Sunday, May 23, 2010
Saturday, May 22, 2010
දඟකාර අංජු
නවක රංගන ශිල්පීන් අතරින් අංජුලා තරමක් වෙනස්‌ නිළියක්‌ හැටියට හඳුන්වන්න පුළුවන්. ඒ ඇය රඟපාන චරිතවල ඇති දඟකාර බව නිසා. කලා ෙíaත්‍රයට තවමත් නවක ශිල්පිණියක් වුණත් ඇය හැම විටම තමන්ට ලැබෙන ඕනෑම චරිතයක් රඟපාන අයෙක්‌ නොවේ.මීට මාස කිහිපයකට පෙර විකාශය වුණු "කනේරු" ටෙලිනාට්‍යයේ බොහොම අහිංසක ගැහැණු ළමයෙකුගේ චරිතයක් රඟපෑ අංජුලා මේ දිනවල සෙනෙෂ් බණ්‌ඩාර දිසානායකගේ වැහි පබළු සේල ටෙලිනාට්‍යයේ ප්‍රධාන චරිතයට පණ පොවනවා.
දඟකාර චරිතයක් රඟපෑවත් අංජුලාගේ රංගනයේ ඇති සුවිශේaෂීත්වය වන්නේ ස්‌වභාවික ලෙසටම ඇගේ දíතාවන් ඉදිරිපත් කිරීමයි. ඉදිරියේදී විකාශය වීමට නියමිත තවත් ටෙලිනාට්‍ය කිහිපයකටම සම්බන්ධ වී ඇති ඇය රංගන ශිල්පිණියක් හැටියට තරමක් කාර්ය බහුල වෙලා.
Monday, May 17, 2010
තවම කසාදයක් ගැන හිතලා නෑ
සුරූපී බොලිවුඩ් නිළි දීපිකා පදුකෝන් ඇයගේ පැරණි පෙම්වතා වූ රන්බීර් කපූර් හා නැවතත් අලුතින්ම පෙම් පුවතක් ගොඩනගාගැනීමට සූදානමින් සිටින බවට පසුගිය දිනවල ඉන්දියාව පුරා උණුසුම් පුවතක් පැතිරුණි. නමුත් මෑතකදී මාධ්‍යය වෙත අදහස් දක්වමින් දීපිකා සඳහන් කර ඇත්තේ විවාහ වීමේ අදහසක් තවමත් තමා වෙත නොමැති බවය.
"මට තවමත් අවුරුදු 24ක් විතරයි. කවදා, කවුරුන් සමග විවාහ විය යුතුද යන්න තීරණය කිරීමට මට තවමත් බොහෝ කල් තිබෙනවා. එය කවදා සිදුවුවත්, මම එදිනට ඒ ගැන අනිවාර්යෙන්ම ජනතාව වෙත දැනුම් දෙනවා"
පසුගිය දිනෙක පැවති 63 වන කැනාස් ජාත්‍යන්තර සිනමා උළෙලෙට දීපිකා සහභාගි වූයේ රතු පලස මධ්‍යයෙනි. මීට පෙර අවස්ථාවලදී ෙඑශ්වර්යා රායි සහ මල්ලිකා ශරාවත් රතු පලස මතින් කැනාස් සිනමා උළෙල වෙත සහභාගි වුව ද ජනතා ප්‍රසාදය දිනාගැනීමට සමත් නොවූයේ ඔවුන්ගේ එතරම් සිත්කළු නොවූ ඇඳුම් විලාසිතා නිසාය.
නමුත් දීපිකා එහිදී විවේචනයන්ට ලක්ව ඇත්තේ ඉතාමත් අවම වශයෙනි. ඇය රතු පලස මතින් ගමන් කර ඇත්තේ රෝහිත් බාල් විසින් නිර්මාණය කරන ලද සාරි විලාසිතාවකින් සැරසීය.
Sunday, May 9, 2010
උපේඛා නිර්මාණි
වත්මන් සිහින තරුව උපේඛා නිර්මාණි
මියුරු ගීතමය ආශ්වාදයෙන් සුවහසක් ශ්‍රී ලාංකේය ජන හදවත් ප්‍රහර්ෂවත් කළ ඈ දෙරණ ඩ්‍රීම් ස්ටාර් හරහා මෙරට රියැලිටි ප්‍රසංග කලාවට නැවුම් හැඩයක් එක් කළ අපේ කාලයේ තරු කුමරියයි.
තරගකරුවන් හතළිස් එක් දහසක් අතරෙන් විශ්මිත වූ ගායන හැකියාවක් උරුම කර ගත් මේ යොවුන් සිහින තාරකාව ඉකුත් දා නිමා වූ දෙරණ ඩ්‍රීම් ස්ටාර් අවසන් මහා තරගයේදී විජයග්‍රහණයේ කිරුළ පැළඳුවාය.
හැකියාවට එක් වූ උත්සාහයත්, උත්සාහයට එක් වූ කැප කිරිමත්, ඒ සියල්ල එක්තැන් වූ වාසනා මහිමයත් මතින් සුපුෂ්පිත වූ ජනතා ආශිර්වාදයෙන් නියත විවරණ ලැබ තවත් සුපිරි තාරකාවකගේ සුපසන් ගායන දිවි මගේ ඇරඹුම සටහන් වූයේ එලෙසිනි.
මේ ළබැඳි තරු කුමරිය සතු අපූර්ව ගායන හැකියාවන් දැන් මුළු රටම දනී. ඒ පිළිබඳ පුන පුනා කිව යුතු නොවේ. එනමුදු ඇයගේ හදවතට එබී බලන්නට ඔබ මහත් නොඉවසිල්ලෙන් පසු වන වග අප දනිමු. එනිසාවෙන් අද ‘සරසවිය’ පත් ඉරු අතරට ඈ කැඳවා ගන්නට අප කල්පනා කළෙමු.
උපේඛා නිර්මාණි . . .
භද්‍ර යෞවනයේ චමත්කාරය සිය ජීවිතයට තුරුළු කර ගත් ඒ තරු කැකුළිය නොඑසේ නම් සිහින තාරකාව මුලින්ම මෙලෙස සිය හඬ අවධි කළාය.
දෙරණ ඩ්‍රීම් ස්ටාර් තරගාවලියේ ජයග්‍රාහිකාව වෙන්න ලැබීම ගැන මම අතිශයින්ම සතුටට පත් වෙනවා. ඒ වගේ දැවැන්ත අභියෝගයක් මා වගේ පුංචි කෙල්ලෙකුට ජය ගත හැකි වේ යැයි කියා මුලදී මට සිතුණේ නැහැ.
ඒ අවසන් රාත්‍රිය සොඳුරු, අවිනිශ්චිත වගේම කුතුහලය දෝරේ ගැලූ රාත්‍රියක්. ඒ සියල්ල මැද මගේ හිතේ ගොඩ නැගුණ දැඩි ආත්ම විශ්වාසය තමයි මම හිතන්නේ මේ ජයග්‍රහණයට මාවත විවර කර දුන්නේ.
හිතට බියක්, චකිතයත් දැනුණේ නැහැ?
නොදැනුණා නෙවෙයි. හැබැයි ඒ මට ඩ්‍රීම් ස්ටාර් කිරුළ අහිමි වේවි යැයි කියා තිබූ බිය නම් නෙවෙයි. ජනතාවගේ ආදරයෙන් ගිළිහෙන්නට වේදැයි කියන බියයි මගේ සිතට නැඟුණේ. ඒත් ගායනයේදී මට හැකි උපරිම අයුරින් ඒ ගීත ගයන්නටත්, ප්‍රාසාංගික ගුණය රැක ගන්නටත් මා උත්සාහ කළා. මම ඛ්ඹ්තන්නේ ඒ උත්සාහය සාර්ථක වුණා.
ජයග්‍රහණය ලැබූ මොහොතේ මොකද හිතුණේ?
මම කොයි තරම් වාසනාවන්තද කියා සිතුණා. ජයග්‍රහණය කළ මොහොතේ මගේ සතුට කඳුළකට පෙරළුනේ නිම්හිම් නැති ආශ්වාදයෙන්. අම්මයි, තාත්තයි වේදිකාව ඉදිරියේ නරඹන්නන් අතර හිඳ ඒ සතුට, ඒ අසිරිය විඳගන්න අයුරු මා දුටුවා. ඇත්තෙන්ම උදේශ් අයියත්, නිමේෂ් අයියත් සැබෑම දක්ෂයන්. ඒ අතරින් මේ කිරුළ මට හිමිවීම මා ලැබූ භාග්‍යයක්.
මේ සොඳුරු රුවැත්තිය තවමත් දහ නව හැවිරිදි වියේ පසුවන්නීය. මීගමුව නිවුස්ටෙඩ් බාලිකා විදුහලේ ඉගෙනුම ලබන ඈ මේ වසරේ කලා අංශයෙන් උසස් පෙළ විභාගයට පෙනී සිටින්නට සූදානම්ය.
මම පුංචි කාලේ ඉඳන්ම ගෙදර තිබුණේ සංගීතකාමී පරිසරයක්. තාත්තා නිතරම ගීත අහනවා. ඒ වගේම ගීත ගායනා කරනවා. තාත්ති සිංදු කියන කොට මම එයා ළඟටම වෙලා ඒ සිංදු අහගෙන ඉන්නවා මට තාම මතකයි.
