන්දු ක්‍රීඩකයෙක්.

දිලංකව මුණගැහෙන්නේ?
පැසිපන්දු ක්‍රීඩා තරගයකදී තමයි මට දිලංකව මුණගැසෙන්නේ.

දිලංකට කැමැති වෙන්න විශේෂ හේතුවක් තිබුණද?
ඔව්. එයා මට ගොඩක් ආදරය කරනවා. ඒ වගේම මම දිලංකව ගොඩක් විශ්වාස කරනවා. ඒ වගේම එයා මාව හොඳට බලාගන්නවා. ඒ නිසා තමයි මම එයාට කැමැති වුණේ.
තිළිණි මධුවන්ති
ඡායාරූපය- චමිල කරුණාරත්න

Read More »