කලක් ගත වෙද්දී මටත් හොඳින් ගී ගයන්න පුළුවන් වුණා. මම මූලික අධ්‍යාපනය ලැබුවේ තිඹිරිගස්කටුව මහා විද්‍යාලයෙන්. ඊට පස්සේ තමයි නිව්ස්ටෙඩ් බාළිකා විදුහලට ගියේ.
පුංචි කාලේ ඉඳලම මම සංගීතය විෂයයක් විදිහට හදාරනවා මේ දක්වාම. ගෙදර අයගෙන් මගේ සංගීත කටයුතුවලට ලොකු සහායක් ලැබෙනවා. ලොකු අක්කා තමයි අයදුම්පතක් දාලා දෙරණ ඩ්‍රීම් ස්ටාර් තරගයට මාව යොමු කළේ.
උපේඛා ඔයා ගොඩක් වෙලාවට ගායනය සඳහා තෝරා ගත්තේ අසීරු ගීත. ඇයි එහෙම තෝරා ගැනීමක් කළේ?
තරගාවලිය පුරාවටම ගැයූ ගී තෝරා ගත්තේ මං විසින්මයි. තාත්තාගෙනුත් යම් යම් උපදෙස් ලැබුණා. මට අවශ්‍ය වුණේ අභියෝගාත්මක, අසීරු ගීත ගයමින් ඉදිරියට යන්න. නමුත් ඒ ගීත ජනතාව වැළඳ ගත් ජනප්‍රිය ගීත විය යුතුයි කියන මතයේ මම හැමදාම හිටියා.
උපේඛාගේ ගායන හැකියාව මෙන්ම තවත් දුලබ හැකියාවක් ද මුළු රටටම පෙන්වන්නට ඇයට මේ සිහින තරු වේදිකාව කදිම තෝතැන්නක් විය.
අපි ඒ ගැනත් කතා කරමු උපේඛා?
මට ඕනෑම තනුවක් නිවැරදි ස්වරවලට අනුව විසිල් කරන්න පුළුවන්. මම හිතන්නේ ගැහැනු ළමයකුට ඒ වගේ හැකියාවක් පිහිටනවා අඩුයි. මේ උරුවම්බෑමේ හැකියාව මට උරුම වුණේ තාත්තගෙන්.
කාලයක් ගත වෛද්දී මමත් ඉබේම වගේ නිවැරදි ස්වරවලට විසිල් කරන්න පුරුදු වුණා. තාත්තාටත් ඒ හැකියාව ගැන ගොඩක් ලොකු සතුටක් තිබුණා.
ඇත්තෙන්ම මගේ ඒ හැකියාවත් දෙරණ ඩ්‍රීම් ස්ටාර් වේදිකාවේ පෙන්නන්න ඕනෑ කියලයි මම එහෙම කළේ. විනිශ්චය මණඩලයෙනුත්, ප්රේක්ෂක ජනතාවගෙනුත් මට ඉතාමත් හොඳ ප්‍රතිචාර ලැබුණා.
කොහොම හරි නැවකත් සිංදු කියන්න ලැබුණා නේද?
අනේ ඔව්, ඒකත් හරිම නැවුම් සුන්දර අත්දැකීමක්. මටත් උදේශ්, නිමේෂ් අයියලාටත් පුහුණුවීම් කටයුතු සිදු කළේ ජෙට් ලයිනර් කියන නෞකාවේ. ගොඩබිම නොපෙනෙන තරම් ඈතක ඉන්දියන් සයුරේ තමයි මේ කාර්ය සිදු කළේ. දින හතරක කාලයක් ඒ පුහුණුවීම් කටයුතු තිබුණා.
ඉතින් තව මොනවද ඔයාට විශේෂයෙන් කියන්න තියෙන්නේ?
මේ අවස්ථාවේ මම ස්තූ®ති කළ යුතු පිරිසක් ඉන්නවා. දෙරණ නාළිකාවටත්, ගෞරවනීය විනිශ්චය මණ්ඩලයටත්, සියලුම තරගකරුවන්ටත්, මගේ ආදරණීය මවුපියන්ට හා රසික ජනතාවටත් මගේ ප්‍රණාමය පුද කරනවා. රසික ජනතාවගේ ආදරය නිසා තමයි මට මේ කිරුළ හිමි වුණේ.
මීගමුව පුරවරයෙන් ශ්‍රී ලාංකික ගී කෙතට දායාද වූ මේ යොවුන් ප්‍රතිභාසම්පන්න ගායන ශිල්පිනියට සිය සෞන්දර්ය චාරිකාවේ දිගු ගමනක් පියමං කරන්නට වාසනාව ලැබේවායි සරසවියේ අපේ පැතුමයි.
Tuesday, May 4, 2010
මේ හැම දේකටම මුල මගේ කටකාරකම
මේ හැම දේකටම මුල මගේ කටකාරකම
උත්පලා ගුණතිලක
සඳුනි කියන්නද? උත්පලා කියන්නද?
ඇත්තටම සඳුනි කියන චරිතයට තියෙන ප්‍රතිචාර ගැන කිව්වොත් කෙනෙක්‌ මාව තාම උත්පලා කියන නමින් දන්නේ නැහැ. ඒ නිසා මට අද ජනප්‍රියත්වයක්‌ ලැබෙන්නේ ආදරණීය පූර්ණිමාගෙ නංගි සඳුනි නිසා. ඒ අතින් ගත්තහම සඳුනි කිව්වත් කමක්‌ නැහැ.
මේ තැනට එන්න මග විවර වුණේ කොහොමද?
ඇත්තටම කලාවට එන්න නම් කිසිම බලාපොරොත්තුවක් තිබුණේ නැහැ. මගෙ ලොකු අම්මගෙ දුව තමයි මම නොදැනුවත්වම සිරස කුමරිය තරගෙට මගෙ අයදුම් පත්‍රයක්‌ යොමුකරලා තිබුණේ. ඒ තරගෙන් මාව ඡවි කල්‍යාණි හැටියට තේරුණා. ඊට පස්සේ සිරසෙන්ම නිෂ්පාදනය කරපු "පතිනි" ටෙලිනාට්‍යයට මාව තෝරගත්තට පස්සේ තමයි කලාවට මම ඇතුළු වුණේ.
ඒ වෙනකොට අනාගතේ ගැන තිබුණේ මොන වගේ සිහිනයක්‌ද?
මගේ ගම කුරුවිට, ගෝනපිටිය. පාසල් ගියේ කුරුවිට මධ්‍ය මහා විද්‍යාලයට. එහිදී සාමාන්‍ය පෙළ දක්වා නර්තනය විෂයක්‌ විදිහට හැදෑරුවා. ඒකේ අරමුණ වුණේ කවදහරි නර්තන ගුරුවරියක්‌ වීම.
අද ඒ බලාපොරොත්තුව නැද්ද?
පතිනි ටෙලිනාට්‍යයට සම්බන්ධ වුණාට පස්සේ ඉඳලා මම පාසලෙන් ඉවත් වුණා. 2011 අවුරුද්දේ උසස් පෙළ විභාගය ලියන්න සූදානම් වෙනවා කලා අංශයෙන්. එහිදී නර්තනයත් මම හදාරන එක විෂයක්‌. උසස් පෙළින් පස්සේ ඉදිරියටත් නර්තනය හදාරනවද කියලා තාම තීරණය කරලා නැහැ.
කලා අංශයට යොමුවීම ගැන අද මොකද හිතෙන්නේ?
ගොඩක් සතුටුයි මේ අංශයට යොමුවීම ගැන. මොකද මමවත් දැනගෙන හිටියෙ නැති දක්‍ෂතාවක්‌ මේ හරහා මට එළිදක්‌වන්න පුළුවන් වුණා.
කැමරාවක්‌ ඉදිරියේ මුල්ම රංගනය ඉදිරිපත් කරද්දී දැනුණු හැඟීම?
පාසලේදිවත් විහිළුවට චරිතයක් රඟනොපාපු මට කැමරාවක්‌ ඉස්‌සරහට ගියාම පුංචි චකිතයක්‌ දැණුනා. සුසාර දිනාල් මහත්මා තමයි ඔයාට මේක කරන්න පුළුවන් කොහොමහරි රඟපාන්න කියලා මාව දිරිමත් කළේ.
මේ වෙනකොට නිර්මාණ කීයකට සම්බන්ධ වෙලා තියෙනවද?
ආදරණීය පූර්ණිමා, පතිනි, හංසි කියන තුනට තමයි ටෙලිනාට්‍යවලින් සම්බන්ධ වුණේ. ප්‍රසාද් ද සිල්වා අධ්යක්ෂණය කරපු වියපත් බඹරා චිත්‍රපටයටත් ප්‍රධාන චරිතයෙන් පසුගිය කාලේ සම්බන්ධ වුණා.
මේ නිර්මාණවල චරිත අතරින් සඳුනි ගැන කතා නොකරම බැහැ නේද?
ඇත්තටම ඔව්. මේ චරිතයට මාව තෝරගත්තේ නිශාන්ත රණසිංහ මහත්මායි. ටිකිරි රත්නායක මහත්මායි. මේ වෙනකොට ගොඩක් දෙනා අතර ජනප්‍රිය වෙලා තියෙනවා. චරිතයක් හැටියට ගත්තොත් මම හිතනවා හොඳ සාධාරණයක් ඉෂ්ඨ කළා කියලා.
මෙගා ටෙලිනාට්‍ය තුනකම රඟපාන්න ලැබුණ නිසා නවක රංගන ශිල්පිනියන් අතර තරමක් කැපී පෙනෙන චරිතයක් වෙන්න ඔබට හැකිවුණා කිව්වොත්?
ගොඩක් දුරට ඒකට හේතු වුණේ මට ලැබුණු චරිත කියලයි මට සිතෙන්නේ. මොකද සඳුනි කියන චරිතය ඇත්තටම මගේ සාමාන්‍ය ජීවිතේට ගොඩක්‌ම සමීපයි. හරිම කටකාර, අසාධාරණයට එරෙහිව වැඩිපුර කතා කරන චරිතයක්. ඒ වගේමයි ඉදිරියේදී තිරගත වෙන්න තියෙන වියපත් බඹරා චිත්‍රපටයේ ඩීනා කියන චරිතයක්. සාමාන්‍ය ජීවිතේ එක්‌කත් ගැලපීමක්‌ තිබුණ නිසා මේ චරිත සාර්ථක කරගන්න මට පුළුවන් වෙන්න ඇති කියලා විශ්වාස කරනවා.
ඒ කටකාරකම නිසාමද වැඩසටහන් ඉදිරිපත් කරන්නියක්‌ වෙන්න අවස්‌ථාව ලැබුණේ?
හිතනවා එහෙම වෙන්න ඇති කියලා. ගොඩක් අය මගෙ මූණටත් කියලා තියෙනවා මම කටකාර අසාධාරණය වෙනුවෙන් නැගී සිටින කෙනෙක්‌ කියලා. හංසි ටෙලිනාට්‍යය විකාශය වෙන කාලෙදි තමයි ස්‌වර්ණවාහිනියේ රසලිය වැඩසටහනේ නිවේදිකාවක්‌ හැටියට මට ආරාධනා ලැබුණේ. එතැන් පටන් වසර එකහමාරක ඉඳලා මම ඒ වැඩසටහන ඉදිරිපත් කරගෙන එනවා.
වැඩසටහනක්‌ ඉදිරිපත් කරනවා කියන්නේ ඔබ සිතන විදිහට හරිම පහසු දෙයක්‌ද?
රංගනය වගේම නිවේදනයත් මම කවදාවත් පුරුදු පුහුණු වුණු විෂයන් නෙමෙයි. මුලිනුත් කිව්වා වගේ මගෙ කටකාරකම නිසාද මන්දා වැඩසටන කරද්දි වචන ගලාගෙන එනවා. පුළුවන් උපරිමයෙන් මට පැවරිලා තියෙන වැඩ කොටස මම කරනවා.
ප්‍රවීණයන්ගෙන් ඔබට ලැබෙන සහය මොන වගේද සහ ඔබ ප්‍රවීණයන්ට දක්‌වන ගරුත්වය මොන විදියද?
ඇත්තටම අපට රංගනය ගැන බොහෝ දේ ඉගෙන ගන්න තියෙන්නෙ අපේ ප්‍රවීණයන්ගෙන්. සමහරු කියනවා ආධුනිකයන්ට ප්‍රවීණයන්ගෙන් සහයෝගයක් නැහැ කියලා. මම නම් ඒක විශ්වාස කරන්නේ නැහැ. මොකද මේ වෙනකම් ඔවුන්ගෙන් ලැබුණු සහයෝගය මට අතිවිශාලයි. ඒ වගේම අනිවාර්යෙන්ම මුළු හදවතින්ම මම ඔවුන්ට ගරු කරනවා.
ඉදිරියටත් කලා ක්ෂේත්රයේ මේ අයුරින්ම ගමන් කිරීමට ද බලාපොරොත්තුව?
තව අවුරුදු දෙකකින් විවාහ වෙන්න තමයි බලාපොරොත්තුව. ඊට පස්සේ නම් ක්‍ෂේත්‍රයෙන් අයින් වෙන්න තමයි මම අදහස් කරලා තියෙන්නේ.
ඒකට හේතුව?
මම හිතනවා පවුල් ජීවිතයට මුල්තැන දිය යුතුයි කියලා. කොහොමත් කෙනකුගේ යටතේ වැඩ කරන්න මම කැමැති නැහැ. මගේම කියලා ව්‍යාපාරයක්‌ ආරම්භ කරන්න අදහසක් තියෙනවා. සමහර විට ඉදිරියේ මහත්තයාගෙ සහයත් ඇතුව ඒ අංශයට යොමුවෙයි.
ඒ කියන්නේ දැන් ඔබ විවාහයට සූදානම්ද?
ඔව්, එයාගේ නම සුරේෂ්. කලාවට සම්බන්ධයි. හැබැයි රංගනයෙන් නෙමෙයි.
ඔබ කලා ක්ෂේත්රය තෝරාගැනීම ගැන දෙමාපියන්ගෙන් ලැබුණු කැමැත්ත මොන වගේද?
මුලදි නම් තාත්තගෙ වැඩි කැමැත්තක්‌ තිබුණේ නැහැ. නමුත් අම්මගෙ සිහිනයක්‌ තිබුණා මාව කලාවට යොමු කරන්න. අම්මයි ලොකු අම්මගෙ දුවයි නිසා තමයි මම අද මෙතන ඉන්නේ. මට තව අයියා කෙනෙකුයි මල්ලියෙකුයි ඉන්නවා.
ඉදිරි වසර දෙක තුළදී සැබෑ කරගන්න බලාපොරොත්තු වෙන සිහිනයක්‌ තියෙනවද?
හොඳ වේදිකා නාට්‍යයකට සම්බන්ධ වෙන්න ආසාවක්‌ තිබෙනවා කලාවෙන් ඉවත් වෙන්න කලින්. පසුගිය කාලේ ඒ සඳහා අවස්‌ථාවන් කිහිපයක්‌ම ලැබුණත් ආදරණීය පූර්ණිමා නිසා ඒ එකකටවත් සම්බන්ධ වෙන්න ලැබුණේ නැහැ.
ඔබ වඩාත් ගරු කරන්නෙ?
මුලින්ම මවුපියන්ට. කලා ලෝකයට යන පාර පෙන්වලා දුන්න ටිකිරි රත්නායක, නිශාන්ත රණසිංහ මහත්වරුන්වත්, රුචිරා අක්‌කාවත් විශේෂයෙන් මතක් කරන්න කැමැතියි.
ලක්‌මිණී අතුකෝරල
ඡායා - සුජාතා ජයරත්න
හැඩගැන්වීම - සැලෝන් රුචිරා
Monday, April 19, 2010
ශලනි තාරකා
ඒ සුන්දරත්වය නොගැලපීම නිසා මගහැරුණ
ශලනි තාරකා
ශලනි තාරකා, ඇය ගැන බොහෝ දෙනා අද කතා කරන්නේ ස්‌වාධීන රූපවාහිනිය ගෙන එන "අපි අපි වගේ" ටෙලිනාට්‍යය නිසයි. එහි "නිකිණි" ලෙස රඟපාන ඇයට රංගන ශිල්පනියක්‌ වන්නට අවස්‌ථාව උදාවන්නේ ඇයවත් නොසිතූ මොහොතකයි. ඒ සිරස කුමරිය ලෙස කිරුළු පැළදීමට අවස්‌ථාව උදාවීමෙන්. එය එසේ වුවත් ශලනිට කලා කේෂ්ත්‍රයේ පසුබිම නම් එතරම් නුහුරු නුපුරුදු තැනක්‌ නෙමෙයි. ඒ ඇයගේ මව දක්‌ෂ රංගන ශිල්පිනියක්‌ වන නිර්මා සුරාජි නිසා.ශලනි ගැන කෙටියෙන් විස්‌තර කළොත්?
මගේ ගම බලංගොඩ. පවුලේ අම්මයි, තාත්තයි, අයියයි නංගියි. ප්‍රාථමික අධ්‍යාපනය ලැබුවේ බලංගොඩ ශාන්ත ඇග්නස්‌ බාලිකා විද්‍යාලයෙන්. එතනින්a උසස් අධ්‍යාපනය ලබන්න මීගමුව නිවුස්‌ටඩ් බාලිකාවට ගියා. දැන් නම් කලා කටයුතුවලට සම්බන්ධ වුණ නිසා මේ වසරේ උසස් පෙළ කරන්නේ පෞද්ගලික අපේක්‍ෂිකාවක්‌ හැටියට.
මේ දවස්‌වල කොහොමද අලුත් තොරතුරු?
අපි අපි වගේ ටෙලිනාට්‍යයෙයි සමනලී ටෙලිනාට්‍යයෙයි රූගත කිරීම් අවසන් කළා. ගඟ අද්දර ටෙලිනාට්‍යයේ තව කොටස්‌ දෙකක්‌ විතර තියෙනවා රූගත කරන්න.
අම්මා ටෙලිනාට්‍යය නිළියක්‌ වූ නිසාද ඔබත් රඟපාන්න හිතුවේ?
කොහෙත්ම නැහැ
එහෙනම් අරමුණ වුණේ මොකක්ද?
මම රඟපාන්න ආසාවෙන් හිටපු කෙනෙක්‌ නෙමෙයි. අධ්‍යාපන කටයුතුවලට තමයි මූලික තැන දුන්නේ. සිරස කුමරිය තරගෙට ඉදිරිපත් වෙලා ඒ කිරැළ මට ලබාගන්න පුළුවන් වුණාට පස්සේ තමයි කලා ජීවිතයට අවතීරණය වුණේ. ඊට පස්සේ ආරාධනා ගොඩක් ආවා රඟපාන්න. හොඳ දෙයක් කරන්න ඕන නිසා හැම එකකටම ගියේ නැහැ.
රංගන ශිල්පිනියක්‌ නොවුණානම් මොනවගේ අංශයක්‌ තෝරාගනීවිද?
ව්‍යාපාරිකාවක්‌ හරි ගුවන් සේවිකාවක්‌ හරි වෙන්න තිබුණා. නමුත් තාමත් ව්‍යාපාරිකාවක්‌ වෙන සිහිනය නම් අත්හැරලා නැහැ.
දැන් කොහොමද ඉගෙනීමේ කටයුතු?
මේ අවුරුද්දේ උසස් පෙළ විභාගය ලියන්න සූදානම් වෙනවා. වාණිජ අංශයෙන් තමයි විභාගේ ලියන්නේ.
පූර්ණ කාලීනව රංගනය සමගද එකතුවී සිටින්නේ?
පූර්ණ කාලීනව නම් රංගනයට යොමුවෙන්න බලාපොරොත්තුවක් නැහැ. මේ මාස කිහිපයෙදි නම් කිසිම චරිතයක් බාරගත්තේ නැහැ. විභාගේ ඉවර වෙනකම්. ඒ නිසා මේ කාලය සම්පූර්ණයෙන්ම වෙන්කරලා තියෙන්නේ අධ්‍යාපන කටයුතු වෙනුවෙන්.
උසස් පෙළ විභාගය ලිව්වට පස්සේ?
වෘත්තියෙන් රංගන ශිල්පිනියක්‌ වෙන්න කවදාවත් මම කැමැති නැහැ. මොකද මගේ අරමුණ ව්‍යාපාර ක්‍ෂෙත්‍රයට යොමුවීම. ඒ නිසා රංගන කටයුතු සීමා කරලා ව්‍යාපාර කටයුතුවලට මූලික තැන දෙයි.
මොනවගේ අංශයකින්ද ව්‍යාපාර ක්‍ෂෙත්‍රයට ඇතුළත් වෙන්න බලාපොරොත්තු වෙන්නේ?
මම ගොඩක් විලාසිතා වලට කැමතියි. බොහෝ දුරට නිමි ඇඳුම් අලෙවිකරණයට යොමුවෙයි.
නවක නිළියන්ට සාපේක්‍ෂව ඔබ ඇයි ටෙලිනාට්‍යවල වැඩිදුර දකින්න නැත්තේ?
මගේ මුල්ම ටෙලිනාට්‍යය වුණේ ස්‌වර්ණවාහිනියේ විකාශය වුණ පූජාසනය. ඊට පස්සේ ඉසුරු භවන සහ හංසි ටෙලිනාට්‍යවලින් පස්සේ තමයි අපි අපි වගේ ටෙලිනාට්‍යයට සම්බන්ධ වෙන්න ලැබුණේ. මේ වෙද්දි විකාශය වුණ නිර්මාණයි ඉදිරියට විකාශය වෙන්න තියෙන නිර්මාණයි එකතුකලහම කිහිපයක් වුණත් මම ගොඩක් සතුටු වෙනවා මම රඟපාපු නිර්මාණ දිහා බැලුවහම. කොහොමත් කොටස්‌ සියය ඉක්‌මවා ගිය නිර්මාණ වල රඟපාන්න කැමැති නැහැ. ඒ තුළිsන් දීර්ඝ කාලීනව චරිතයකට කොටුවෙනවා. මට හිතෙනවා ඒ තුළින් මගේ හැකියාව වර්ධනය වෙන්නේ නැහැ කියලා.
"ගඟ අද්දර" ටෙලිනාට්‍යයේ "නිර්මලා" ඔබට ලැබුණු මේ අවස්‌ථාව ඇත්තටම ඔබේ රංගන ජීවිතයට සුවිශේෂයි?
නවකතා අතර ඉහළම පාඨක ප්‍රසාදයක්‌ දිනාගත්ත කෘතියක්‌ වගේම සිනමා ප්‍රේíකයා අතර ඉහළ ප්‍රතිචාරයක්‌ දිනාගත්ත ගඟ අද්දර චිත්‍රපය ටෙලිනාට්‍යයක්‌ කරන්න sයනවා කියලා දැනගත්තහම මටත් එකේ රඟපාන්න ආසාවක්‌ ඇතිවුණා. නිර්මලා චරිතයට තෝaරගත්තට පස්සේ ඇතිවුණේ ඊටත් වඩා සන්තෝෂයක්‌.
මෙවැනි චරිතයක් ඔබට රඟපාන්න ලැබීම මොනවගේ අභියෝගයක්ද?
මෙතෙක්‌ මට ලැබුණු චරිත අතරින් හාත්පසින්ම වෙනස්‌ චරිතයක්. පුළුවන් උපරිමයෙන් මම ඒ චරිතයට සාධාරණයක් ඉෂ්ඨකළා කියලා හිතනවා. ඒ නිසාම චිත්‍රපටයවත් බැලුවෙත් නවකතාව කියෙවත් නැහැ. එහෙම වුණානම් මම ඒ චරිතය අනුකරණය කලා වෙන නිසා. අනික ටෙලිනාට්‍යයේ චරිත තරමක් වෙස්‌ කරලා ආත්ම දෙකක කතාවක් හැටියටයි නිර්මාණය කරලා තියෙන්නේ.
නර්තනයෙන් ඈත් වෙලාද?
සාමාන්‍ය පෙළ වෙනකන් පාසලේදි විෂයක්‌ හැටියට මම නර්තනය හැදැරුවා. රංගන කටයුතුවලට ආවට පස්සේ තමයි ඩාන්සින් ස්ටාර් තරගයට ඉදිරිපත් වුණේ. එතනින් පස්සේ විනෝදාංශයක්‌ විදිහට තමයි නර්තන කටයුතු වල නියෑලෙන්නේ.
යෞවනියක්‌ විදිහට ආදරය දකින්නේ?
හැමෝම කියනවා වගේ සුන්දරයි. ඒ සුන්දරත්වයේ යම් යම් අත්දැකීම් මටත් නැතුවාම නෙමෙයි. ඒත් නොගැලපීම් නිසා මග අරින්න සිද්ධ වුණා. ඒ නිසා දැන් ඒ කටයුත්ත දෙමාපියන්නට බාරදිලයි තියෙන්නේ.
අද ඔබ ඔබ ගැන ආඩම්බර වෙනවද?
අධ්‍යාපනය පැත්තෙනුත් නිළියක්‌ හැටියටත් මං ගැන මට ගොඩක් සතුටුයි. ඒ අද මට ලැබෙන ප්රේක්ෂක ප්‍රතිචාර වලින්. මෙතෙක්‌ ආගමන ගැන සෑහීමකට පත්වෙනවා වගේම මං ගැන ඇත්තතටම මම ආඩම්බර වෙනවා.
Monday, March 29, 2010
අපේ පැතුම ඒ අයුරින්ම ඉටුවුණා
තනූජා දිල්හානි
රූපවාහිනිය ඔස්සේ දිග හැරෙන ටෙලිනාට්‍ය සහ වෙළෙඳ දැන්වීම් රැසක් සමඟ ඇය අපේ ආලින්දයට ගොඩවදින්නීය. කලා කටයුතු සමඟ කාර්ය බහුල දිවියක් ගත කළ ද තනූජා පසුගිය දිනෙක ඇයගේ නවතම කලා තොරතුරු පිළිබඳ අප සමඟ කතා බහ කරන්නට එක්වුණා. තනූජා ‘රසඳුන’ සතුටු සාමීචිය සමඟ එක්වුණු සොඳුරු මොහොතයි මේ.
ටෙලිනාට්‍ය කීපයක් සමඟ ඔබ ආයෙමත් කාර්යබහුල වෙලා වගේ?
ඇත්තටම ඔව්. මේ දවස් ටිකේ ම නවතම ටෙලිනාට්‍ය දෙකක රූපගත කිරීම් සඳහා මම සහභාගි වෙනවා. මේ දෙකම රූ ගැන්වෙන්නේ කොළඹින් පිට. ඒ නිසා තරමක් කාර්ය බහුලයි. ඒ වගේ ම වී. සිවදාසන් අධ්යක්ෂණය කරන ‘අළුපාට හීන’ ටෙලිනාට්‍යයත් මේ දිනවල විකාශනය වෙනවා. එය ස්වර්ණවාහිනිය ඔස්සේ මගේ රසික රසිකාවියන්ට දැක බලා ගන්න පුළුවන්.
‘අළුපාට හීන’ ටෙලිනාට්‍යයේ ඔබ නිරූපණය කරන්නේ සංකීර්ණ චරිතයක් ?
මේ ටෙලිනාට්‍යයේ මම නිරූපණය කරන්නේ විශ්වවිද්‍ය්‍යාල මහාචාර්යවරයෙක් සමඟ විවාහ වී සිටින තරුණ කාන්තාවක ගේ චරිතයක්. ඔවුන් අතර පවතින වයස් පරතරය, මත ගැටුම් රැසක් ඔස්සේ නවතම කතා තේමාවකින් යුතුව මේ ටෙලිනාට්‍යය දිග හැරෙනවා. කුතුහලය, සානුකම්පිත බව ඉස්මතු වෙන චරිතයක් එය. එය ප්‍රේක්ෂකයන්ට රසවත් කතාවක් වෙයි කියා මම හිතනවා.
ඔබ මීට පෙර ‘සක්විත්තෝ’ ටෙලිනාට්‍යයට රංගනයෙන් දායක වුණා. එහි රඟපෑ චරිතය ගැන ඔබ තෘප්තිමත් ද?
මට ලැබුණු චරිතය ගැන මම ඉතාම තෘප්තිමත් වෙනවා. මොකද ‘සක්විත්තෝ’ ටෙලිනාට්‍යයේ ‘චාරුණිකා’ කියන චරිතය තමයි මට රඟපාන්න ලැබුණේ. මේ චරිතයේ විශේෂත්වය තමයි තමන් විසින් ම දියුණු වෙන්න බලාගෙන වැඩ කරන තරුණියකගේ චරිතය. මේ චරිතයට හුඟාක් හොඳීන් ප්රේක්ෂක ප්‍රතිචාර ලැබුණා. ඒ නිසා මම හිතනවා ඒ චරිතයට මම සාධාරණය ඉෂ්ට කළා කියලා.
මේ දිනවල රූපවාහිනී නාලිකා ඔස්සේ ‘සුපිරි තරු’ බිහිකරන රියැලිටි වැඩසටහන්වලට දායක වෙන්නට ඔබට ආරාධනා ලැබුණේ නැත් ද?
මම මීට පෙර ‘සිරස’ රූපවාහිනිය ඔස්සේ ඉදිරිපත් කරපු ‘සිරස ඩාන්සින් ස්ටාර්ස්’ වැඩසටහනට සහභාගි වුණා. නමුත් ඒ වැඩසටහන ගැන මට යම් කල කිරීමක් ඇතිවුණා. ඒ තුළ විනිවිද භාවයක් මම දුටුවෙ නැහැ. ඒ තුළ කිසිම රියැලිටි බවක් මම දැක්කෙ නැහැ. ඒ හින්ද පසු කාලෙක විවිධ රූපවාහිනි නාලිකා හරහා විවිධ ගායන හා නර්තන වැඩසටහන්වලට සහභාගිවෙන්න කියලා මට ආරාධනා ලැබුණත් ඒවා සියල්ල ප්‍රතික්ෂේප කරන්නට මට සිදුවුණා.
ඔබේ සිනමා අත්දැකීම් පිළිබඳව කතාකළොත්?
මෙහෙමයි. මේ වෙනකොට ‘රෝස කැලේ’, ‘එකමත් එක රටෙක’ කියන චිත්‍රපට දෙකට මම දායක වෙලා තිබෙනවා. ඊට අමතරව ‘වියපත් බඹරා’ කියන චිත්‍රපටයටත් දායක වෙන්න ලැබුණා. සමහරක් චිත්‍රපටවලට මට ආරාධනා ලැබුණත් ආර්ථික සහ නිර්මාණාත්මක අතින් සතුටු වෙන්න බැරි නිසා ඒවා මට අත්හැර දමන්න සිදුවුණා.
ඔබ පසුගිය දිනෙක විවාහ දිවියට ඇතුළත් වුණා. ඒ ගැනත් කතාබහ කරමු.
මම විවාහ වුණේ පණ්ඩුක දයානන්ද සමඟ. ඔහු ජනප්‍රිය කැමරා ශිල්පි කීර්ති දයානන්ද මහත්මයාගේ පුතණුවන්. පණ්ඩුක ව්‍යාපාරිකයකු ලෙස කටයුතු කරනවා. අපි විවාහ වුණේ ආදර සම්බන්ධතාවයකින්. ඇත්තටම අපේ මංගල උත්සවය ලස්සනට සිදු කරන්නට අපි දෙන්නගෙම හිත් තුළ ලොකු බලාපොරොත්තුවක් තිබුණා. එය ඒ අයුරින් ම ඉෂ්ට කර ගන්නට අපට හැකි වුණා. ඉතා හොඳ විවාහ ජීවිතයක් ගත කරන්නට අපි දෙදෙනාම බලාපොරොත්තු වෙනවා.
ඔබේ පෞද්ගලික ජීවිතයට වගේ ම කලා ජීවිතයට පණ්ඩුක ගෙන් ලැබෙන්නේ මොනවගේ සහයෝගයක් ද?
පණ්ඩුකගෙන් විවාහ වන්නට පෙර සිටම මට ලැබුණු සහයෝගය අතිවිශාලයි. පණ්ඩුකගෙන් වගේ ම පණ්ඩුකගේ පියා ගෙනුත් නිතරම අවවාද උපදෙස් අරගෙන තමයි මම කලා කටයුතුවල නිරත වෙන්නේ.
ඔබේ කැදැල්ලට තුන් වැන්නෙක් එක්කර ගැනීමේ බලාපොරොත්තුවක් තවම නැද්ද?
ඇත්තටම එහෙම ලොකු බලාපොරොත්තුවක් තිබෙනවා. ඒත් තවම ඒ ලකුණු නම් නැහැ.
ඔබේ අනාගත බලාපොරොත්තු මොනවාද? අපි ඒ ගැනත් කතා කරමු.
අපි පටන් ගත්ත විවාහ ජීවිතේ බාධාවකින් තොරව ගෙන යන්නත් මගේ කලා කටයුතු, ව්‍යාපාර කටයුතු දියුණු කරගන්නත් පුංචි බලාපොරොත්තුවක් තියෙනවා.
Friday, March 26, 2010
"කුකී" ට ගැරඬින්ව නිතතරම හීනෙන් පේනවලූ
අයෝමි ශානිකා ගැරඬි අල්ලන කොන්ත්‍රාත්තු බාරගන්නවාය
කියන කලා ක්ෂේත්රයේ මේ දින
වල පැතිර යන කටකතාවේ
ඇත්ත කතාව පසුගිය සතියේ
මීවිතෙන් හෙළි කළා ඔබට
මතක ඇති. එය කියවූ කලා
ක්ෂේත්රයේ අපේ හිතවතුන්
පිරිසක් මේ උරග වර්ගය හා
ජනප්‍රිය රංගන ශිල්පිනියන්
අතර ගෙතුනු අපූරු කතාවක්
පිළිබඳ හෝඩුවාවක්‌ මීවිතට
කීවා. බලාගෙන ගියාම ගැරඬියා
කියන සතා අපේ නිළියන් අතර
බොහොම ජනප්‍රිය සතෙක්‌ වගෙයි.
කොහොම නමුත් මෙදා පාර
මේ ගැරඬි කතාවත් එක්ක සම්බන්ධ
වෙන්නේ මෙවර සුමති ටෙලි සම්මාන
ප්‍රදානයේදී ජනප්‍රියම නිළිය ලෙසින්
අභිෂේක ලද නෙහාරා. වංගු නොදමා මේ
කතාවේ ඇත්ත නැත්ත අපි නෙහාරා
ගෙන් කෙළින් ඇහුවා.
 |  |  |
මෙච්චර දේවල් පේන්න තියෙද්දි මොකද නෙහාරා හැමදාම ගැරඬි හීනෙන් පේනව කියන්නෙ?
අනේ.. හැමදාම නම් පේන්නෙ නෑ.
එහෙනම් කෙම්මුර දවස්‌වලටද?
එහෙම නෙමෙයි. ගැරඬියෙක්‌ දැක්කොත් ඌ හීනෙනුත් පෙනෙනවා.
එච්චරටම ගැරඬින්ට කැමතිද? මොකද එක පාරක්‌ දැක්‌ක ගමන් හීනෙනුත් පෙනෙන්නෙ තමන් ආසා කරන දේවල් නෙ?
ආසා කරන නිසා නෙවෙයි. මම ඔය බිම දිගේ ඇදිල යන සතුන්ට ලොකු බයක්‌ තියනව. ඒ වගේ සතෙක්‌ දැක්කොත් මට නින්ද යනකොට නිකං මගෙ ළඟ ඌ ඉන්නව වගේ පෙනෙනව. බාත්රූම් එකට ගියත්, තනියම කාමරයකට ගියත් සතෙක්‌ ඉන්නව වගේ දැනෙනවා. ටික දවසක්‌ යනකන් ඒ බය ඇරෙන්නෙ නෑ.
නෙහාරා එහෙම කියනකොටත් මුහුණෙන් පෙනුනෙ හරියට ඩයිනොසිරස්‌ යුගයේ සතෙකුට බයවෙල වගෙ පෙනුමක්‌. ඒ නිසා ඒ කතාවෙ ඉතිරි හරිය සම්පූර්ණ කළේ නෙහාරගෙ ආදරණීය මව.
මෙයා පුංචි කාලේ ඉඳලමයි ඔය බය තියෙන්නෙ. ඒකට හේතුවක්‌ තියෙනව. පුංචි කාලෙ මෙයාගෙ ඩැඩයි එයාගෙ යාළුවෙකුයි ඉඳගෙන ඉන්නකොට නෙහාරා එතනට ගිහින්. ඒ යනකොටම වහළයේ ඉඳපු ගැරඬියෙක්‌ අර යාළුවගෙ කරට වැටිල තියනව. හරියට මාලයක්‌ දැම්ම වගෙ. ඕක තමයි මෙයාගෙ හිතේ තියෙන්නෙ.
නෙහාරා වැඩියෙන්ම කැමැති කුකී කියල කතා කරනවටද නෙහාරා කියනවටද?
කොහෙන්ද ඔය නම හොයාගත්තෙ. මගේ පවුලෙ ළඟම හිතවත් අය තමයි කුකී කියල කතා කරන්නෙ.
ඔය නම තිබ්බෙ කවුද?
මගේ බාප්පි තමයි ඔය නම දාල තියෙන්නෙ. පුංචි කාලේ මම හරිම චබීලු. රවුම් මූණ නිකං කුකී බනිස්‌ එකක්‌ වගේලු. ඒ නිසා ආදරයට තමයි "කුකී" කියල දාල තියෙන්නෙ.
ආදරේ වැඩි වුණාම මිනිස්‌සුන්ව හපන්නෙ මොකද?
මිනිස්‌සුන්ව හපනවා... නෑ නෑ... ඒක ලොකු වැරදීමක්‌. ඔයාට වැරදි තොරතුරක්‌ දීල තියෙන්නෙ.
හොඳට මතක් කරන්න. බබෙකුගෙ මූණට කිස්‌ එකක්‌ දෙන්න කීවාම හැපුවෙ නැද්ද?
ආ... ඒක පුංචි කාලෙ දෙයක්‌නෙ. මම බය උණ තරමක්. එතකොට මට අවුරුදු දෙකක්‌ විතර ඇතිලු. පවුලේ වැඩිමලා වගේම අපේ පවුලට ලැබුණ පළවෙනි මිනිපිරියත් මමනෙ. ඉතිං හැමෝගෙම ආදරේ මට ලැබුණා. දවසක්‌ අම්මි වෙන බබෙක්‌ වඩාගෙන මට කියල තියෙනව එයාට කිස්‌ එකක්‌ දෙන්න කියල. මට තරහ ගිය පාර අර බබාගෙ මූණ හැපුවලු.
පුංචි කාලේ වගේම දැනුත් තරහ යනවද?
දැනුත් තරහ යන අවස්ථා තියෙනව. ඒත් ඕන දේට විතරයි.
ජීවිතේ ලස්‌සනයි ෂූටිං කරනකොට ඔබව ගඟට උස්‌සල දාන දර්ශනයක්‌ තිබුණද?
එහෙම සීන් එකක්‌ තිබුණෙ නෑ. ඒත් හැමෝම එකතුවෙලා මට ඊළඟට කරන්න තියෙන්නෙ ඒ සීන් එක කියල මාව බය කළා. ඒක මගේ දෙවැනි නාට්‍යය නෙ. මට ලොකු අත්දැකීම් තිබුණෙ නෑ. නාට්‍ය අධ්යක්ෂණය කළ රවීන්ද්‍ර අයියත් කිව්ව ඊළඟට නෙහාරව ගඟට වීසි කරන සීන් එක තියෙන්නෙ නාන්න ලෑස්‌ති වෙලා ඉන්න කියල. ජගත් අයියත් (ජගත් චමිල) මාව ගඟට දාන්න වගේ ලෑස්‌ති වුණා. නමුත් පස්‌සෙයි ඒක බයිට්‌ එකක්‌ කියල තේරුනෙ.
නිතරම ඔය "ස්‌වීටි" කියන වචනය කියන්නෙ ඇයි?
හස්‌නා කියන මගේ ළඟම මිතුරියක්‌ නිසා. පාසල් යන කාලේ මම එයාගෙ ළඟින්මයි හිටියෙ. එයාගෙ කටේම තියෙන්නෙ. ඔය "ස්‌වීටි" කියන වචනය. ඒක මටත් නොදැනිම මට හුරු වුණා. අදටත් මම ඒක පාවිච්චි කරනවා.
ඔය වචනය වගේම නෙහාරා අතින් උයන කෑමත් හරිම "ස්‌වීට්‌" කියන්නෙ ඇත්තද?
අනේ ඔව්. මට රසට උයන්න පුළුවන්. බොරු නම් අම්මිගෙන් අහන්න. මම හදන චිකන් කරි එකටයි සැමන් බැදුමටයි ගෙදර අය හුඟක් කැමැතියි. ඒ වගේම මගෙත් එක්ක රසට රොටි හදන්න ගෙදර කාටවත් බෑ.
ඔබ මේ වසරේ ජනප්‍රියතම නිළිය (ටෙලිනාට්‍ය) නිසා මේ දවස්‌වල හොඳ ප්‍රතිචාර ලැබෙනව ඇති.
ඇත්තටම ඔව්. මට ගොඩක් අය හරි ආදරෙයි. විශේෂයෙන් කාන්තා පක්‍ෂය. මට මුණගැහුන එක ආන්ටි කෙනෙක්‌ කීවා "මුතුකිරිල්ලි" එකේ මම අඬනව තිබිච්ච හැම සීන් එකකදිම එයත් ඇඬුවලු.
රසික රසිකාවියන්ගෙන් ලැබෙන ප්‍රතිචාරවලින් වඩාත්ම සංවේදී මතකය මොකක්ද?
මට ලැබුණු ලිපියක්‌ නිසා බොහොම සංවේදී වූ අවස්‌ථාවක්‌ තියෙනව. හමුදාවෙ අයිය කෙනෙක්‌ මට එවපු ලියුමක මෙහෙම ලියල තිබුණා. "නෙහාරා මේකට මට පිළිතුරක්‌ ලියන්න එපා. ඔයා පිළිතුරක්‌ එවනකොට මම ජීවතුන් අතර ඉඳියිද දන්නෑ" කියල. ඒක අදටත් මට හරිම සංවේදී මතකයක්‌.
ඔබේ මේ කලා කටයුතුවලට පවුලේ අයගෙන් ලැබෙන සහයෝගය කොහොමද?
නෙහාන් මගෙ මල්ලි, අම්මි, ඩැඩී වගේම මගේ සැමියගෙන් ලැබෙන සහයෝගය නිසයි මේ හැම දෙයක්‌ම ගැටලුවකින් තොරව සාර්ථකව කරගන්න පුළුවන් වෙලා තියෙන්නෙ. විශේෂයෙන් මගේ සැමියා මටත් වඩා හොඳට මාව තේරුම් අරන් තියෙනවා.
Wednesday, March 24, 2010
Monday, March 22, 2010
අපිට ආදරේ රසවිඳින්න ලැබුණු කාලය අඩුයි....
"සතයෙන් සතය"වෙළෙඳ දැන්වීමෙන් බොහෝ ප්රේක්ෂක ප්‍රතිචාර දිනාගත් ඇය අද වනවිට ප්‍රවීණ රංගන ශිල්පිණියක් බවට පත්ව සිටී. විවිධ චරිත හරහා සිය රංගන හැකියාවන් ඉදිරිපත් කරමින් ඇය මේ දිනවලත් පුංචි තිරයෙන් ප්රේක්ෂක ඔබ හමුවට පැමිණෙයි. අද ආලින්දයට ගොඩ වූ ඇය සුජානී මේනකාය.
* මොනවද අලුත්ම වැඩ කටයුතු?
මේ දවස් වල"සරා"චිත්‍රපටයේ රූගත කිරීමේ කටයුතු සිදුවෙනවා. ඒ වගේම තවත් අලුත් නිර්මාණ කිහිපයකටම දායකවෙලා ඉන්නේ. ඒ ගැන ඉදිරියෙදි දැනගන්න ලැබේවි.
* කලා ශිල්පිණියක් ලෙස වෘත්තීය ජීවිතය තුළ ඔබ අරමුණු කරගත් තැනට එන්න පුළුවන් වුණා කියලා හිතනවද?
තවම නෑ. තවමත් මං රංගනය පැත්තෙන් ඉටුකර තිබෙන්නේ ඉතාම සුළු කාර්යයක් විතරයි. රංගනයේ යෙදිය යුතු විවිධ චරිත තිබෙනවා. මං තවමත් විවිධ චරිත වලට දායක වීම ආරම්භ කළා පමණයි. තවමත් මම අරමුණ කරගත් තැනට එන්න මට බැරිවුණා. තවම මම බොහොම සුළු තැනක ඉන්නේ. තව බොහෝ දේ අධ්‍යයනය කළ යුතුයි.
* ක්ෂේත්‍රයට නවක රංගන ශිල්පිණියන් ඔබට අභියෝගයක්ද?
කවදාවත් කවුරුවත්ම මට අභියෝගයක් වුණේ නෑ. මම අභියෝගයක් කරගන්නේ මාවමයි. රංගනය පැත්තෙන් සාධාරණයක් කරන්න එය මට පහසුවක්. මේ ක්ෂේත්‍රයට නවකයින් පැමිණිය යුතුයි. හැමදාම එකම මුහුණ දැක්කොත් ක්ෂේත්‍රයට පැවැත්මක් නැතිවෙනවා. නවකයින් එක්වීම, නව නිර්මාණ බිහිවීම ඉතාම හොඳ ප්‍රවණතාවයක්.
* රංගන ශිල්පිණියක් නොවුණා නම් ඔබේ වෘත්තිය කුමන මාවතකට යොමුවෙයිද?
ඒ ගැන නම් මට අදහසක් දෙන්න අපහසුයි. මොකද මම රංගන ශිල්පිණියක් වුණෙත් මගේ පවුලේ ආභාසය නිසයි. මගේ පියා කලා අධ්‍යක්ෂවරයෙක්. මට නිශ්චිත අරමුණක් තිබුණේ නෑ. මේ වෘත්තිය වෙත යොමුවෙනවා කියලා. මගේ ජීවිතේ ඉබේම වගේ රංගනය පැත්තට යොමුවුණා. ඉතින් දැන් මගේ බලාපොරොත්තුව දිගටම වෘත්තීය රංගන ශිල්පිණියක් ලෙස මේ ක්ෂේත්රය තුළ රැඳීඉන්නයි.
* රංගන ශිල්පිණියක් ලෙස ඔබේ දක්ෂතා ඇගයීමට ලක් වී තිබෙනවාද? ඒ ගැන ඔබට සෑහීමට පත්වෙන්න පුළුවන්ද?
ඇත්තටම ඔව්. මම රංගන ක්ෂේත්‍රයට ඇවිත් දැන් වසර 27ක් පමණ වෙනවා. එම කාලය තුළ මගේ රංගනය වෙනුවෙන් මම අවස්ථා කිහිපයකදීම සම්මානයට පාත්‍ර වුණා. මට මුල්ම සම්මානය ලැබුණේ 1986 දී ලෙස්ටර් ජේම්ස් පීරිස් මහතාගේ"ප්‍රාර්ථනා"ටෙලි නාට්‍ය වෙනුවෙන්. එහිදී මට කුසලතා සම්මානයක් ලැබුණා. ඉතින් මම හිතනවා මගේ දක්ෂතා නියම විදිහට ඇගයීමට ලක්වුණා කියලා.
* ඔබ සහ බිමල් අතර ආදරය ඇතිවුණේ හිමාලි සයුරංගිගේ මැදිහත්වීමෙන් කියන්නේ ඇත්තද?
හිමාලියි මමයි පුංචි කාලේ ඉඳලම හුඟක් හොඳ යාළුවෝ. බිමල්ගෙයි මගෙයි ආදරයට මුලින්ම උදව් කළේ හිමාලි. අපි දෙන්නා ළමා පිටියෙදිත් එකට වැඩකළා. ඒ වගේම එකම නිර්මාණ වලදී රංගනයෙන් දායක වුණා."රම්‍ය සුරම්‍ය"ටෙලි නාට්‍යයේදීත් අපි දෙන්නා එකට රඟපෑවා. ඒ ටෙලි නාට්‍යයේදි තමයි මමයි බිමලුයි හමුවුණෙත්. අපි දෙන්නගෙ ආදරයට හිමාලි හුඟක් උදව් කළා.
*ලැබුණු ප්රේක්ෂක ප්‍රතිචාර අතරින් අමතක නොවන අත්දැකීම් ගැන මතක් කළොත්?
අමතක නොවන අත්දැකීම් නම් තියෙනවා. ඒ අතරින් මම පුංචි කාලේ මුලින්ම දායක වුණු ඉතිරි කිරීමේ වෙළෙඳ දැන්වීම (සතයෙන් සතය) නිසා නම් මට පිරිමි ළමයින් අනවශ්‍ය විහිළුත් කරන්න පටන්ගත්තා. ඒ දැන්වීමෙන් තමයි මම මුලින්ම ජනතාව අතරට ගියේ. ඒ දැන්වීමේ තිබුණ වචන කිහිපයක් වෙනත් විදිහකට හරවලා පිරිමි ළමයි මට විහිළු කරපු අවස්ථා තිබුණා. ඊට පස්සේ මාව පාසලට ඇරලවන්න මගේ අම්මටත් එන්න සිද්ධවුණා.
* ඔබ හිතන විදිහට ඔබ සාර්ථක රංගන ශිල්පිණියක්ද? හොඳ බිරිඳක්ද?
මගේ පෞද්ගලික ජීවිතයේදී මම හැමවිටම හොඳ ගෘහණියක්, හොඳ බිරිඳක් ලෙස වඩාත් සාර්ථක වෙන්න උත්සාහ කරනවා. ඒ වගේම කවදහරි හොඳ මවක් වෙන්නත් බලාපොරොත්තු වෙනවා. වෘත්තීය පැත්තෙන් ගත්තම හොඳ රංගන ශිල්පිණියක් වෙන්න උත්සාහ කරනවා. ඒ දෙපැත්තම සාර්ථක කරගැනීමයි මගේ බලාපොරොත්තුව.
* තනිකඩ ජීවිතයද විවාහක ජීවිතයද වඩාත් හොඳයි කියලා හිතන්නේ?
මට නම් ඒ ජීවිත දෙකම සුන්දරයි. තනිකඩව හිටපු කාලේ මම ගතකරපු සුන්දරම කාලේ මගේ පාසල් කාලේ. මට ජීවිතේ විඳින්න ලැබුණේ ඒ කාලේ. පාසලෙන් ඉවත්වුණා ට පස්සේ රංගන කටයුතු නිසා හුඟක් කාර්යබහුල වුණා. බිමල්ගෙයි මගෙයි ප්‍රේම සම්බන්ධය ප‍ටන්ගත්තට පස්සෙත් අපි දෙන්නගෙම කාර්යබහුලත්වය නිසා අපිට ආදරේ රසවිඳින්න ලැබුණ කාලය අඩුයි. නමුත් විවාහයෙන් පස්සේ කාර්යබහුල වුණත් අපි දෙන්නා එකට ඉන්න හින්දා ජීවිතේ සුන්දරව ගෙවෙනවා.
* මේ දක්වා ඉදිරිපත් කළ රංගනයන්ගෙන් කළ සාර්ථකම රංගනය මොකක්ද?
මට එකවරම කියන්න බෑ මෙන්න මේ චරිතෙදි මට උපරිම රංගනයක් ඉදිරිපත් කරන්න හැකිවුණා කියලා. ඕනෑම රංගන ශිල්පියෙක්ට තමන්ට ලැබෙන ඕනම චරිතයකදී ඉදිරිපත් කිරීමට යම් විශේෂ දෙයක් තිබේනම් එයින් තමන්ගේ දක්ෂතාවන් එළිදැක්වීමට හැකියාව ලැබෙනවා. එය නිශ්චිත එක් චරිතයක් කියලා කියන්න බෑ. විවිධ චරිත ඉදිරිපත් කරන්න පුළුවන්.
* බිමල් ජයකොඩි ඔබේ ප්‍රථම ප්‍රේමයද?
ඔව්, පාසල් යන කාලේවත් ඊට පස්සෙවත් බිමල්ව හමුවන තුරු මම ආදරය කරල තිබුණේ නෑ. පාසල් යන කාලේ සුන්දරව ගත කළා. මට ඒ කාලේ අනවශ්‍ය කරදර දාගන්න හිතුණේ නෑ. ප්‍රේක්ෂකයින්ගෙන් ආදරය ගැන යෝජනා ආවා. සමහරු මම දන්නෙත් නෑ. අම්මගෙන් ඇවිත් මම ගැන අහලා තිබුණා. නමුත් ඒ කාලේ ඇත්තටම මට ආදරය, පෙම්වතෙක්, විවාහය පිළිබඳව ඒ තරම් අදහසක් තිබුණේ නෑ. මම කරන වැඩ ගැන විතරයි හිතුවේ. නමුත් මම හිතනවා නියමිත කාලෙදි මම පෙම්වතියක් වුණා. නියමිත කාලෙදි විවාහ වුණා.
* මොනවද අලුත්ම වැඩ කටයුතු?
මේ දවස් වල"සරා"චිත්‍රපටයේ රූගත කිරීමේ කටයුතු සිදුවෙනවා. ඒ වගේම තවත් අලුත් නිර්මාණ කිහිපයකටම දායකවෙලා ඉන්නේ. ඒ ගැන ඉදිරියෙදි දැනගන්න ලැබේවි.
* කලා ශිල්පිණියක් ලෙස වෘත්තීය ජීවිතය තුළ ඔබ අරමුණු කරගත් තැනට එන්න පුළුවන් වුණා කියලා හිතනවද?
තවම නෑ. තවමත් මං රංගනය පැත්තෙන් ඉටුකර තිබෙන්නේ ඉතාම සුළු කාර්යයක් විතරයි. රංගනයේ යෙදිය යුතු විවිධ චරිත තිබෙනවා. මං තවමත් විවිධ චරිත වලට දායක වීම ආරම්භ කළා පමණයි. තවමත් මම අරමුණ කරගත් තැනට එන්න මට බැරිවුණා. තවම මම බොහොම සුළු තැනක ඉන්නේ. තව බොහෝ දේ අධ්‍යයනය කළ යුතුයි.
* ක්ෂේත්‍රයට නවක රංගන ශිල්පිණියන් ඔබට අභියෝගයක්ද?
කවදාවත් කවුරුවත්ම මට අභියෝගයක් වුණේ නෑ. මම අභියෝගයක් කරගන්නේ මාවමයි. රංගනය පැත්තෙන් සාධාරණයක් කරන්න එය මට පහසුවක්. මේ ක්ෂේත්‍රයට නවකයින් පැමිණිය යුතුයි. හැමදාම එකම මුහුණ දැක්කොත් ක්ෂේත්‍රයට පැවැත්මක් නැතිවෙනවා. නවකයින් එක්වීම, නව නිර්මාණ බිහිවීම ඉතාම හොඳ ප්‍රවණතාවයක්.
* රංගන ශිල්පිණියක් නොවුණා නම් ඔබේ වෘත්තිය කුමන මාවතකට යොමුවෙයිද?
ඒ ගැන නම් මට අදහසක් දෙන්න අපහසුයි. මොකද මම රංගන ශිල්පිණියක් වුණෙත් මගේ පවුලේ ආභාසය නිසයි. මගේ පියා කලා අධ්‍යක්ෂවරයෙක්. මට නිශ්චිත අරමුණක් තිබුණේ නෑ. මේ වෘත්තිය වෙත යොමුවෙනවා කියලා. මගේ ජීවිතේ ඉබේම වගේ රංගනය පැත්තට යොමුවුණා. ඉතින් දැන් මගේ බලාපොරොත්තුව දිගටම වෘත්තීය රංගන ශිල්පිණියක් ලෙස මේ ක්ෂේත්රය තුළ රැඳීඉන්නයි.
* රංගන ශිල්පිණියක් ලෙස ඔබේ දක්ෂතා ඇගයීමට ලක් වී තිබෙනවාද? ඒ ගැන ඔබට සෑහීමට පත්වෙන්න පුළුවන්ද?
ඇත්තටම ඔව්. මම රංගන ක්ෂේත්‍රයට ඇවිත් දැන් වසර 27ක් පමණ වෙනවා. එම කාලය තුළ මගේ රංගනය වෙනුවෙන් මම අවස්ථා කිහිපයකදීම සම්මානයට පාත්‍ර වුණා. මට මුල්ම සම්මානය ලැබුණේ 1986 දී ලෙස්ටර් ජේම්ස් පීරිස් මහතාගේ"ප්‍රාර්ථනා"ටෙලි නාට්‍ය වෙනුවෙන්. එහිදී මට කුසලතා සම්මානයක් ලැබුණා. ඉතින් මම හිතනවා මගේ දක්ෂතා නියම විදිහට ඇගයීමට ලක්වුණා කියලා.
* ඔබ සහ බිමල් අතර ආදරය ඇතිවුණේ හිමාලි සයුරංගිගේ මැදිහත්වීමෙන් කියන්නේ ඇත්තද?
හිමාලියි මමයි පුංචි කාලේ ඉඳලම හුඟක් හොඳ යාළුවෝ. බිමල්ගෙයි මගෙයි ආදරයට මුලින්ම උදව් කළේ හිමාලි. අපි දෙන්නා ළමා පිටියෙදිත් එකට වැඩකළා. ඒ වගේම එකම නිර්මාණ වලදී රංගනයෙන් දායක වුණා."රම්‍ය සුරම්‍ය"ටෙලි නාට්‍යයේදීත් අපි දෙන්නා එකට රඟපෑවා. ඒ ටෙලි නාට්‍යයේදි තමයි මමයි බිමලුයි හමුවුණෙත්. අපි දෙන්නගෙ ආදරයට හිමාලි හුඟක් උදව් කළා.
*ලැබුණු ප්රේක්ෂක ප්‍රතිචාර අතරින් අමතක නොවන අත්දැකීම් ගැන මතක් කළොත්?
අමතක නොවන අත්දැකීම් නම් තියෙනවා. ඒ අතරින් මම පුංචි කාලේ මුලින්ම දායක වුණු ඉතිරි කිරීමේ වෙළෙඳ දැන්වීම (සතයෙන් සතය) නිසා නම් මට පිරිමි ළමයින් අනවශ්‍ය විහිළුත් කරන්න පටන්ගත්තා. ඒ දැන්වීමෙන් තමයි මම මුලින්ම ජනතාව අතරට ගියේ. ඒ දැන්වීමේ තිබුණ වචන කිහිපයක් වෙනත් විදිහකට හරවලා පිරිමි ළමයි මට විහිළු කරපු අවස්ථා තිබුණා. ඊට පස්සේ මාව පාසලට ඇරලවන්න මගේ අම්මටත් එන්න සිද්ධවුණා.
* ඔබ හිතන විදිහට ඔබ සාර්ථක රංගන ශිල්පිණියක්ද? හොඳ බිරිඳක්ද?
මගේ පෞද්ගලික ජීවිතයේදී මම හැමවිටම හොඳ ගෘහණියක්, හොඳ බිරිඳක් ලෙස වඩාත් සාර්ථක වෙන්න උත්සාහ කරනවා. ඒ වගේම කවදහරි හොඳ මවක් වෙන්නත් බලාපොරොත්තු වෙනවා. වෘත්තීය පැත්තෙන් ගත්තම හොඳ රංගන ශිල්පිණියක් වෙන්න උත්සාහ කරනවා. ඒ දෙපැත්තම සාර්ථක කරගැනීමයි මගේ බලාපොරොත්තුව.
* තනිකඩ ජීවිතයද විවාහක ජීවිතයද වඩාත් හොඳයි කියලා හිතන්නේ?
මට නම් ඒ ජීවිත දෙකම සුන්දරයි. තනිකඩව හිටපු කාලේ මම ගතකරපු සුන්දරම කාලේ මගේ පාසල් කාලේ. මට ජීවිතේ විඳින්න ලැබුණේ ඒ කාලේ. පාසලෙන් ඉවත්වුණා ට පස්සේ රංගන කටයුතු නිසා හුඟක් කාර්යබහුල වුණා. බිමල්ගෙයි මගෙයි ප්‍රේම සම්බන්ධය ප‍ටන්ගත්තට පස්සෙත් අපි දෙන්නගෙම කාර්යබහුලත්වය නිසා අපිට ආදරේ රසවිඳින්න ලැබුණ කාලය අඩුයි. නමුත් විවාහයෙන් පස්සේ කාර්යබහුල වුණත් අපි දෙන්නා එකට ඉන්න හින්දා ජීවිතේ සුන්දරව ගෙවෙනවා.
* මේ දක්වා ඉදිරිපත් කළ රංගනයන්ගෙන් කළ සාර්ථකම රංගනය මොකක්ද?
මට එකවරම කියන්න බෑ මෙන්න මේ චරිතෙදි මට උපරිම රංගනයක් ඉදිරිපත් කරන්න හැකිවුණා කියලා. ඕනෑම රංගන ශිල්පියෙක්ට තමන්ට ලැබෙන ඕනම චරිතයකදී ඉදිරිපත් කිරීමට යම් විශේෂ දෙයක් තිබේනම් එයින් තමන්ගේ දක්ෂතාවන් එළිදැක්වීමට හැකියාව ලැබෙනවා. එය නිශ්චිත එක් චරිතයක් කියලා කියන්න බෑ. විවිධ චරිත ඉදිරිපත් කරන්න පුළුවන්.
* බිමල් ජයකොඩි ඔබේ ප්‍රථම ප්‍රේමයද?
ඔව්, පාසල් යන කාලේවත් ඊට පස්සෙවත් බිමල්ව හමුවන තුරු මම ආදරය කරල තිබුණේ නෑ. පාසල් යන කාලේ සුන්දරව ගත කළා. මට ඒ කාලේ අනවශ්‍ය කරදර දාගන්න හිතුණේ නෑ. ප්‍රේක්ෂකයින්ගෙන් ආදරය ගැන යෝජනා ආවා. සමහරු මම දන්නෙත් නෑ. අම්මගෙන් ඇවිත් මම ගැන අහලා තිබුණා. නමුත් ඒ කාලේ ඇත්තටම මට ආදරය, පෙම්වතෙක්, විවාහය පිළිබඳව ඒ තරම් අදහසක් තිබුණේ නෑ. මම කරන වැඩ ගැන විතරයි හිතුවේ. නමුත් මම හිතනවා නියමිත කාලෙදි මම පෙම්වතියක් වුණා. නියමිත කාලෙදි විවාහ වුණා.
Subscribe to:
Posts (Atom)